[align=center]
السلام عليكم ورحمة الله وبركاته
مبـــروك عليكم الشهـــر الكــريم .. وعســـى اللــه أن يبلغنــا ايــاه بخيــر وسهــاله
صـــلو على النبــــي
[/align]
[poem=font=",6,darkblue,normal,normal" bkcolor="transparent" bkimage="" border="none,4," type=1 line=1 align=center use=ex num="0,black""]
كبار الاسامي ترهب اللي عليه قصـور=وأنا من فضل رب البشر طيبا" ساسـي
درست العلـوم الغانمـه كلهـا بالـدور=وحطيت لي بيـن الرياجيـل مجلاسـي
أميز حرار الصيـد وآميـز العصفـور=وأميز عروق الطيب وعروق الانجاسي
لاظيع وسيع العرف مانيب ظايع شـور=ثياب المعرفه كل ابيهـا علـى قياسـي
واذا ما شهدت الحق مانيب شاهـد زور=ولانيـب مـن بيـن الفراقيـن بلاسـي
أروض مهار الطيب واكسر قرون الثور=ونواياي هجنا" بيض في الطيب كباسـي
أذب العوالي لو زمانـي علـيَ يجـور=ويلين القسى من قو باسي وهـو قاسـي
تعزويت دون المرجله والسنيـن تـدور=الين الله اللـي راد لـي آخـذ الكاسـي
مهي مدحة لنفسي لو يقال لـي مغـرور=لكن ودي اذكـرك يـا واحـدا" ناسـي
على الهون ياللي بندقك من زمان تثـور=تركد على روحك قبل قطـع الانفاسـي
ترى من يهظم حقوق غيره يجيه الـدور=ولا هو بحق تشوف نفسك على الناسـي
وترى من يحاول يحجب النور ما له نور=مثل من يهزون الجبل والجبـل راسـي
ثلاث سنوات وظغط دمي عليـك يفـور=لكن اتناسـى والفكـر فيـه هوجاسـي
وثلاث سنوات وخاطري لو جبر مكسور=يهون عليه الوقـت لا هـب نسناسـي
توكل على الله والخطا ما هـو بمغفـور=ورزقي على اللي لا ذكر ينحني راسـي
على خوتك يا ظالمـي مانـي بمجبـور=والى من خسرتك ماني بمعلن افلاسـي
كلام الصراحه ما يبي فحص من دكتور=من الخاطر اللي صار له وقت محتاسي
[/poem]