[align=center]في احدى قهاوي بعد المغرب .. في صالتنا المصونه .. المطلّه على حوشنا الذي يحتوي على مدريهتين مكسورتين
ونحن نرتشف القهوه العربيه .. ونتناول حبات الرطب ..ومعمول لوزين البر <<بالكراتين هذا
كانت الجلسه تحتوي على الوالدين والاخوه : .. نتبادل الاحاديث الوديه احيانا .. ونلقي الذبات على بعضنا البعض .. ولا يمنع ذلك ان نتهاوش احيانا .. كأي عائله سعوديه طبيعيه للغايه ينهي ابي فنجال قهوته ويمده لاختي ام ابتدائي بنت .. صبي القهوه
ميزه عائلتنا انها لا تفرق بيننا بالاسماء
فاسماء البنات كلهم ((بنت)) .. والاولاد (( ولد او ورع )) اما امي هي الوحيده التي تتفرد بلقب ((حرمه )) انتهت المداخله "
تصب اختي القهوه بيمينها وتمده بيسارها .. ماتدري الا ومفتاح السياره مسوي ختم في جبهتها .. تضع الدله جانبا وتصيح وتطلع من الصاله..
يكمل الوالد رشف قهوته باصوات موسيقيه متناغمه يدل اخرها على انهائه للفنجال
ويدور ببصره بين ابنائه الكرام البرره
ينتظر ان تلتقي عيناه العسليتان بعيني احد ابنائه فيقوم ويصب له القهوه التقت عيناه باختي ام متوسط بغضب
انتي يالي ماتستحين وين باقي الخمسه الي عطيتك اياها اليوم الصباح :
مابقى منها شي <<تنفخ
اجل ثاني مره مو تطلبين من السواق فكه الصبح ولا جا اخر الشهر الا وهو يطالبني بميه ميتين زياده عالراتب :
لو انكم اهل زي الناس كان طلعتولي جوال شوفو صاحباتي كل وحده بجوالها وانا جوال امي وبالمووت بعد تعطوني اياه :
تحمدي ربك .. لو اني ابو زي الناس كان طلعتك من المدرسه وسفرت الشغاله وخليتك تشتغلين دلع بنات :مدري:
تحمدي ربك .. لو اني ابو زي الناس كان طلعتك من المدرسه وسفرت الشغاله وخليتك تشتغلين
دلع بنات
طقي راسك بالجدار .. واعلى مافي خيلك اركبيه .. ولا عاد اشوفك بهالبنطلون تركبين السيكل بالحوش قدام ولد صالح فاهمه
ولد صالح !! من زينه هالخكري الي 24 ساعه بحوشنا .. لامنه صار رجال تغطيت عنه :واء:
ويدور ابوي عالمفتاح يبي يسوي لها ختم . بس يتذكر انه لازق بجبهه اختي الثانيه اسمعي .. روحي لاختك وخذي المفتاح من جبهتها وتعالي الزخك فيه
طلع نفرين الى الان من الصاله .. بقى امي الي من صلت المغرب وهي عالسايلنت :
وانا ::::: :احم:
يطالع في امي الي ماده بوزها 3 اشبار ..وانتي وش فيك ياخاله مكتمه ؟؟ ذبحتلك واحد من عيالك
ولك عين تتكلم يابو خمسين <<انفلتت العجوز
وش خمسينته ؟؟ <<يسوي نفسه مايدري
يالحضرمي يالبخيل يالجلده يالحديده
اطلبك مصروف البيت من اسبوع .. تحطلي خمسين فوق الثلاجه
تحمدي ربك انتي الثانيه غيرك عايش على ريالين وعيش صامولي وجبنه كرافت طول اليوم وانتي ماغير هات .. هات
حريـــم ماينعطن وجه
طبعا امي عندها حصانه دبلوماسيه . عشان كذا سواليفها تعدي من غير لزخه مفتاح ومن غير ماتقوم من مكانها
على بالها اذا تحركت من مكانها ابوي بيتزوج عليها
اطالع باخوي واقوله : دورك الحين .. وهو يقول لا دورك انتي
اخر شي تراهننا انا واياه الي كلامه موب صح يضحي ان فاتورته ماتتسدد الشهر هذا (( اشوا انها محدده ))
" لأن عندنا نظام في بيتنا 5 من اصل 6 فواتير تتسدد .. لازم كل مره احد يضحي وجواله ينقطع انتهت المداخله "
يناظر ابوي فينا انا واخوي
ياهيس ..وين رحت بعد العصر اليوم ؟؟
رحت البوفيّه الي جمب المسجد
يعني ماصليت .. هاه
الا صليت وربي بعدها نقزت للبوفيه
طيب ماقعدت سمعت حديث الامام ولا السربته اهم
والله جوعاااااااااان ياابوي مافطرت ولا تغديت
وامك ذي ماطبخت اكل ولا راقده برضو
الامسوين خرابيطهم هذيك بس انا مااحبها عطووني رز وبس <<سعودي
طيب وش اكلت في البوفيه <<بزعمه يحجر له
اثنين كبده وواحد بيبس
عساه سم ان شا ءالله قل امين
امين
<<وقام من مكانه عشان يطلع برضو
وبعدين رح للحلاق احلق شعرك ذا تبي تصير يهودي
طه
وماتشوفون الا عقال ابوي على جبهه اخوي مسوي فيها صحن طائر
أذن العشا وراحت امي تصلي
يبقى انا وابوي بالصاله
تنوحه
عيون تنوحه
وش رايك في الحركه الي سويتها
ياخطييييييير انتا .. تعجبني
كفك
-------- ----------
0
0
مايستفاد :
//1//الموضوع هذا يحوي مناظر غلط في التعامل العائلي
ياليت نعرف نتعامل مع عيالنا واهالينا
//2// لا تحطون مع القهوه الا تمر او رطب لان المعمول يتفتت وتضطرون تكنسونه خصوصا اذا ماعندكم شغاله
ابي اقولكم سررررررر خطير
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
..
.
.
.
..
.
.
.
.
.
.ترى الموضوع مهوب ملطوش ..يس منقول :هاها: [/align]