أثير بنت يتيمه عمرها 20 سنه وعايشه مع عمتها مزنه طبعا عمتها ارمله وكبيره بالسن وماعندها الا يوسف ولدها متزوج وعنده ولدين حمد وحمود وزوجته تهاني طيوووبه حيل رهف وهي توم روح دايم يشكون لبعض وكل حياتهم مع بعض مابينهم الا 4 سنين لان عمر تهاني 24 ويوسف يحب رهف مثل اخته اما هو وتهاني عشق مو طبيعي وعاشين كلهم بيت واحد
طبعا رهف لها عم واحد وعمتها اللي عايشه عندها بس عمها جاسم مايسأل عنها داايم مشغول عندها مرته خلود كافيه خيرها شرها ماتاذي احد وطيووبه وبناتها مريم عمرها 19 والجود18 متواضعات ويدخلون القلب وعليهم جمال متوسط مريم معروفه بعيونها اللي تذبح اما الجود جسمها وبشرتها الصافيه واخوهم فهد متزوج ومايجيهم كثير زوجته ملسونه ومنافقه عندهم غاليه بنتهم صغيره والطبيب محذرها من الولاده مره ثانيه لان خطر على حياااتها
اما اخوهم تركي عمره 22 مسافر يدرس بره معروف بتكانته وجماله وطيبته وحنون على اهله وهو كورس ويرجع للكويت
واثير عندها خال سعودي طبعا ام اثير سعوديه وماخذ ابو اثير عن حب واول ماجابوا اثير بعدها بشهر تعبت ام اثير واخذها ابو اثير المستشفى وحط اثير عند اخته مزنه بس كان خايف على ام اثير وزاد السرعه بس القدر كان اقرب صارلهم حادث وماتوا
واثير ماعندها الا خالها محمد بالسعوديه وكل عطله تزوره وبنات خاله دلال 21 وغلا 20 ومها 19 يموتون با اثير ويستانسون عليها ويبجون اذا راحت الكويت بعد العطله وهم عايله معروفه بالسعوديه ومغتنين اي عندهم اخوان متعب 27 ومازن 25 وطلال 23
متعب رومنسي لابعد الحدود وطيب بس شديد وشخصيه فوق ماتتوقعونها ورجال بكل معنا الكلمه ويجذب كل شخص يشوفه وطوله وبشرته الحنطيه ورموشه اخلصكم خشف موظف بالداخليه
مازن هادي وطيب املج على بنت جيرانهم دانه وهم الاثنين لايقين على بعض حيل هي بعد هاديه وطيبه
طلال المرح والشعبي يستانس على اثير ودايم مزح معاها يعتبرها وحده من خواته
الحين بوصف لكم اثير بنت طيبه بكل معنا الكلمه جماله ماله وصف طوله حلو وجسمها اللي كله رشااقه لا نحيفه ولا مليانه وبشرتها الصافيه وحنطيه مايله للبياض ورمشها الكثيف وحاجبها المرسوم وعيونه واسعه وخشمها كانه منحوت روعه وشفتها مليانه شوي ومتوسطه ولا ابتسامته تغير ملامح وجها تخليه خيااال اسنانه البيض ومصفوفات ولها قمازه على خدها الايمن ولها شعر لين اخر ظهرها اسووود وكثيف
انا ذكرتكم اهم الشخصيات اللي بالقصه وانشالله تتعرفون على الباقي لما نتعمق بالقصه
ـــــــــــــــــــــــــ ـــــــــــــــــــــــــ ـــــــــــــــــــــــــ ــــــــــــــــــــــ
في الصاله
أثير: عمه اخذتي العلاج؟
العمه: اي اخذته فديتج .
تهاني: حمد شلعت قلبي والله لعلم ابوك عليك
حمد: مابي اللبس
اثير: حمد ليه ياقلبوو ماتبي تلبس .
حمد:انت لبسيني
حمد عمره 6 سنين وحمود 3 سنين
اثير: فديتك وفديت ام جابتك ابشر انا الابسك
تهاني: اعناد لالبسك انا كل هذا تخليني اركض وراك
اثير: تهاني انهبلتي تحطين عقلج عقل جاهل عطيني بس شعرفج بساستهم هههههههه
تهاني: اخذي هذي ملابسه تكفين يام سياسه
العمه:ههههههههههه والله ضحكتوني الله لايحرمني من حسكم بالبيت
يوسف: احم احم
اثير تحط لفه على راسها اما وجها ماتقطيه لان يوسف نفس اخوها
يوسف: هلا باهل البيت كله الله يخليكم انشالله ولا يحرمني منكم وربي دايم اتشوق ارد البيت عشان جمعتكم الحلوه
اثير: انت متاكد مو عشان شئ ثاني ,قاعده تغمز حق تهاني.
يوسف: اكيد هل يخفى القمر والعشق والحب
تهاني خلاص تشققت : انا بروح اشوف حمود قعد ولا لا
يوسف: فديت اللي يستحون ياربي يلوموني المشكله
الكل :هههههههههههههههههههههههه
اثير: ربي لا يغير عليكم انشالله تستاهل تهاني
يوسف: ربي يرزقج يا اثير بالزوج اللي يحبج كثر ما احب انا تهاني
العمه: ولا اكثر بعد
تهاني ومعاها حمود : المشكله ياعمه مافي شخصين يحبون مثل حبنا لبعض
اثير: اشهد ان العيال بيخربون مادام انتي امهم ويوسف ابوهم
الكل:هههههههههههههههههههه� �
ـــــــــــــــــــــــــ ـــــــــــــــــــــــــ ـــــــــــــــــــــــــ ـــــ
طلال: يوووه والله اشتقنا حق اثير.
دلال: اي والله فديتها
غلا : متى تجي بس العطله
متعب: انشالله اقريب كلها شهر
كلهم اللتفتوا حق متعب باستغراب:ايييييييييييييي
متعب حس بالاحراج: طلال تروح معي لعرس (فلان بن فلان)
طلال يبي يشوف ردت فعل متعب مدري ليه دايم يتكبر لا شاف اثير: لا شوي بنطلب اثيرعلى جوالها وبنسالها عن احوالها
متعب:الغيره واضحه عليه يعني منت رايح اجل انثبر
طلال:اوكي بنثبر عشان خاطر اثير
متعب شوي وينفجر يقول بينه وبين نفسه شسويتي فيني يا اثير قلبتي حالي
..................................
انتظروا الباقي ابي اشوقكم بس جد راح تكون قصه روووعه اعدكم
ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ــ