سويتلي فنجال يسوي فناجيل يشتح به بعض العرب عن عياله
كملت له حقه من البن والهيل وثلاث حاجات تخصه كماله
مشكل لونه مع الصين تشكيل اشقر محمر داخل به شعاله
لياهفه الرجال مع تالي الليل كنه مسويه بقمي في دلاله
اقولها الصدق ماهو تهاويل واللى يبي ينقد علي من هباله
سير لهم يامروج القال والقيل سير من الحسرج اليا اقصا السباله
ومن شعر والعرقين روحوا مشاميل للضلع حضن ومن نزل في جباله
وفي مرو الحرة تحصل رياجيل الحضر واللي سارح مع حلاله
وعود لواد به غروس مضاليل بالماس الاشقر محتمين ظلاله
ظلة يبونه للعذارى مقابيل وتمرة يبونه للمسير فواله
وتلقي كلام سعيد قص بتفصيل بالفعل تلقي ما يصدق مقاله
تلقي حمول الخيل ذباحة الحيل رجالهم يكفى ضيوفه قباله
قبال احلي من شرب الشهاليل ليا جاء من المنشي حقوقه خياله
في وادي مسيول سيل باثرسيل وصافي علي وجه البسيطة زلاله
بالله عليكم ريضوا يالمراسيل ودو لبن منصور مني رساله
مدحي لهم عز ومعزة وتفضيل كل بقمى نعطية حقة لحاله
فيصل ملاذ اللى شكا البين والويل يورد حباله اللي قصار حباله
ستر البني ان طوحن الهلاهيل ابوه جود منسبه في خواله
مذلل خصمه من الشعر تذليل من قابله مره يدور بداله
ينقر الصخر ماهو كلام المواويل من ضيع المكسب يبي راس ماله
ناصيك من قلت علية المداخيل مطلوب دين وطالع بالكفاله
وجاين عليه من الليالي غرابيل الله يعلم ما خفي من حواله
لاموتر عنده ولامن مراحيل وسيارتة ولك الكرامة نعاله
واللي حمي ركن الحرم من هل الفيل ما قلتها مزحه ولاهي اختاله
وصلوا علي من فضل الدين تفضيل نبينا محمد اللي خاتم للرساله
الشاعر (سعيد بن عياد الروقي )
رد مع اقتباس
