قال ابو شعول
انـا بسـالـك يــا سـايـج اللعـيـان=ويــن المحـلـة لا بغيـنـا نشاهـدهـا
قالت الجنيه
انا حسن واحسن اللـون فـي النسـوان=وانا بنت شيـخ الجـان ماحـد يواعدهـا
شف مسكني باسفل الجـوف فـي السـلان=دون المسيجـد واسفـل اللـوذ صامـدهـا
انا عامـدة مـرى بنـي نـوف والجدعـان=رجاجيـل شجعـان تحـمـى ركايبـهـا
وان جاء الحيا والسيل نطلع جبـل هيـلان=ومعنـى قاعـدة مـا الصواعـق تخربهـا
قال ابو شعول
ياذا المرة ويش اصلش ديـرة العـدوان=تقطـع سبيـل الخـط والزيـن تنهبـهـا
قالت الجنيه
سيفي وليع ويقطع الراس من الامتـان=مـن شافنـي خلـى طريـقـي وجنبـهـا
وانا اطوف من وادي عبيدة الـى نجـران=مـع البـرق مـن قبـل حنـت رواعدهـا
قال ابو شعول
سقتني بريق كن حلاته عنب رحبان=او در خلفات راتعات في شعايبها
جعودهـا تسعيـن سينـة علـى الامتـان=وعينين ورمـوش مـا الروايـح تطبقهـا
وخدودهـا كنهـا الكهـارب فـي الديـوان=توضح للسـاري الليـل لوهـو مجانبهـا
ونهـودهـا كنـهـا حـبـوب رمــان=لا مـــا لا جـهــا ورع يـداعـبـهـا
والزيـن يعـرف فـي ثيابهـا والفستـان=والشيـن مـلابـس الـذهـب ماتنفقـهـا
يا حسن شفـي معـش زمن يتلـى ازمان=وان دالـة الصحـبـة نـعـود نجـددهـا
قالت الجنيه
انـا مقدميـة حـرب مـانـي للحـبـان=ولاني من اللـي سـاري الليـل قاصدهـا
ودك معـي بفرجـك داخــل المـيـدان=تشـوف طـرق الخيـل واللـي يداعبهـا
تسعين عـذراء اصواتهـم تشبـه النجبـان=علـى خيـول شقـر للحرايـب ندربـهـا
وان جيت طوافـة علـى الربـع والسكـان=وسباعكـم الجيعـان نمـسـي نطـردهـا
عينتهـا متقسمـة فـي النـادرة والـعـان=وللصالحيـن منـه ساقـة فـي مراقبـهـا
جيت اسحب الهاجوس من قلبك الغلطان=خجلتنـي بيـن العـرب فـي مقاعـدهـا
قال ابو شعول
يازين انا ماقلـت فيكـم سـوى مـازان=وهـو واجـب للزيـن تذكـر بواجبـهـا
يازيـن ذي جتنـي هديـة مـن الرحمـن=سبحـان ربـي معتلـي فـي سحايبـهـا
رد مع اقتباس
المشاركة الأصلية كتبت بواسطة زهرة الخزاما
