[poem=font="Simplified Arabic,4,darkblue,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
قالوا عسى عيدك سعيد = قلت اتركوا هالتهاني
نسيت انا فرحة العيد = مدام عيدي نساني
وين الوعد والمواعيد = وين الهوى والتفاني ؟!!
غطت حياتي على الغيد = ما غيرها حب ثاني
بنت الرجال الأجاويد = ما قدرت لي حناني
إن شفت أنا طيفها بعيد = لقيتها في لساني
زادت حياتي تناكيد = يا ليتها في مكاني
تزيدني هجر وأزيد = حبي وعظيم امتناني
كنّي مثل قاطع البيد = وحيد تالي زماني
الحزن فيني تجاعيد = والسعد فيني ثواني
رددت انا الشعر ترديد = واسمع أنا الصوت عاني
كن القصايد مواليد = في المهد ماتت عشاني
ليت الحزن جاء مفاريد = ماكنت أنا الحين اعاني
العيد يا كيفه العيد = مدام عيدي نساني[/poem]