يالله مير تحييهم كلياتهوووون
وش علومكم ورياضياتكم
<< يقاله ينكت
يالله ظهرية خير بس اليوم الأخلاق قافله مرره في الكون كله مادري ليه
رحت للبنك بأسحب فلوس لأني توني أستلمت الراتب << توه يستلم مسوي تسويه مع
البنك .
لقيت ثلاثه موظفين طافييييين كل واحد أشوف نفسه نازله من خشمه
بس باقيلها عطسه ويحرق البنك كله
قلت بأصرف راتبي
قال يا أخوي أكثر شي في جده الصرافات في كل زاويه مثل برادات الببسي روح أصرف
منها ,>>>> وعيونه مبحلقه فيني ولو مابيني وبينه القزاز خنقني
قلت ياباشا هدي أعصابك وش فيك يا خي أنا مسوي إتفاقيه ما أصرف الا من الفرع .
قال أخلص اخلص هات بطاقتك وكم تبي من فلوسك .
قلت عطني 12 ريال أشتري بروست البيك
أبو من أنت دلخه أبي فلوسي كلها
وهو يناظرني بنظرات الإحتقار كذا ويطالعني
فوق تحت .
قال أنتظر شوي حتى نلاقي لك صرف
لأني يوم أستعلمت لقيت الراتب ومعه 17 ريال و75 هلله
كتبت المبلغ وما نسيت الفراطه ,,
عاد هم بلشانين في الـ 75 هلله
وأقعد أنتظر وهم يسولفون من ورى القزاز ويطالعوني ويضحكون ويهزون راسهم
عرفت إني نكتتهم الصباحيه ويضغط على الأزرار حرف وبعد ساعه رقم
متكيسل الوصخ لا يخلص الطلب .
شويتين بس إنفتح الباب ودخلت ذيك الطويله الي طاقه اللثمه وما غير تمايل
ولا بسه عبايه شكل ورعها الصغير مصبغها بألوان شمعيه وحالة أم العبايه حاله .
ومخصره وعلوم شينه شينه .
أنا أطالع في هالبليه الي دخلت الا وأسمع طربخ طربخ وصقع عند الموظفين
الا وهم كلهم مضبطين الشخصيات وحاطينها كوبرا والإبتسامه خمسه متر في عشره كيلوو
ومنتصين تقول إنهم في عرس لعنبوو دارهم والأخلاق بدل ماهي تجاريه
صارت ياباني أصلي
وهي متجهه لهم وكل واحد ماسك زاويه يقول يارب عندي يارب عندي
وأصايح على الموظف وقلت يا أخي خلصني
قال وخر وخر ليدي فرست
أوخس يا لغات الحين أقول خلصني والله ما طالعوا فيني لين أخدموها .
ويوم طلعت قدامي جت بعدي وخلصت قبلي وطلعت برا لقيتها تأشر للموزين
وفاكه اللثمه وربي وربي وربي شكلها يخرع اي والله اللبس الي عليها
لو أحطه على عنز طلعت كشخه وجابت كرتون أرقام من العقول الخربانه مثل هذوليك
==========
خلصت أنا وطلعت لموزين قال فين يا أبوي .
قلت البوادي .
قال أركب .
ركبت ولقيت السواق سعودي ومن يوم ركبت معه فتح موضوع كباري جده
قال تصدق إن جده فيها 33 كوبري
قلت والله ما عديتها
قال يا اخوي أمير المنطقه فاشل >>>> يبي يسحبني يحسبني إرهابي
قلت يا أبوي وش فيك خلك في حالك وعيب عليك الكلام هذا
وأسمع الفرمله ويصقع وجهي في القزاز .
قلت وش فيك
قال يا ابوي ترا أخلاقي قافله وتجاريه لا تزودها معي وتسوي وطني
يالله أنزل أنزل بلا فـ شكلك .
وبعد ما نزلني شفت حلاق قلت زين بأحلق وبعدها أدور لموزين ثاني
دخلت على الحلاق قلت تخفيف و تحديد .
قال حدد طلبك .
قلت وأنا بألطف الجو باسوي أمزح معه
هات موس وكريم وأحدده .
قال فايق مع الصباح هذا يا فتاح يا عليم يا رزاق يا كريم.
أنا صراحه أنطميت الرجال يولول ومعه موس ومقص يعني ذبحتي مثل الدجاجه
وبعد ما شفت القفله قفلت معي وتذكرت حسن الأسمر يوم يقول
الله يسامحك يا زمان جرحتني آه تعبتني آه ظلمتني آه
الله يسامحك .
الدنيا لعبت في الناس .
هيا لا أحد يكلمني تراني مش رايق وأخلاقي من بقاله يعني أخس من التجاري
=============
كتبتها قبل فتره ونقلتها لكم
بقلمي
بندر النايف
</I>