[poem=font="Simplified Arabic,3,darkblue,bold,normal" bkcolor="white" bkimage="" border="inset,4,darkblue" type=2 line=0 align=center use=ex num="0,black"]
كثر ما كنت انتظر كلمة ( أحبك ) واحتريها = كثر ما هالحين أشوف الحب ما يسوى جنيه
كثر ما كانت تجيني اشواق خلاني واجيها = كثر ما أبطى خفوقي اليوم عن شوقٍ يجيه
والعنود اللي تمايل تحسب إني مهتويها = ليتها تخفف كلام الحب وتحاسب عليه
شبهتني بالملاك / وقلت أنا ربي يهديها = قالت أنت أجمل نبيه /وقلت يا ويل النبيه
وقالت إني اغلى من أغلى اللي سكن في ناظريها =ودللتني بالكلام اسمع لها واقول أيه
قلت في نفسي حرام إني لأكسر كلمتيها =قلت ما اعجبني كلام الحب /قالت لي : و ليه ؟
ما اسمعتني يوم قلت إن القصص هذي ابعديها =قلت هيه وما اسمعتني/ قلت هيه وهيه هيه
قالوا لا تعطي حروفك في العرب من لا يعيها = وكني اللي ساق حرفه عنوه لمن لا يعيه
هي حدتني في كلامي والا انا ما ابي احديها = وش حداها يوم تلمس جرحي الاول وتحديه
لا تحسب اللي بيمشي حاجةٍ قالت تبيها = ما درت ما يمشي إلا شئ في بالي أبيه
والله إني لأقلب الدنيا على بكرة أبيها = ولا أفكّر في الغرام اللي يخليني سفيه
نظرةٍ تشره عليها / وابتسامة لك عليها =والكلام اللي تقوله كنّ طعم العشق فيه
هي تبيني اموت فيها / أو تبيني اموت فيها؟!! =أو تبي بعض القصيد اللي يهزّ القلب تيه؟!!
هي تدوّر عن رضاي أكثر من رضا والديها ؟!!=بس لو قلبي سألته ما يبي إلا والديه
مدري هو إعجاب فيني يوم تعطيني يديها !! = يوم قالت لي قصيدك يا سعد ماله شبيه
مدري هو بالذات شعري اللي يدغدغ مسمعيها !!=خابرٍ نفسي من أول في علوم الحب بيه
قلت يا بنت الحلال اخذي القصايد واحفظيها = والا أنا حرّمت أحب اخذي كلامي واحفظيه
عوّدت من حيث جاءت كلمةٍ منها وإليها = لا هي اللي ألهمتني ولا أنا اللي هي تبيه!![/poem]