بسم الله الرحمن الرحيم الرحيم
لايخفاكم جميعاً ما تتعرض له المملكه من هجمات وادعاءآت مغرضه لحجب نور الرساله السماويّه
من اعداء الدين واذنابهم في الداخل ، وماسعت به الأقلام المأجوره هذه الأيام في محاربة رجال ( الحسبه )
وأتاهم الرد من حماة هذه البلاد بلسان الأمير / نايف بن عبدالعزيز وزير الداخليّة حفظه الله
عندما قال أن الهيئه احد قواعد دستور هذه البلاد الذي لن تقوم الدوله إلا به .
( يُريدونَ أن يُطفئِوا نور اللهِ بإفواهِهم ويأبى اللهُ إلا أن يُتمّ نورهُ ولو كرِه الكافِرون ) سورة التوبه 32
رابط تحميل القصيدة بالصوت /
http://www.uparab.com/files/ovg44Rr2FRUnSpU6.amr
لكم القصيدة وآمل أن تنال اعجابكم /
[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=1 align=center use=sp num="0,black"]
ماجور يافكري من الهم ماجور=ماجور من كثر الفتن والبلاوي
مهما حصل منتب عن القاف معذور=دامك على مد الجزيله رهاوي
سق الركايب واردع الظلم والجور=من موقفٍ كثرت عليه الحكاوي
خبر سمعته فالإذاعات منشور=ومسجلٍ وسط الصحف والمطاوي
الله يشلّ ايديك يا كاتب الزور=يالمنحرف راع البدع والرشاوي
حتيش لو أنّك مفكّر ودكتور=فكرك ملوّث من جميع النحاوي
منبوذ مالك فالوطن يالردي دور=دامك على هدمه تحث الخطاوي
وينك ووين حقوق الإنسان ياثور=تدعو لْتبرج لابسات الغطاوي
لاصار لاغِيره ولاعندك شعور=ماهي غريبه ياخبيث الدعاوي
اعمى وتتبع منهج العمْي والعور=في موطن التوحيد ويش أنت ناوي !!
امن العدا مدبّر ومنهي ومامور=ماباقي ألا أنّك تصدّر فتاوي
بإذن الولي خاسر وصاغر ومثبور=بتموت ماتلقى لفكرك حراوي
في هيئة المعروف مانسمع الشور=في فضلهم مُنزل كتابٍ سماوي
يعني لهم مبدا ومنهج ودستور=ماسطّره واحد من الناس غاوي
هم الذرا حمّاية الدار له سور=على الهدى مايخلفون الهقاوي
منصور يالنّاهي عن الشر منصور=من غيرك اللي فالمهمّه فداوي
ثبّت خطاك ، ومن هل الدار مشكور=وارض الولي ثم المليك النداوي
صقر العروبه لادعانا على الفور=لَمره ورَدنا مثل وِرد الظماوي
يجي جميع الشعب طابور طابور=كبيرهم وصغيرهم بالتساوي
لجل الشريعه دمّنا دايم يفور=ثم الوطن نشريه لوهو غلاوي
واهل الظلام اللي تبي تحجب النور=نقولها كلمه لهم مانراوي :
دام(ن) وطنّا مالكم وسطها دور=روحوا وراكم ياكلاب الشواوي [/poem]
>
<