السلام عليكم ورحمة الله وبركاته
أنا مني عارفه كيف راح أبدأ الموضوع أول شي أنا صار لي تقريبا سنه و 4 شهور مخطوبه
خطيبي كان يشتغل في شركه خاصه لأحد أقاربه وكان راتبه تقريبا 2000 ريال أنا لما ماما كلمتني في الموضوع قلت أناماهمني راتبه أو إيش عنده أو فين راح يسكني مادام هو
إنسان طيب وخلوق ومحافظ ع الصلاه وعارف شرع ربي أنا راضيه وماهمني الماديات وماراح أتشرط بشي حتى مهري إلي ربي مقدروه عليه
مع العلم إن أهلي ناس مرتاحين ماديا..
طبعا بابا رفض في البدايه لكن أنا أتكلمت معاه وعن كلام الرسول عليه الصلاه والسلام وأقتنع..
المهم ماما أخدت رقم عمله ومكان سكنه وراح بابا سأل في المسجد وفي الحاره وكده..
وجاء بعدها شافني وبعدها بشهر صارت الملكه والشبكه
وبعدها بأسبوع بدأ عذابي يوم أتصل علي ومافي أحد بالبيت
وقال أبى أجي أخذك نتعشى برا طبعا أنا أجلتها لأن أهلي رافضين فكرة إني أخرج معاه لحالي عصب وقفل في وجهي
وأتصل بعدها ولا كأنه شي صار..وأنا سويت زيه
وبعدها بشهر وشويه جاني البيت طبعا جالسين في
المجلس ماما راحت تصلي قام فجأه قفل الباب و فسخ ملابسه كلها طبعا أنا خفت وصرت أبكي وزعقت وفكيت الباب وخرجت
طبعا أهلي عرفوا صارت مشاكل وبعدها جاني وأتأسف وسامحته واكتشفت انه لا يصلي ولا شي حتى رمضان ما يصومه بعدها بفتره أكتشفت إنه على علاقه مع بنات وإنه يخرج معاهم وكده وصارحته وأعترف ووراني صورهم معاه
في وضع مخجل في موبايله أنا أنهرت وماصرت طايقته بعدها راح جاب أبوه وجلس معايا ومع بابا وبعدها بيوم أتصل
أبوه وقال لأهلي إني محسوده وممسوسه ولازم أروح لشيخ طبعا الكلام دا له من بداية شعبان وإلا الأن وأنا من شيخ لشيخ أنا طلبت الطلاق بس أهلي رافضين وهوه رافض
مايبى يطلق ساعدوني الله يخليكم أنا تعبت وحاسه إني مخنوقه صرت وحيده دايما ماأكلم أحد ساعدوني الله يفرج كربكم كيف أقنع أهلي بالطلاق وانه انسان بدون اخلاق وما يناسبني.....؟؟؟
اسفه ع الاطاله واذا كان كلامي بالعاميه...
الضائعه