[poem=font=",6,blue,bold,italic" bkcolor="transparent" bkimage="" border="none,4," type=2 line=0 align=center use=ex num="0,black""]
سرى ليل الغرام ولا سرى ليلي مع الهاجوس = والا يابنت فكري , كيف اعصب الراس بالعِمه
ليا درتي ليمة غرب وإن درتي شمال وكوس = لقيتي راسي المفتر ينحى معك لليمِة
منول نحسب إن اللي عدو الدين قوم الروس = و عدو الدين , شرع الله , محلل ماله ودمه
على نهج العقيدة في المواجه معه روس لروس = لنصر الحق , راية حق, دايم عالي القمة
وطورنا التعاون والتعاون واضح وملموس = و أثر عدوان دين الله , على الإسلام ملتمه
من الأعلام و أهل العلم أخذنا حصتين دروس = و من الغرب وتجاربهم , عرفنا دروس ومطمه
دسايسهم علينا اخبث من الخنزير, دم ضروس = ولا احد(ن) دم ضرسه يبلعه , لو مات من سِمه
نحسب إن اللقاح اللي يعالج , يشترى بفلوس = و قلنا المال يرخص , كل عقد امضاه بنتمه
و ما دام إن اللقاح اللي شرينا أخطر من الفيروس = وش يسوي المواطن , يا الله تعينه على همّه
لكن الله يشافي الخلق والمؤمن قُبل محروس = حماه الله من أهل الكيد , والله يكشف الغمّه
بلاش من اللقاح اللي من اسبابه تضيع نفوس = وتوكلنا على رب العباد , الهِمّه الهِمّه
عسى الأعلام ما يحجب مفاهيمٌ من القاموس = وليا منه حجب يحجب , مدام الحجب بالذمة
[/poem]