ولـي حيـاة الندامـه ويـش تاليـهـا
..................ضاقت علـي الوسيعـه ويـن باولـي
اطمـن النفـس وادلهـا وارجويـهـا
................واقـول يمكـن لياليهـا بيصفـن لـي
مير الليـال حرمتنـي مـن حلاويهـا
..................وصارت مع الهم والهوجاس خصمن لي
اون مـن ضيقتـي واصـت واثنيهـا
..................ولا مشيت الهموم القشـر يبـرن لـي
لاضاقت النفـس مابـه مـن يسليهـا
...................ورفيقي اصبح مع حضي عدو(ن) لـي
انوم مع الهم واصحـى مـع بلاويهـا
...............وهرج النفـس وحـدي مابـه مسلـي
ياموت روحي عليـك اليـوم بهديهـا
..................والله ان تقـوم القيامـه مابـرد غلـي
اخير من دنيتـن مارتحـت انـا فيهـا
..................سمحت مـن زينهـا والـدق والجلـي
وانا ادري ان علم نفسي عنـد واليهـا
...................مير اتمنى وفاتي يومهـا اهـون لـي
تقطعـت بـي مـن الدنيـا عراويهـا
..................انا ابرم الحبـل واثـر الحبـل ينفلـي
لاوالله الا خلصت ورحـت انـا فيهـا
.................من دون في دون لين اقفيت انـا كلـي
والله لـول صلاتـي يـوم اصليـهـا
..................ولله اهلـل واسبحـن عقـب ماصلـي
لصير من جملة اللـي فـي ملاجيهـا
...................مشي بلا عقل وجنانـي حليفـن لـي
يالله ياخـالـق الدنـيـا ومفنـيـهـا
....................امرك يغيب الهـلال وبمـرك ايهلـي
نفسن لجـت والتجـت بـك لاتخليهـا
...................ماغيرك احدن الا ناديـت يفطـن لـي
ارحم مسيكينتـن ترفـع لـك ايديهـا
..................واصلح لها الشان والترحـال والحلـي
ودي للجميع