السلام عليكم ورحمة الله وبركاته
قبل اسافر كنت جالس في زمان الانتظـــــــار********ارتشف هم المكان وكل همي حاجتيـــــــــن
كنت خايف من يباس وكنت خايف من خضـــار********كنت أخاف انك تجين وكنت خايف ماتجيـــن
لين شفتك من ورى بيبان صالات المطـــــــار********مقبله من كثر شوقك كنت أشوفك تركضين
مرة ركضك يمين ونظرة عيونــــك يســــــار********ومرة ركضك يســـار ونظرة عيونك يميــــن
تايهه ما كنك إلا ضحكتن وســـط انكســـــار********ساكته ما كنك إلا دمعتن فيـــها حنــيــــــن
خايفه وجله حزينــــة يعني كنتي بختصـــار********تشرحين لكــــل جاهل معنى كلمة عاشقيـن
بعدها جيتك ولـــــــــدّة عينك ودار الحـــوار********ومن كفوفي دمعتين ومن كفوفك دمعتيـــن
كنت اصد وكنتي أنتي ثايره مثل الشـــــرار********ماعلى لدغة لسانك غير كلمــــــــة وين وين
وذكر إني رحت قبل ابدي لك أيـــة اعتــذار********رحت حتى قبل أطيب خاطرك في كلمتيـــن
لأكن أنتي عارفتني زين ولي صار صــــار********سامحيني وذكرني قـــــد منتي تقدريـــــن
اذكريني لانتهت لشمس رحلـــــه مع نهــــار********وذكريني لي صحا لصبــــح ورد الياسميــن
وذكريني لي لمحتي في ليـــالي البرد نـار********وذكريني لي سمعتي للمطر صوتٍ حزيــــن
وذكريني وذكريني وذكريني باختصــــار********اذكري فهد المساعد قـــد منتي تقدريـــــن
سلام..