[align=center]
السلام عليكم ورحمة الله وبركاته
مبارك عليكم تالي الشهر واسف على الغياب
[/align]
[poem=font=",6,,bold,normal" bkcolor="transparent" bkimage="" border="none,4," type=1 line=0 align=center use=ex num="0,black""]
ان كان ماغصت ياشعري غزير البحور = سميتك التايه اللي مالقاله رقيب
وان كان طفت الملاحه في ملف العبور = انا اشهد انك عريب وحي شوف العريب
ادري بأن التواضع مايحب الظهور = وادري بأن البكا يكثر عليك النحيب
وادري بأن الحباري ماتطيق الصقور = وادري بأن الشوارع ماتحب الغريب
وادري بأن الاصايل بالمعارك تثور = تسابق الريح لاشلت خيوط السبيب
قال المثل بالوثايق من قديم العصور = اسأل مجرب ولاتسأل كفوف الطبيب
وانا الذي عشت بالدنيا سنيين وشهور = طول العمر عايش بهمي وحيد وكئيب
مدري لأني على المبدأ حريص وغيور = والا لأني مع العالم عطوف وحبيب
عجزت اوصف شعوري وين ذاك الشعور = دام البليد المغفل بالسذاجه يصيب
من وين ماطقها دايم دبور فدبور = القاها منك ياسلمى والا إمن الحبيب
يابنت ليه الكبر والتفرقه والغرور = ترفقي بي على هونك ياطلع الزبيب
ان كان هجرك يعاندني يابدر البدور = ترى الوصل ارحم الاشيا بليا حسيب
وكان الغرور يتمايل فيك بين الزهور = ترى التواضع صفات المعتدل واللبيب
يالهيبه يكفي هجر ماعاد للهجر دور = طال انتظاري ويوسف عاش عقب
الجليب
الكره شجره حصاده من حبوب البذور = والحب طعمه على الضميان مثل الحليب
[/poem]
[align=center]عمر اللهيميد __ الجهراء[/align]