كم هو مؤسف أن تغيب الموده ويتلاشى الأمل في عناوين الصداقه..
وكم هو قاس أن يشناك.الرفيق بمجرد موقف عابر..
رسالة أسف.مغلفة بالمحبة .والتقديـر
لاتجرح المجروح...والحال مفضوح
لاتقتـل المقتول كااافي كفاية
أنا قلبي تبلتـه القـراده
ولا لي في علاجه أي راده
زماني لوشكيتك يازماني
يشوم الحظ وتشح السعادة
غشاني ياعذابي ماغشاني
من الاحزان منك بلون ثاني
ولو عديت أنا عظمة وكبره
غميظه ماتوردها المعاني
جريح ولاتناسيت الشهامه
ولاضيعت فسلوم الكرامه
أصبـر خاطر المكلوم حتى
شربت المر.وأزريت الملامه
رفعني من عرفني كيف تجهل؟
وفعل الطيب عنوانك وتبخل!
تزيد الغم وتفعل طعوني
وصار الصد عند الكرب أسهل
حكمت وقسوتك بأول قرارك
تجنيت وتبي رد إعتبارك
حسافة يوم نادتك المشاعر
تقفي وأنت أكبر من فرارك
ظروفي؟ليت تعذرني وليته
رسالة في ختامه..ماهقيته؟
كوتني وأسهرت جفني وكلي
يموت الحـر ويعاندمبيته
أمانة ياعريب الساس قللي
إذا عندك مضامين التجلي
محاذيري على مبدأ النذاله؟
أو التهميش في سوق التخلي
وحسن الظن ماله فيك حيله
تغير في مباديك الأصيله؟؟
تشكك في صديقك وأنت قربه
وقلبه شايل(ن)فيك الجميله
أناماقول غير الحظ عيا
يطاوعني وأنا فيك أتفيأ
أشوف انه يعاديني ويرفض
يفكر فالنظر. والحال سيا
نخيتك.. لاعدمت..لاخليتك
تدقق في حساباتك.رجيتك
وتدمح زلة الغالي وترجع
مثل أول مصافيني..فديتك
وتحــية ود لنقاء قلوبكم..