[align=center][/align]
بيـتـ ام حاتـمـ
جنــــاح المعاريــــس... دقت الجده الباب
صد لبشاير وضحك
بعتب/ قلتلك بدل بيجي خالي وماصدقت
طالع لبسه/ عادي لبسي مافيه شي
بدهشه/ تطلع من غرفتك كذا!!
( لابس فانيله بيضا وسروال ابو سنه)
/احيانا
/تصدق عندنا في البيت مستحيل اشوف احد لابس مثلك اذكر مره دخلت جناح ابو تركي اخذ نوف من ريناد وشفت ابو تركي لابس كذا بس مستحيل ينزل حتى مازن قبل مايتزوج مابعد شفته طالع إلا بقميص او ثوب
/ انا اطلع به احيانا إذا كنت ابي شي من تحت
بطفش/ زين انقز البس
بروح اشوف من عند الباب
طلعت وقفت عند المرايه إللي في السيب
شافت شكلها و جلابيتها
ابتسمت برضى و فتحت كانت جدتها
بفرح / هلا جده هلا قلبي
حضنتها بشوق/ اشتقتلك مرررره.
الجده بحنيه/ هلا بالغاليه بنت الغاليه
تركتها وباست راسها/ وشلونك عساكي طيبه
الجده/ بخير وعافيه انتي وشلون العرس معك؟
ضحكت بخجل/ الحمد لله..
/ادخلي حياك
دخلت الجده وجلسوا في الصاله
/يمه انتي نايمه هنا؟
ببرأه/ لا بداري
/اجل متاك مصبحتهم
درت انه يتطنز/ هذا ولدي وهذي بنتي لاتدخل عصك باللي مايخصك
نادت بشاير وجلست جنبها من الجهه الثانيه
طلع لابس ثوب وشماغ ومتزكرت ومتعطر/ احم احم
صدوا له وقام حاتم له وضمه بصمت دقايق وتركه من دون محد يتكلم صد لجدته وراح لها/وخري اسلم على جدتي
الجده بنظره/ تعال منا مهيب قايمه
ضحكت بشاير وطأ رجلها و ضربت يده ضحك وراح من الجهه الثانيه
سلم على جدته وباس راسها/ وشلونك يمه؟
بحب صادق /طيبه وانت عساك مستانس؟
باس راسها/ الحمد لله
جا حاتم وجلس جنب احمد ومسك يده صد له شافه اهدا عن اول ماشافه ابتسم/ وشلونك ياعمي
/بخير الحمد لله بشرني عنك ؟
/ مافيني إلا العافيه
بهمس /تصدق البيت دونك موحش
ابتسم بضيق وباس راس عمه
قام /انا ماشي تأخرت على الشركه .. وعشاكم هنا
قام احمد معه/ يالله يمه انا بعد بطلع
باس راس جدته
وطلع مع عمه ...
الجده سندت على عصاها /وانا بعد بمشي للحين مابعد خذيت علاجي ولا افطرت
ساعدتها/ انا بسوي فطورك
/لا يمي فطوري مايعرف له إلا نور .. تبين تنامين نامي لين يصحون البنات
/لا بطلع معك شكلك خايفه اكل فطورك
ضحكت الجده وحطت يدها على كتوف بشاير/ يمه انتي غاليه واحمد غالي مابي اوصيك عليه داريه واهتمي به وهو مايحتاج اوصيه عليك وصيته من قبل
ابتسمت /ابشري ...
افطرت مع جدتها وجلست عندها قرابه ساعه ثم دخلت جناحها ترتب الشنط وتعزل الملابس النظيفه على جنب
/بشاير
فزت بفرح ووقفت ركضت لصالتها شافت امها وتركي ولد اخوها صرخت بفرح وركضت لامها وحضنتها بلهفه/ فديتك يارب بطير من الفرح مانيب مصدقه انك عندي
سحبتها امها من صدرها وباست خدودها الثنين/ طمنيني عنك؟
/بخير وصحه انتي كيفك وكيف الظغط ؟
/الحمد لله
/من جابك؟
/سواق جدتك
باست راس امها من جديد ومسكت يدها /تعالي بوريك بيتي
مشت معها /اصبري تركي وين راح؟
تذكرت انها شافته/ صدق وينه ماسلم علي
صدت تدوره /تروك
/ العب بلاي ستيشن
ضحكت ومشت امها في البيت هذي الصاله
وهذا مكتب
شافها تركي وركض لها شالته وبوسته /ياحبي لك
/حتى انا احبك
باسته ووقفت ومسكت امها ثم صدت لتركي/ تعال شف سريري
لحقها ودخلت مع امها غرفه النوم /وهذي غرفتنا
/ماشاء الله تبارك الله ...الله يسعدكم وينزلكم منزل مبارك
بشاير/ آمين
صدت لها امها بجديه/ هاه وشلون احمد معك؟
ضحكت وضمت امها/ لاتسأليني استحي
ضحكت امها عليها/ طيب شفتي خالك؟
/ايه جانا قبل لايطلع لشركه
/ وش قاعده تسوين؟
/ افضي الشنط..
