,
,
,
مساءكم عطر ياغرابيل العذوبة والشعر والجمال
للتواصل مع مشاعركم النقية وأعينُكم الوفية أنا هنا :
[poem=font="Simplified Arabic,6,crimson,bold,normal" bkcolor="black" bkimage="" border="ridge,8,crimson" type=2 line=0 align=center use=ex num="0,black"]
على شانه بعد عمري ويدري إنّه بعد عمري=ويدري بكلّ نبضات الوله فيني على شانه
يغار ويتعب أعصابي ولايقبل أبد عذري=وفين وفين لين ألقى طريقه ترضي أعيانه
فديته هالغيور إللي يولّع بالغلا جمري=فديته هالحبيب إللي ملك قلبي وميدانه
فديته كم على قلبي يمون ويمتلك أمري=فديته كم حفظ قلبي من الضيقه وكم صانه
أحس بلوعته وأدري وهو مثلي بعد يدري=بلوعة قلبي اللي ماهوى غيره ولاخانه
أحبّه كثر مادار النفس واستوعبه صدري=كثر مافي بحور الحب من عاشق وولهانه
كثر مانامت نجوم السما فرحه على نحري=كثر ماعيني الولهى تشوف إسمه وعنوانه
كثر ماردّد لساني ( أحبّك ) والهوا عذري=كثر مايهمس بلهفه حروف إسمي على لسانه
كثر مايحفظ عهود الهوى كرنيشه البحري=كثر مافي بحر جدّه من اللولو ومرجانه
كثر ماقالت أنفاس الليالي للقمر بدري=كثر ماعانقت عيني شروق الصبح والوانه
كثر ماكنت أودّع وجهه الساهر وهو يسري=وأحاول أحفظ الباقي من عطوره وريحانه
وأقول الموعد الثاني قريب .. الصبر ياصبري=أبصبر وأنتظر حتى يهجّ الوعد بيبانه
على شانه على شانه على شانه بعد عمري=تهون أقصى مسافات الوله كلّه على شانه[/poem]
أمل بنت عبدالعزيز..