ياوين جيتي عسى ما للغلا والي
يا بنت من حدّك لجرحي تزيدينه
جيتي وأنا مرتكي ومبهرّ دلالي
وداله عن أهل الهوى والعشق وسنينه
ويوم إستويت وبغيت أشف فنجالي
شفتك تثنيّن من بيني ومن بينه
شرهه على شفّته ؟ وإلا يورّالي
لكن بدري إذا قصدك تشفينه
وأن كان هذا الذي جابك على بالي
أنا أشهد أنك على هالحال مسكينه
يالعنبو هالمقفى لا تهيّالي
تراي ساكت وصبري لا تبدّينه
وقدام لا الدّبك وأشوفك اقبالي
وقبل الذي ما تخافينه .. تخافينه
تبعّدي في كرامة نفس وإجلالي
وتداركي ما بقى يمكن تصونينه
وش حال خبرك عسى مالك بها تالي
يصونك المنخدع وأنتي تخونينه
نسيتي ؟؟ التضحية ... والطيش .. وهبالي
نسيتي اللي بوقت الضيق تنصينه .؟؟؟
نسيتي اللي غدا لك فيّ وظلالي
ومنزلك دايم على عينه ومن عينه ؟؟
نسيتي اللي شراك بكل الأحوالي
وأنتي ليا ضاقت أحوالك تبيعينه ؟؟؟
نسيتي اللي ركض يمّك على الخالي
لا أقبل مدحتيه وأن أقفى تذمّينه ؟؟
لكن والله ثم والله يالغالي
حلف على طول عمرك ما تنسينه
كرهك أبا ورثه عند أصغر عيالي
وأنتي عجوز وثوبك ما تشيلينه