[
[poem=font="simplified arabic,6,,bold,italic" bkcolor="transparent" bkimage="" border="none,4," type=2 line=0 align=center use=ex num="0,black"]
نظرة سعاده"
لد النظر يمي بنظرة سعاده = اسعد بها وانت المجمل ومشكور
ياقاطعٍ فيني على غير عاده = لاصار مالي ذنب ماقول معذور
الا اذا لك من شقاي استفاده = عذرتك وصرت بشقا الحال مسرور
فرقاك ليلِ ماتجلى سواده = ولاماك في عيني مثل طلعة النور
لاجيت احط الراس فوق الوساده =لقيت قدامي للاطياف طابور
اسري مع اطيافك على غير اراده = كني على مسراي منهي ومامور
الله يذكرك الرضا والشهاده = يالي بلون الكحل وعيونك الحور
ذكرتني ليلِ يذعذع براده = فيه الشعر منثور والعطر منثور
اواه ياجيدِ عليه القلاده =يغري من المبسم الا مشة الزور
عليه من لفتة ظبي الحماده = وعليه من تركيبة العاج ديكور
وانا علي إمن التوجد زياده = اخاف منها يلحق الخافق قصور
ياغادةٍ فيها على كل غاده = غرور حسنٍ فيه ماتقبل الشور
غرور مثلك مايجوز انتقاده = يحق للي مثلك يصير مغرور
اخوكم :
عبدالله بن راجس[/poem]