السلام عليكم ورحمة الله وبركاته
بمناسبة عيد الفطر المبارك
أود أن أهدي جميع أعضاء غرابيل هذه القصيده
وهي ليست خاصه بالبنات بل عامه
ولكن فكرتها وموضعهــا هكذا
قصيده جديده بفكره أود أن تنال إعجابكم
[poet font="Arial,4,black,normal,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
يابنات المنتدى أبغى إجابه واقعيّه=هو صحيح البنت تنسى من غمرها في حنانه؟
اسمعوا كل الحكايه وافهموا كل القضيّه=ما يسمى خاين ألا من خذا طبع الخيانه
يا (عطيّه) لو بغينا نزهمـك قلنا : (عطيّه)=قد خبرت أنّي زهمتك بسم (دينا) أو (جمانه) !
مايهم اللي خذا وأهدى معي روحه هديّه=ماتعجّل في أموري وأدرس الوضع برزانه
لو عطيتك .. ما عطيتك كود أنا نفسي رضيّه=حان وقت الإنفصال وكل(ن) يغادر مكانه
لا تحاول لاتبرر موقفك هذي وذيّه=كلها نفس المشاعر عادتك خدش الأمانه
روووح تكفى لاتعذّر وقفتك عندي خطيّه=عذرك أقبح من ذنوبك .. قلتلك عنتر زمانه
لا تحسبيني غبي وتحسبين أنتي ذكيّه=ماألعب الشطرنج مثلك عندي لأمثالك حصانه
قالوا: أن بغداد تصرخ من صراخ الناصريّه=أرضهم وحده وأيضا دينهم نفس الديانه
شف خفوقي لو صرخلك ترتعش قبضة يديّه=لو تداعا عضو واحد بالسهر أسهر عشانه
يعني بالفصحى عطيتك كل ما أملك عطيّه=شاعرك ينزف قصايد نزفها جرّح لسانه
كنت أعيش أيام عمري والليال الأوليّه=كنت أقرّر في مصيرك .. وضعنا كلّه ميانه
كنت أشخّط في يدينك بالحروف الأجنبيّه=واكتب اسمي في يمينك واكتب اسمك يا فلانه
تذكرين الساعه اللي في يسارك دائريّه=ما مسحت ألا العقارب خايف(ن) تلدغ حنانه
كنت أناظر في عيونك واسبح بحوض المنيّه=كنت أسافر في جفونك والرموش بلا إعانه
واقطف خدودك كما قطف الورود الطايفيّه=وآتسلى بالجدايل لا كست متنك متانه
راحت أيام(ن) خوالي والليالي سرمديّه=كل خافي ينكشف مهما نحاول باحتضانه
قلت أكرّر هالسؤال اللي سألته من شويّه:=هو صحيح البنت تنسى من غمرها في حنانه؟؟
[/poet]
(مابين الأقواس اسماء مستعاره)