أتبعك وأدري سراب
وادري الحقيقه باينه
أدري بعد بصمتي عذاب
وأدري دموعي خاينه
أسرح بهالدنيا بعتب
وتثقل الخطوه بتعب
وألمس أطراف الشعاع
وأفقده بلحظة ذهول
بس العجب
اني اقول أو ما اقول
يا هي صعبه
النظر لأطراف السماااء
ويا هي كذبه
أرتوي وكلي ضماااء
ويا هي غريبه احوال البشر
هذا يضحك وكله هموم
وهذا يبكي وكله فرح
وهذا يشكي او يلوم
مع انه هو اللي جرح
وهذا ساكت وكتوم
و في صميمه منجرح
ارتجف ما هو برد ولا هوا
ولا هو داء وله دوا
لا والله لا
أرتجف من نار بعده والنوا
وبكره آآآه من بكره
ينبت جناحه ويحلق بالفضا
وانا مثل ما انا بس انتظر
بضحك ساعه
وببكي ساعه
وانتظر للزمن أول شجاعه
ينصف القلب مره كثر ما راعه
ادري كل هذا وانا امشي
والخطوه فيني تطول
واتعثر وادور عسى ما به عذول
وادري انها هواجيس الخطاوي
كثر ما تمشي تشوف الهقاوي
ووصل اخر المشوار خاووووي