[align=center]
[move=up][poem=font="Simplified Arabic,4,black,normal,normal" bkcolor="transparent" bkimage="backgrounds/19.gif" border="double,4,gray" type=2 line=1 align=center use=ex num="0,black"]
الله = الله
مرت أعوامٍ وقلبي ينتظر صادق عهدها = مدري هي ترجع وتوفي ولا هي تضحك عليه
آآه من جور التّصبر كل شي فيني فقدها =وكل مافيني ينادي وينها راحت رقيه
وين عذراء علمتني بأني اقرب من كبدها =واني اغلى من غلاها .. دمعها . واغلى شويه
واني فيها قلب ينبض واني موطنها و بلدها =واني اغلى من زعلها وبسمة اللحظة البهيه
ياما قالت لي.. وقالت اني عزّتها .. سندها =وان دنياها بقربي مثل اجمل مزهريه
ياما قالت لي ولكن ماحصل شي ٍ بعدها =مدري هي مثلي تعاني او مع غيري سليه
ولا هي فعلاً تناست عشقها.. ذاتي .. وعدها =ولا هي صارت ردّيه تشبه الدنيا الرديه
موت مشتاقه يديني ظمّه الفاتن جسدها =موت عطشانه شفاتي ترتوي شفاها الشهيه
آآه يامحلى رقيه فـ نظرتي ومحلى شهدها =ماهي جذابه ولكن فيها كل الجاذبيه
آآ ه ياليت الغرام الي كبد نفسي كبدها =وليتها ربع القساوه الي فيها بس فيه
وش كثر قلبي رحمها .. رحمة الام بولدها =وش كثر ناداها يبكي .. يارقيه .. يارقيه
ماثمر فيها غرامي ماكفاها.. ماوردها =عاشت بشيبي وشبابي والعمر مني هديه
كيف ينسى القلب عذراء حبّها حتى حسدها =وكيف ينسى القلب خنجر نّز طعناته نديه
ها المبادي والعوايد خنتها ياما بعدها =مابقى (فـ) دنياي إلا .. هّم .. وذنوب ٍعصيه
ضاق ها العالم بروح ٍ تنتظر ضيقة لحدها =واختفى نور الأماني ... ظلها يأس الاسيه
الزمن ياخوك جمره كحّل أعيوني رمدها =طول عمري هذا حالي فقير واحلامي ثريه
والجروح الي بقلبي حيل ما يحصى عددها =صار همي. مثل دّمي . ساكن النفس الشقيه
اتعبتني حيل عذراء شاب راسي من ..نكدها =كنت احّسبها غبيه واثرها ضنوني الغبيه
كنت اقول الإرض غابه ما انخلق غيري اسدها =ياحسافات الرجوله ذلّت غروري.. صبيه
عبدالله الحداد = السياسي [/poem][/move]
صح لسانك .. مليووووووووون ولا يكفون .. يالغالي
أبدعت بكل ما تعنيه الكلمة
لله ردك يا شيخ ..
جزله من راس جزل
لك كل الود والتقدير ..
يالغالي
أخوك محمد الأسمري
[/align]
رد مع اقتباس
