السلام عليكم ورحمة الله وبركاته
متواضعه للتواصل لعلها تشفع لي عن الغياب ,,
[poem=font="simplified arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
سلام مني عليكم في شطر بيت = والشطر الاخر بعد مني سلامي
ابطيت ماجيت لاكن جيت مابطيت = وشلون تفهم ياجمهوري كلامي
قولو / هلا مرحبا حييت حييت = واقول / دام البقا والقصد سامي
وخلوني اجر صوتي دامني جيت =مثل ماقال المثل .. حامي بحامي
للشعر في صدري اوقات ومواقيت = ماتعترف بالجداول والنظامي
اليا دعا مادعاني له تداعيت = اسريه واصلب على دربه عضامي
وانساه في زحمة الدنيا لاسجيت = ماكنه اللي خذا .. جل اهتمامي
البارحه كل ماغمضت واغفيت = يوقضني الحلم من سابع منامي
اريت فيما يرى اللي نام ماريت = البحر خلفي والاعدا من امامي
واخذت اسند على روحي ومديت = حتى تبيّنت تفسير الحلامي
عدو نفسي واصامخ لي عفاريت = وهوايه اللي دفعني .. بحر طامي
ياصاحبي مانت مخطي مير انا اخطيت =ياكبر شرهات نفسي والملامي
ماحدٍ ضربني على إيدي يوم حبيت = مدري علامي .. لاتنشدني علامي
الله يسلم عيونك كل ماغضيت = اضنها طلقةٍ من كف رامي
صوبتني لارحم جدك وعنيت = رجلي على ساقتك .. شرقٍ وشامي
من كثر زينك ماخليت ولا بقيت = مكانك هناك .. فالصف الامامي
تدري (حليمه بولند ) ام الاتاكيت = اللي يقولون ( زين ) و (جرح دامي )
وزانك إطق لاهي حرجةٍ ميت = وليا توفت عساها للرحامي
الحظ جابك وعدابك وعديت = ومحبتك كل يومٍ في تنامي
رقيت بك ( سلم الحب ) وتغنيت = وطاولت بكفوف الافكار الغمامي
يابعد حالي وياغلى ماتمنيت = مشاعري تاردك ورد الضوامي
هواك كنه ( لوى ) وانا يابالفيت = متجندٍ فيه تجنيدٍ لزامي
اخلصت لاوالله الاّ قل تفانيت = ماغير أسلم واداقش فإستلامي
وياليتني مثل ماوفيت لك اوفيت = ماكان صدرت لي .. مرسوم سامي
احلتني للتقاعد ماترويت = واركيت لك ميسمٍ فالكبد حامي
مدري تجاهلتني ولا تناسيت = ماتدري إن الجفا ذنبٍ واثامي
لاكن من يوم في صدك تماديت = قالو وقلنا .. على الدنيا السلامي
خيّره وانا اللي مع احلامي تنبيت = ميّزت وش الحلال من الحرامي
دليت دربي بعد ماتهت دليت = ولاعاد تغريني طروق الغرامي
[/poem]
وسلمتو ,,