/بطلع عند جدتك لاخلصتي تعالي
باندفاع/ خالصه بس بطلع اصحي سمر اول ..
طلعوا وطلعت مع تركي فوق وصحت سمر
ودخلت توضا وطلعت كانت بشاير تطالع الصندوق الكبير اللي على طاوله الكمبيوتر
/ افتحيه هديه متواضعه مني ومن هند ومن عمي
صدت لها/ ليش ماكان له داعي
/ماسوينا شي ..
فتحوه سوا كان مليان ورد مجفف وشموع وقواقع
دخلت يدها ورفعت اول علبه فتحتها كان عقد الماس
سمر/ هذا هديه هند
وطلعت علبه ثانيه وفتحتها كانت ساعتين فخمه/وهذي من عمي لك ولاحمد
وطلعت علبه عطر/ وهذ مني
مع (طلعت صندوق صغير فيه سلسله ذهب فيه تعليقتين حرفها وحرف احمد.a .. b)
وش رايك؟
تضحك/ روعه ...
خذته تفحصه بفرح
سمر بمرح/ تطمني ذهب خالص مو مطلي
ضحكوا سوا ورجعته مكانه
/و هذي الهدايا حقت المعازيم اللي جمعت لك.
بشاير/ وش فيهم؟
بسخريه /فيه وحده ماتعرف هدايا عرسها
تضحك/ والله انك فاضيه
ومدت لها وحده /هذي مسك جامد
وهذي شمعه
وهذي عرشه عود مع ورد مجفف
بس اهدا العشا نسيت اجيب لك منه
/ ليش نسيتي؟
/بصراحه كنت ذاكره بس خفت مايكفي
بسخريه /ماشاء الله وحده بتنقص العدد
/بعد طرار ويتشرط
ضحكت/ مشكوره ماقصرتي
/غصب عنك ...
طلعت علبه وفتحتها \شوفي هذا ورد مسكتك جففته
/واو شكله روعه
بثقه\ اعجبك
\ اقول امشي ننزل امي تحت ...
/امشي
وهم ينزلون على الدرج/ بشاير علمتك ميهاف بفستان ندى بعد مارحتي
/ايه يوم كبت عليه عصير وغيرته لها
حتى مازن طقم مع معاذ ولا دخل بدقلته عند الحريم
/ لابسها جدي
/ايه اشوف صورته بجوال احمد لابسها ولابس البشت فوقها ....
=
===
======
==========
♣سبحـانــ اللـه عـدد ماخلــق♣
♣في الأرض ♣
♣سبحـانــ اللـه عـدد ماخلــق♣
♣في السمــاء ♣
♣سبحــانـ اللـه عــدد ماخلـق♣
♣بينهمــا ♣
♣سبحــانـ اللـه عـدد ماخلــق♣
♣وماهو خالــق ♣
♣سبحـــانــ اللــه العظيـــمـ ♣
♣سبحـــانــ اللــه العظيـــمـ ♣
،.،.،.، ،.،.،.، ،.،.،.، جلست جنب امها
ام هيثم تحط يدها على فخذ بشاير/ ياحياكم الله بغيتوا ماتجون!!
تضحك/ ....
الجده تطالع بشاير/ احمد مداوم
/ لا باقي بأجازته اسبوع
سمر/ وين هند مابعد قامت؟
الجده/ فيك خير روحي صحيها
ام هيثم/ امس يسألني حاتم الحامل تطول في التاسع وإلا بس اوله؟ قلت متى ماقسم ربي جا اوله وإلا تاليه
الجده بشفقه/ الله يرزقهم الذريه الصالحه والله من حملت هند وهو شايلها بعيونه حتى احيانا يرقي الاكل عندها و اشوفه هالايام ضايق صدره عشان سالفه الولاده
الام /الله يطمن قلوبهم
بشاير والجده/ آمين
،.،.،.، سمعوا ضحكهم بالحوش
دخل احمد لحاله وسلم على عمته إللي هلت فيه وحضنته كانه واحد من عيالها من كثر غلاه/ بخير الله يسلمك انتي وش اخبارك وكيف الظغط معك؟
/الحمد لله ... ياربي بغيت ماترجع
ضحك وباس راسها/ كل هذا عشان المزيونه.
