المشاركة الأصلية كتبت بواسطة كرزون
السلام عليكم ورحمة الله وبركاته
اهلا اخواتي العزيزات ...
انا معلمة أركان طازة .. ولا عندي خلفيه عن الاركان من ناحية اكاديمية ؟
يعني ابي اعرف شو المفروض اركز عليه وتركز عليه الموجهات في التقييم ؟
يعني شو هي الاساسيات الي لازم تكون متوفرة فيني واعطيها الاطفال ؟
فلو تتكرم وحده من المعلمات الخبرة او عندها خافيه بشرح غرفه الاركان ؟
وكيف تتعامل مع الاطفال والنظام والاساسيات الي اعطيها الاطفال ؟ وهل من المفروض كل يوم اجدد كل الاركان او ركن واحد ؟
الفني مثلا لازم كل يوم عمل ؟ ولو دخلت مجموعه لازم ادخل مجموعه ثانيه او اكتفي لان الاركان الثانيه بعد لازم اعطي الاطفال الثنين حقهم فيها ؟
ركن القراءة بعد لازم اقرا قصه لهم فيه او اخليه لهم هم يتصفحون الصور؟
ركن ابناء والهدم تعبت مع المكعبات مدري وش اسوي فيها ؟ مثل وحده الايدي والعائله والغذاء وش يسوون بالمكعبات ؟
ركن الادراك كيف اتعامل مع بطاقات التسلسل مثلا يعني اخلي الطفل يرتبها على الطاوله اولازم فلين يثبت عليه البطاقات ؟
النظام بالاركان بالنسبه لي محدود لاني احب اترك الاطفال على راحتهم وينفسون لكن المديرة تنتقدني وتقول يلعبوا بهدوء ؟
شو اسوي وشو الصح بالمفهوم التربوي ؟
بلييييييييييز ساعدوني والله يوفق الي ترد علي وجعله في موازين حسناتها
طيب ياقلبي على أمرك ,,
(لاتزعلين )<<<< حاسة فيك مريت بنفس ظروفك ,,
وراح أشرح لك اللي أنا أعرفة أنا زيك لي خبرة سنة ونص ,,
شوفي ياقلبي انا ماابغامنك الا تدعين لي حياتي بان الله يحقق اللي في بالي وييسر زواج أختي ويدخلني الجنة ودعوات صادقة غير كذا ما أبغا واي شي تبغية أنا تحت أمرك لو تبغين أيميلي عاااااادي أعطيك اياة ,,
عموما المعلمة في الأركان كانحلة هي ومساعدتها يتقاسمون الأركان (4) على الاساسية تشرف عليها و(4) الباقية على المساعدة تشرف عليها وياللة هاذا شرح لبعض الأركان ,,
ركن الأكتشاف,,
ياقلبي يدخلة طفل واحد على حسب الجدول اللي عطتكم اياة المشرفة اللي معطينها الجدول طبعا إدارة الروضة مثلاالسبت مطلوب في الجدول تنزلين لهم أنهم مثلا يكتشفون حشرة تروحين تجيببن حشرة وتحطين مجهر وتحطين عليها أسئلة وكل طفل يدخلة تمشين على حسب الجدول أحيانا الأكتشاف يكون اليوم الثاني مثلا الأحد نازل ( كالسابق ) معناتة نفس الركن ما يتغير اوكية على حسب الجدول تمشين علية مثلاالاثنين غيروة يبقا تغيري الركن طيب ومن وقت لوقت تطلين على الركن عشان الطفل اللي دخل الركن تسألينة الاسئلة اللي حطيتيها ,,
ركن الفني ,,
يوميا ياقلبي يتغير وبرضو على حسب الجدول اللي نازل عليكم من الروضة وعطتكم اياة المشرفة ويدخلة (4) أطفال مثلا نازل السبت رسم حر يبقا تجهزي ورق والوان من نفس الروضة بعدد الأطفال ويوميا يتغير على حسب الجدول اذا نازل عمل فني مثل (بطاقات لماما وبابا ) تجهزين بعظها من البيت تقصين البطاقات بشكل مرتب ولما تروحين الروضة تطلبين منهم تزينها بخامات متنوعة فلين مضغوط ,قصدير ,ورق ملون مقصص صغير على حسب رغبتك ,,
ركن التعايش الأسري ,,
هاذا الركن المطلوب منكم فية تعيشون الطفل كانه في بيئتة ويدخلة من (#) الى (4) أطفال مثلا وحدة العائلة يسير عشان يحس الطفل انة في بئتة تجيبن كراسي وتلفزيون ومرايا وملابس على اساس غرف نوم او غرف جلوس وزي كذا الركن هاذا مايتغير الاعلى حسب الجدول مثلا وحدة العائلة (3) أسابيع يبقا الركن قاعد (3) أسابيع وطول الفترة هاذي ما تشيلينة لكن تضيفين علة أشياء عشان الأطفال لايملون مثلا تضيفين كمبيوتر تسوينة مطبخ وأدواتة كذا يعني ولمن تعدى مدة الوحدة وتجيك مثلا وحدة الأيدي يسير لمن تدخل هاذي الوحدة تشيلة الاشياء اللي حطيتيها في وحدة العائلة ,,
*************************
تعبت ياقلبي أكمل بعدين اوكية ,,
تقبلي تحياتي
*~* سارونة نصراوية *~*