[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ودي نكون أكثر من اثنين عشّاق=ودي نكون اثنين في قلب مخلوق
كان الغلا يحسب على كثر الأشواق=أنا حياتي شوق وحكايتي شوق
حبك تمكّن في عروقي والأعماق=تحيا على لقياك أعماق وعروق
تعال يا اللي الشعر لا جيت ينساق=وأنا بعد مثله على شوفك أتوق
على اختلاف الناس في كل الأذواق=ألا أن زينك ما يذمّه ولا ذوق
جمعت في زينك ديانات وأعراق=وألهبت من حسنك ثمانين منطوق
جمعت عتم الليل مع نور الإشراق=يا دمعة القمرة ويا ضحكة شروق
خيالك اللي يعطي لعقلي آفاق=يريّح أعصابي ولو كنت محروق
بس الغريب إني أناظرك واشتاق=قدام عيني لكن الفكر مسروق
يا اللي غرامك غير وفراقك فراق=ملكتني يا باشة القلب والموق
أمشي دروبك وألحق الساق بالساق=وأنا أحسب أنه كل مطرود ملحوق
والعمر يمضي والفضا بالعمر ضاق=وأنا على صورتك أنام وأفوق
ما قلت حنا أكثر من اثنين عشّاق=نعيش كل العمر مع ( حضرة الشوق )
[/poem]