[poem=font="Simplified Arabic,5,darkblue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black"]
يا ( بيه ) يا ( باش ) يا ( السلطان ) يا ( افندي ) = يا ( سيدي ) يا ( حياتي ) يا ( مولعني )
خذني تحت رايتك يا ( حاكمي ) جندي = واحكم على راحتك ,, والحكم يقنعني
الله خلقني ( سعودي ) مانيب ( اوغندي ) =دمي وديني مثل دينك ,, وتقطعني ..؟!!
( الأطلسي ) والمحيط الثاني ( الهندي ) =يا صغرها عند حبك يا مضيّعني
إذا لمحتك اقول ضلوعي استندي = يهزني بس حبك ما يفزعني
يفداك مال ( الوليد ) ومال ( طشقندي ) = ويفداك قلبٍ ابد ما قالك طعني
تبي الغلا لا يهمك فالغلا عندي =تبي الشعر فارخ سمعك بس واسمعني
ما قد سمعت الشعر للفطحل الكندي = قصايدي فيك عن موقعه ترفعني
و( أبو البقاء ) الكبير الشاعر الرندي = لو عاينك ضاع مثلي ,, دامك المعني
حتى يديني من اسباب الغلا تندي = والقلب دايم على لقياك يدفعني
لو قالوا ان الحلا والزين ( هولندي ) = قلت الحلا في حبيبٍ غصب يخضعني
يتلني تل من هو يسحب( السندي ) = ويبعثر اوراق شعري ثم يجمعني
انت الذي بس ودي يحتضن بندي = بند المحبه مثل ما اعطيك دلعني
مليون جندي يحبك ,,, فوقهم جندي = وارجوك ما ابغى مثل غيري ترجعني
ارجوك يا( بيه )( يالسلطان ) يا ( افندي ) = ما ابغى من اليوم شيء عنك يمنعني[/poem]