تاج ووسام قصائدي في صقر العرب من امسية مهرجان الغضا التي اوقفت بها الجمهور
لتحية خادم الحرمين الشريفين الملك عبدالله بن عبدالعزيز حفظه الله ورعاه
زارني ليلةٍ هاجسٍ مشتبك / مشترك شركته تربك اصحا عقول
========== فكرةٍ تنتهي فكرةٍ تبتدي / والقلم في يدي ويش اخلي واقول
من قوي العلوم مرن اجلس اقوم / ثم انادي نجوم حتى شاب الظلام
====== حتى شق الشروق وانا ادور طروق / اللي ترقا لفوق الفكر في ذهول
كل ماجبت بيت احسبني بديت / قلت لا ماوفيت امسحه ثم اعيد
====== حايرات الحروف كيف تبلغ وصوف / حب ساكن بجوف دايم مايزول
للهمام الحسام اللي حبه لزام / مايوفي كلام وصف حب عظيم
======== لو حبر القصيد نزف دم الوريد / مانجيب الجديد مهما والله نقول
كل شاعر يحير وصف حبٍ كبير / بالدماء له مسير تغتذيه القلوب
====== حب باني صروح ساكنن كل روح / مايروح لو نروح جعل عمره يطول
ياجماعه اسمعوا فزوا لاسمه اوقفوا / اشهد انه كفو كل شعر المديح
========== اللي اسمه علا خيرة عم الملا / له غلا له ولاء له نوقف مثول
هو مليك القلوب عند شعب محبوب / عند كل الشعوب نفتخر به مليك
=============== رمزنا عزنا ذخرنا تاجنا / والهنا عننا كف شال الحمول
صقر صقر العرب كف تفرج كرب / من سحابه شرب كل مسلم زلال
========= الشجاع الحنون قلب مثل المزون / خير كفه هتون مستمر الهطول
من فكر سيدي نقتدي نهتدي / لو سألنا الجدي قال والله نعم
============= اللي رايه هدايه صدوق النوايا / ونوره بشوره وغيره افول
عز لدين قوة يهابه عدوه / بسوه عدوه يعود حسير
======== للخصم صقر مرعب ملكنا بومتعب / يحل اللي يصعب بزين الحلول
ياحبيب الجميع الرجل والرضيع / لك نلبي نطيع لبا والله نداك
======== كلنا تحت ايديك نفتديك يامليك / من اشارة يجيك المواطن صمول
ياملك ما اعدلك للمكارم فلك / ربنا جملك ياحسين الوصوف
====== انت حضن اليتيم انت بسلم سقيم / بالكرم يالكريم ديم تحيي الذبول
كم سجينن حزين فارق اهله سنين / قر به كل عين طفله امه ابيه
==== رد فيه السعادة تهنا بزاده و طمن فؤاده / بعد كان يخفق سوات الطبول
فعل لم الشمل شي ماهو سهل / يكفي فرحة اهل مثل رجع الحياة
======= كم فرح كم مرح قلب صدر انشرح / بعد هم وترح يوم كان معزول
حامي داره وجاره وفاء من شعاره / حزام الشدايد حزام السلام
========= ياضمان وامان اللي داسه زمان / المليك اللي يسبق كلامه فعول
راسه راس السياسة ياعين الفراسه / ملكنا مقدي جميع الملوك
=========== من جا صقر العروبة ينور دروبه / يفّرج كروبه ولو هي تهول
شف فلسطين همه اهلها بدمه / خلق كم قمة لتحريرها
======== ابشروا قدس يطهر وصهيون يظهر / لها صقر يسهر وهي له ميول
وعضده سلطان زنده وليٍ لعهده / بوخالد انا اشهد ونعم العضيد
========== اليمين العوين الشجاع الامين / اللي مسرج لدينه وارضه خيول
نسل صقر الجزيرة ياقائد مسيرة / بشرع وبصيره الهي ياجاهي تطيب ثراه
==== = من صقر لا صقر الوطن مزدهر / البناء مستمر كل صقر لحماها يجول
خير آل السعود للوطن زود زود / جود ماله حدود عزهم يامعبود
========= وعزها مملكة ارض فيها بركه / دار مكه وطيبه وقبر الرسول
[web]http://www.qsedtube.com/play.php?vid=1888[/web]