وغمز لبشاير
الام/ الله إللي عالم غلاك وغلا المزيونه واحد
من برا /تراني بدخل
صد للباب وضحك ثم صد لبشاير/ ادخلي الشباب برا
دخلت جناحهم ...
ونادا/ اقلطوا حياكم
دخل مهند وثامر
سلموا وجلسوا
مهند يضحك/ يالله احمد هذي جدتك اسألها
ضحك/ وش بلاك حار
الجده/ وش يبي؟
ثامر يضحك/ يبي العرس
الجده/ الساعه المباركه بس مدرستك ماخلصت
ضحكوا عليه
بحماس/ خالص لي شهرين بس اطبق الحين
ووظيفتي جاهزه اسبوعين واستلمها
الجده/ وش بتصير
ثامر بسخريه/ بيطري ...
الكل/ هاهاهاها
بقهر/ متخرج من جامعه واطبق بمستشفى يعني وش بتوظف
الجده /يمكن دكتور
يضحك/ إيه يقولون بعد الترقيه
ضحك احمد من قلب على طنازه مهند لان الجده اقلبت الموضوع على راسه
بطفش/ المهم متى بنملك؟
الجده بجديه/ تكلم جد؟
/ اي والله صادق
الجده/ ابشر بعزك اجل .. لاجا خالك قلتله يتفاهم مع البنت ويحددون مع اخوها يوم
تجونا فيه
نقز بفرح وجلس جنبها/ تسلمين يااطيب واحن قلب
احمد/ هههه يالله مبروك مقدما
نفخ ريشه عليهم/ احم احم يالله انا استاذن ماخذ اذن ساعه من المستشفى
ثامر/ ياجامد
ضحك وطلع ...
.... كانت على راس الدرج وسمعت كل شي ومن استاذن دخلت غرفتها وانسدحت بحالميه تنهدت براحه وابتسمت ياحبي له قدر عليهم لحاله
بس كيف خاف يفكر بزواج ويورطني!!
لا لا هو قال مايصير إلا إللي ابيه
دخلت تضحك /سمر مهند كلم خالتي يبي يملك
جلست وابتسمت/ سمعتهم
/اها عشان كذا كنتي تسدحين وتبطحين تفكرين فيه
/اقول انزلي بشاير تحت وعمتي
هند/ ام هيثم
/ايه
مشت وصدت لها/ انزلي معي
/استحي بس تعالي الظاهر ثامر تحت
مدت لها جواله/ خوذي دقي لاحمد وسأليه
/مايحتاج لو فيه بسمع صوته
طلعت وسمر رجعت لافكارها
....... ،.،.،.، ....... ،.،.،.، ....... ،.،.،.،
... ،.، تضحك/ لا بعد عني ماتعرف
مسكها من كتوفها وثبتها على كرسي التسريحه/ اصبري
جلست وخذا الفرشه
يمشط شعرها
شافها في المرايه تضحك/ خير
/يؤسفني اصدمك انك فاشل في الترتيب
ابتسم/ يعني
/ايه
حاس شعرها ورمى الفرشه بحضنها /بروح اصلي
بقهر/ سخيف
/احسن
/وفاشل بعد
/عادي
خذت المشط ورتبت شعرها ورفعته بمشبك وانسدحت على السرير وسحبت اللحاف/ لاطلعت طف النور
/و الصلاه
/ صليت
بشك/ اوف طاح الكبري
ضحكت وغطت وجهها/ والغدا
رفعت اللحاف/ مالي نفس بنام
/ كيفك
طفى النور وطلع
شاف هند جالسه مع جدته وعمته/ هلا ام نواف
/هلا بك شخبارك؟
/تمام
(سلمت عليه قبل مايدخل عند بشاير)
/اجل نواف نايم للحين؟
/ ايه
/بروح اقومه
الجده/ مابعد شافك؟
/إلا شفته البارح مع سمر
طلع لجناح خاله وصحاه وانتظره ليما يتوضا ويلبس مر سمر على مايخلص نواف شافها
تصلي/ تقبل الله
نزل ونواف جنبه سلم على عمته وباس راس جدته وخد امه
هند/ احط لك فطور
احمد/ لارجعنا بيتغدا ... يالله لانتأخر
نواف/ انشاء الله ....
♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠
...... رجع لشقته
#الســ 2 ــاعه#
...دخل بهدؤ مثل عادته سمع صوت التلفزيون وشاف مها منسدحه قدامه
لوهله تذكر بدايه زواجهم وابتسم
شم ريحه عطرها إللي ماليه المكان ودخل يبدل وجلس على طرف السرير طلع جواله ودق لمعتز بس مارد سكر وصد لماحس بشي وراه ضحكت وجلست جنبه
/ بتنام؟
/ تبين شي؟
/ايه مسويه لك كبسه سمك وملوخيه
/اوف (يضحك) وش هالقفزه
/ ابد بس شفت كتاب طبخ في المكتبه اعجبني وشريته
/ زين
بمرح/ يالله قم ذقه
/بس اذوقه
تضحك/ ايه
/ الحين انتي ماكنتي نايمه وش صحاك؟
/ من قالك نايمه سمعت صوت الباب وسويت نفسي نايمه قلت اختبرك بشوف وش بتسوي
بتعجب/ وش بسوي يعني!
فهم قصدها بس قام يستهبل/
اه تقصدين اكب مويه عليك ..
/صدق ماعندك رومانسيه
/ صدق انك فاضيه
/اقول يالله السمكه يبست بالفرن وانت تسولف
مات ضحك /اجل روحي حطيه في قدر الرز وسكري عليها
/ ايه ادري سويت كذا عشان تلين!!
/ ههههههه
بطفش /وش فيك؟
سحبها وانسدح وهي بحضنه/ خلينا ننام لعصر امداها ...هههه
تلين
عصبت وقامت وسحبت يده/ قم ماعندي دلع من الساعه10 وانا في المطبخ مالي خلق ارجع احمي شي
قام معها بــــــــزر
بس يحبــــها !!!
عليها حركات دلاخه
بس يموت عليها !!!
بريئــه واللي بقلبها على لسانها
وهذا اللي علقه فيها!!!
........................ ........................ ........................ ........................ ........................ ........................ ........................ ........................ ........................ ........................ ........................ ........................
٪٪٪٪٪٪٪٪٪٪٪٪٪٪٪٪٪٪٪٪
.... كلمتـــــــــــــان ،،
خفيفتان على اللســان ،،
ثقيلتـــان فــي الميـــزان ،، حبيبتـــان عنـــد الرحمـــن ،،
+ سبحـــــــانــ الله العظيـــــمـ
سبحـــــانــ الله وبـــحمـــدهـ +
٪٪٪٪٪٪٪٪٪٪٪٪٪٪٪٪٪٪٪٪
العصــــر>>
~>~>~>~>~>
رجع مصلي ودخل عندها كانت لابسه بنطلون اسود وبادي وردي من دون اكمام
(من المجموعه اللي اهدتها لها ريماس كانت هديتها صندوق مليان قمصان نوم وباديات وفساتين سهره ولاحمد بجامات)
/ من صحاك؟
صدت له/ حاطه المنبه كني حاسه منت مصحيني
/كنت بقومك بس قلت اكيد ماسمحت
/احمد توديني للمشغل الساعه 6
/ليش؟
/ بسوي مكياجي
/ ليش؟
/ وشهو اللي ليش ناسي الزواره الليله
/ اها ...
/ وبكره العصر حفله تركي
بدهشه/ العشا عندكم بتفضون له
/ عادي الحفله ساعه هذا إذا كملناها
/ طيب تبين شي
/ لا هيوف سوت كل شي دقت للمشغل وسووا له ركن العاب بالمقلط والترته بيجيبها هيثم وامه سوت العصير والحلى وانا علي الهدايا
/ حلو
انسدح
بدهشه/ بتنام
/شوي
/ ليش مانمت الظهر الحين فشله اكيد خالي حاط في باله بتساعده ...
