[poem=font="arial,5,black,bold,normal" bkcolor="transparent" bkimage="http://www.g111g.com/vb/mwaextraedit2/backgrounds/22.gif" border="none,5," type=0 line=1 align=center use=ex num="0,black""]
تمضي بنا الايام والعمر ماضي= وكلن مع الايام عايش ليومه
الله على حكم الدهر فيه قاضي= يكسي على كل البشرمن هدومه
والوقت محدود كما السيف ماضي= يقطع عروق القلب لا باع سومه
والعاقل اللي عايش الوقت راضي= في الدين كامل في صلا ته وصومه
اقولها ماني من الوقت فاضي= وكلن على ماقيل يقضي لزومه
الله على وقت المطر والفياضي= يطربلها قلب تزايد همومه
ياخاطري همك به القلب حاضي= وكلن على همه يكسر سهومه
وقلبي اللي يم الحباب هاضي= مثل الخيال اللي تزاحم غيومه
انااشهد اني عن هوى البال غاضي=والمهتوي يا ناس منهو يلومه
وقلب المحبه مثل نار تلا ضي= وبحر الهوى طامي ولا حد يعومه
اقولها صادق ولا هو افتراضي= من بعد ماكاسه سقاني سمومه
وحكم الولي مالي عليه اعتراضي= وكلن على قده يفصل هدومه
وتمضي بنا الايام والعمر ماضي= وكلن مع الايام عايش ليومه[/poem]