الاخوة اعضاء والاخوات عضوات منتديات غرابيل الادبية اضع بين ايديكم هذا الدعاء لوالد الجميع الامير سلطان بن عبدالعزيز حفظه الله ورعاه
[poem=font=",6,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
يالله ياللي تعلم الغيب يالله=يا سايقن غر المزون المزابير
يالواحد اللي ما تعدد عطاياه=القادر القاهر ولي المقادير
أسألك يا سامع خفي المناجاه=ياللي بفضلك تدفع الشر بالخير
وأسألك يا حفاظ نوح ورعاياه=يوم السماء تمطر وفي الارض تفجير
وأسألك يا كافل اسماعيل واسقاه=ووفرت له شربه من الارض توفير
وأسألك يا خلاق يوسف ومولاه=وأخترت له وجه البسيطه عن البير
وأسألك يا من سمع يونس ونجاه=من ظلمة(ن) في ظلمة(ن) داخل الهير
وأسألك يا باعث محمد بما أعطاه= من معجزات وموجزات وتفاسير
وأسألك والمؤمن ليا ألح بدعاه=تفتح له ابواب الفرج والتباشير
يالله يا رحمن يالله يالله=يا من بسطت الارض قدره وتقدير
يالله يا رحمن يالله يالله=يا باعثن نورك على الارض تنوير
يالله يا رحمن يالله يالله=يا مخضر(ن) في الارض عقب المعاصير
يالله ياحمن يالله يالله=يا مصور الانسان في خير تصوير
يالله يا حمن يالله يالله=يا مبدل (ن) عسر الليالي بتيسير
يالله ياحمن يالله يالله=تحفظ لنا سلطان من كل تأثير
يالله لعل اللي حصل له وما جاه=فتره وتمضي عن ربيع المعاسير
يالله كافه شر وقته وبلواه=وطهر جسد رجل المهمات تطهير
ولا تحرمه أجر المرض والمعاناه= وعساه لذنوب أبيض الوجه تكفير
يالله تلطف به بلطفك وتحماه=من كل شر وكل ضر ومحاذير
يالله مدد في حياته وفي ابقاه=يامن تمدد للوجيه المسافير
يالله متعنا بشوفه ولا ماه=عقب المرض في ديرة العز والخير
نسهر وندعي للوفي ونتحراه=وفي الله أملنا وظننا في الولي خير
يرجيه مضطر ليا جاه حياه=وترجيه رملا عذبتها المقادير
ويرجيه مظلوم(ن) ليا جاه والاه=ويرجيه مبلي(ن) نسته الجماهير
ويرجيه من حده زمانه على اقصاه=يروف به روف الابوه بالمصاغير
يالله عجل به لنا ونتلقاه=وبضحكته بشر به القلب تبشير
وخليجنا يضحك من اقصاه لقصاه=ونستر في اللي ما يحسب المخاسير
ويشوف عرض الذود من عقب مفلاه=ويرتاح في شوف البكار المغاتير
اللي وبرها عكفته من مزاياه=وبياض لونه مثل در المصاغير
سند الغوارب والخشوم المعلاه=طوال الرقاب مفجحات المواخير
يالله يالله حقق اللي طلبناه=يا منزل القرآن رحمه وتبصير
وصلاة ربي في أول القول وأتلاه=على محمد عد ما غرد الطير
أخوكم راشد بن حنيف العازمي
[/poem]