[poem=font="Simplified Arabic,4,white,bold,normal" bkcolor="teal" bkimage="" border="double,9,seagreen" type=2 line=0 align=center use=ex num="0,black"]
انا ياصاح في حُبـك شقيـت وكنّـي المجنـون=يناجي الطيف في ليلى.. وجرح العاشقين ادمـاه
اسابق فيك خطواتي.. وانا في خافقـي مطعـون=جريح القلب من اقصى الغرام المنجـرح وادنـاه
كأني بك وباشواقي.. وبآهات الهـوى مسكـون=يقول الشوق لي صابت جروحك في الخفوق.. الله
ترى بالوصل ياعمري وحتـى بالجفـا ممنـون=لأن الحب في وصلك لذيذ وفـي جفـاك احـلاه!
تفضّل رطّب خدودي.. بدمع(ن) من عذاب عيون=فدت عينك عيـون اللـي يحبـك اولـه واتـلاه
انا الجافي! انا القاطع! انا اللي في الوداد يخون!=وانا اللي اطعن قليبي! وانا اللي مشقيّ(ن) دنياه!
وانا الغلطان في حقك! ومن غيري تراه يكـون؟=وانا اللي متعب(ن) قلبك! وانا اللي بالعذاب ابداه!
حبيبي لاتعاتبنـي.. مـدام انـي انـا المجنـون=اضيع بلحظة غيابك.. وعمري في لقـاك القـاه [/poem]