[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ودي اسأل عنه وش سبّة غيابه =يا عساه بخير عنّه خبروني
خبروني عنه لا تبطي الإجابه=وإن حصل له شئ بالله جاوبوني
جاوبوني وانزعوا مني الكآبه=وامسحوا دمعٍ تحدّر من عيوني
( من عيوني ) ( سمّ ) ( آمر ) والرحابه=من هو غيره سقتها له علموني
علموني خافقي من دقّ بابه = واستحل أرضه وغيره ما اعجبوني
ما اعجبوني لو يجي فيهم ذرابه=دام اشوفه بين كل الناس كوني
كوني اللي حطّم اشكال الرتابه=بعد شوفه والعوذال عذربوني
عذربوني والزمن ما خشّ نابه=صار من جملة هل اللي حاربوني
حاربوني ,, والعمر زهرة شبابه= غايبٍ والقلب ذايب من شجوني
من شجوني ما حسبت الا حسابه=وما وهبت العشق غيره من جنوني
من جنوني لو عزف لحن الربابه=سطرت أحلى القصايد في لحوني
في لحوني ينقري عشق الصبابه=صرت انادي وين داره طمنوني
طمنوني,, ما يعوضني غيابه =غير اشوفه حاضرٍ يملا عيوني [/poem]