[align=center]السلام عليكم
للتواصل
قصيده ارتجاليه وحبيت اهديها لكم ..
وعسى الله يكتب لها قبول[/align]
[poem=font="Simplified Arabic,4,black,normal,normal" bkcolor="transparent" bkimage="backgrounds/1.gif" border="double,4,black" type=2 line=0 align=center use=ex num="0,black"]
المسبحه ،، ونجوم ليلي ،، وطاريك = والاسمري ،، والشعر ،، واسلوبه الخاص
خلتني ابحر لك وادور موانيك = انا وقلبٍ عن وفاء العهد ،، ماحاص
لامن طريتي رحت للبر اناجيك = في خايعٍ نبته خزاما ،، وقرقاص
وان سج فكري عنك ،، قلبي يغنيك = وليا طريتي لي لذع داخلي ماص
البارحه جيتك من الشوق ،، ساريك =جيتك غلا ،، واحساس ،، واشواق ،، واخلاص
مرن اشوف اخطاك تزهر باراضيك = ومرن تضيع اخطاك واجيك قصاص
ياتل قلبي من صدى ضحكتك ،، ذيك = تلة شجاعٍ بلغو به ،، على شاص
حمله اسلاح وفي يده (فرخ بلجيك) = ما ترتعد يمناه ظاري وقناص
يلّحق وقدمه ناصبينن ،، شرابيك = من شاف وضعه ماهقا فيه مخلاص
ويازوع قلبي من حلاوة ،، تثنيك = زوع اشقرن يعجبك لا قيل مقناص
ياللي غرامك ما دخل فيه ،، تشكيك = ولاينقسم حبك على ارباع ،، وانصاص
يفداك قلبي يابعد روح ،، مغليك = ويفداك خبلٍ تزعله عشرة الهاص
قبيله اللي تكك العب ،، تتكيك = والخبل ضايق ويتونهص تونهاص
واغليك !! ،، لا ماهو غلا ،، هايمن فيك = وفي بحر حبك رحت هايم وغواص
مدي جسور الوصل ربي ،، يخليك = كن الحشى يفرصه بالبعد ،، مفراص
يانور عيني بعت غيرك ،، وشاريك = وفي مدرسة دنياي صرتي ،، تخصاص
المسبحه ،، ونجوم ليلي ،، وطاريك = والاسمري ،، والشعر ،، واسلوبه الخاص
وسلامتكم[/poem]
[align=right]
(فرخ بلجيك) = بندقيه قديمه تمتاز بالقوه وبعد المسافه
وهي نوعين
نوع طويل
ونوع قصير الطول لذا تسمى بي فرخ البلجيك دلاله على قصرها [/align]