^^^ ليس كل ما يتمنــــاه المــرء يدركــه ^^^
أتمنى أن تنــــول على رضــــاكم :
[poet font="Times New Roman,5,black,bold,normal" bkcolor="transparent" bkimage="backgrounds/6.gif" border="inset,4,gray" type=2 line=200% align=center use=ex length=0 char="" num="0,black" filter=""]
سـر ياقلم وأكتب على كيف ما أريد=أكتب بيــوت(ن) بالمعــاني جدايـد
أبيـات شعـر(ن) من خفـوقي مــواليد=من وحـي فكري كلبوهن ولايــد
أحـلا من أوصـاف البكـار المفـاريد=فيها حِكـم فيها غـزل مع فوايـد
عمـري عشــر معهـا عشــر كيف ما أزيـد؟؟=معهــا ثــلاث سنيـن والعمـر بايـد
شفّـي وذوقـي خوة رجـال يا فهيد=لاجــاك قاصيهــم على الطيب كايــد
في صيهــد(ن) يلعـب به الطيـر تغــريد=ريـح الخــزامى والنفــل فيه زايــد
وفي مجلس(ن) مافيه كذب ومناقيـد=قصـايد(ن) تكتب وتقــرا قصــايد
هـذا هــوايه لو نقـص ما أقدر أزيـد=فعـل المراجل للنشــامى عوايـد
وشفّـي على منهــو تسيّـد على الغيــد=زينــه تعــدا لابســات القــــلايد
في حكيهــا تشبـه نجــاح المساعيــد=يـوم(ن) تكلّـم عن قصيــد الجـرايــد
عنـق المهــاة ومكسـب الزين والجيــد=ريــم(ن) مكـانه بين الأريــام قايـد
لو شافهـا مجنــون ليـلى وأبو زيـــد=قالوا : كثيـر الهـرج مافيه فايــد
وجــدي عليهــا وجـد من راح مدريـد=ومطـارد(ن) في دمّ عمّـه طــرايــد
في غربتـه راحت حيـاته تنــاكيــد=ذاق العـذاب وذاق عسـر النكــايد
خمسـة عشــر بيت(ن) على كيـف ما أريـد=أبيــات شعــر(ن) كلبــوها جــدايد
[/poet]
أشكـــــر كل من قـرأ مشــــاركتي
أخــــوكم / الكـــــايد .