/ وديت الذبايح لطباخ هذا شغلي
/طيب ابي اطلع بس ا ا ا ا ا
/وش فيك؟
تضحك/ عادي اطلع كذا؟
/عشان اذبحك
/تكفى خالي مشغول وماهوب جاي قبل المغرب
/ ونواف
باندفاع/ بزر
/بزر بعينك يعرف شي ماتعرفينه ... تبين تطلعين بدلي وإلا نادي سمر عندك
/ وش ابدل كل ملابسي كذا.
/البسي جلابيه
/ لا يالله اتحملها عند الناس
/اجل كملي نومك
تذكرت / تعال صدق تقول لاجينا بجيب لك ...
فز بعد ماتذكر / ذكرتيني جبت شريحتك من فيصل
راح لثوبه إللي توه فاسخه وطلع الظرف من جيبه/ سمي
/رديفك؟
/ايه
/خمسات
/ايه 0555 والباقي ماتغير
ضحكت/ شكرا ياقلبي
خذاه من يدها وجلس على الكنب /هاتي جهازك
تقهره/ اي واحد الاول وإلا الثاني
ضحك/ الجديد وذاك انسيه
بسخريه /ياحظك
ابتسم /خلصي بس
جابته وركب الشريحه وفتحه
صد لها/ حافظه قائمه الاسما
/ايه
/ خساره كنت بسجل اسمي الاول عشان يتبارك الجوال
/راحت عليك
دق رقمه ثم سوا اتصال شاف اسمه على الشاشه
¤ حبــــي الوحيــــد ¤
سكر وصد لها وباس خدها بصمت وقام
(احيانا الصمت ابلغ من الكلام)
طلع وصد لها/ بدلي وتعالي بروح لجدتي بغرفتها
بدلع/ بجي كذا
طنشها وطلع لجدته توه جالس جنبها على السرير
بمرح/ قوووه جده
صد شافها لافه الجلال عليها عرف انها مابدلت
جلست جنب جدتها وباست راسها
الجده/ تغديتي؟
/لا بتجوع للعشا
/يمه عمي طلع
/ايه بيعزم ابو اسامه اخو هند
/طيب ليه مادق له وش فايده الجوال
/انه بيمر خالك بعد يعزمه
صدت تشوف رده فعله
حس انها طالعه حب يقهرها عشان مره ثانيه تسمع كلامه ابتسم بمكر/ يااااا انا اشتقت له
قامت/ جده بروح لسمور اكيد مشغوله
طلعت ودخلت المطبخ ماشافتها صدت بتطلع لها فوق وقف بطريقها وابتسم/ انا ماقلت لا تطلعين إلا مبدله
/ مالك دخل... لا اوصيك الله الله باريج
صدت له شافته ماسك نفسه لايضحك / اعصابك لاتقطع بس
ضحك بقوه إلاسمر نازله شافت ريماس لبسها وشهقت
وصدت له/ شوف سمور لابسه نفسي وطالعه ... والله لفسخ
رمت الجلال وصرخ/ البسيه
خافت ولبسته وراحت لجناحها بصمت صد لسمر/ ارجعي البسي جاكيت على لبسك
بصدمه/ ليش؟ هو كذا
بهدؤ رقى عندها/ سمر بشاير لابسه الجلال عشان اعترضت تطلع بلبس نفس لبسك قدام نواف ومن شافتك رمت الجلال ويوم صرخت عليها لبسته ودخلت واكيد زعلانه الحين
سمور انتي عارفه حسسيت هالامور صح انتي تعود نواف عليك بس هي صارت مره ومحب اشوفها كذا قدام احد فاهمه عشان كذا لاتطلعين بهالبس مره ثانيه على الاقل عشاني
/ابشر انت تامر علي بأي وقت وبشور بكلمها انا
/لا انا اللي بكلمها مابيها تتعود احد يحل مشاكلها غيرها
/احمد بشور طيبه وعلى نياتها و....
/ ادري اعرفها اكثر من نفسها روحي بدلي وابيك بسالفه بعد العشا
انحرجت لانها تقريبا عارفه وش يبي (يكلمها عن مهند) وصدت/ ببدل عشان انزل اشوف وش اسوي
. . . طلعت تبدل وطلع للحوش حق الرجال لقى العمال يفرشون الزوالي ونواف ومهند يسبحون في المسبح وعزوز ولد ثامر واقف يتفرج عليهم وعمه يسقي المزرعه ومازن واقف عنده طلع جواله ودق لفيصل ..........
║║║ لاإلـہ إلا انتـ سبــحانـگ
انـي گنـتـ من الظـالميــن║║║
رد مع اقتباس
