[align=center][/align]
----------------------------------
(-(صلـ ـوا على الـ حبــ ـيـب)-)
----------------------------------
----------------------------------
(-(صلـ ـوا على الـ حبــ ـيـب)-)
----------------------------------
** الصباح **
... صحت قبله وانسحبت تطمن على عيالها دخلت غرفتهم
كانوا بسابع نومه قربت من عزوز لحفته وباست خده وراحت ليارا جلست على سريرها
تتأملها ملامحها هاديه بس جميله بشهاده الكل نفسها يجيها بنت ثانيه تشبهها
فزت وصدت وراها ضحك وحضنها من وراها لصدره تنهدت وهمست/ خلنا نطلع نبشر امك
تركها وطلعت وراه بعد ماباست يد يارا
شافته يدخل غرفتهم
صدت لصاله وابتسمت شافت بقايا التغليف وقطع الورق والورد اللي بدأ يذبل وابتسمت امس سوا لها ولعيالها حفله صغيره ورد وهدايا وترته رفعت يدها طالعت ساعته اللي جابها واصر ماتنزلها حتى لو هي بتتروش غمضت وحمدت ربها على هالزوج المحب
فتحت بعد ماحست بانفاسه كان قريب منها حطت راسها على صدره وبكت ..............................
.................................................. .................................................. .................................................. .................................................. .................................................. ....................
♦♦♦♦♦♦♦♦♦♦♦♦♦♦♦♦♦
الساعه 11ص بتوقيت الدوله الاسبانيه ...
صحاها بعد ماتؤضا وبدل اليوم آخر يوم لهم ببرشلونه والليله بيرجعون للعاصمه مدريد وطيارتهم باليوم الثاني المغرب
/بشور
/اممم
/بشور
صدت بكسل /نعم
/قومي ماباقي شي على الصلاه خلينا نفطر على مايدخل وقت الصلاه ثم نصلي ونطلع
/ مابي اطلع
صدت ونامت
قرب وسحبها غصب يدري تموت على الطلعه بس النوم سلطان قوي
دفها لدوره المياه خلصي بنزل دقايق وراجع القاك جاهزه
طلع ودخلت تجهز دقايق ورجع معه فطور شافها منسدحه /بشور
فزت/ لبيه
/تعالي افطري
قامت وجلست جنبه/ لمن العصير؟
/لك
/لا مابيه
/ليش؟
/ماحب برتقال يحوم كبدي
/هذي نعمه تبينه اشربيه وقولي الحمد لله ماتبينه لاتقولين كذا على نعمه ربي غيرك يلحس التراب من الجوع
/ ......
/ وشتبين؟
/ مابي شي
سمت وخذت حبه كورسان طلع جواله وسحبته منه/ من تدق له ؟
/بجيبلك عصير
/ خلاص مايمدي بس إذا صدق راحمني بقلي شوي من شاهيك
/خوذيه اجل بشرب عصيرك
/لا
/خوذيه عادي عندي
افطروا ودخلت تجيب كميرتها وشنطتها عشان يطلعون نزل العصير من يده وخذا كاس الشاهي يشرب منه قام وتوجه للباب /بشاير يالله
/طيب
وقف ينتظرها طلعت وشافته واقف مدت شنطتها له/ امسك بشيل الاكل
شافت الكاس بيده/ وتقول عادي عصير وإلا شاهي
/صادق بس دامك ماشربتي الشاهي ليش ادفع فيه فلوس وانطله
ضحكت ولمت السفره ورمتها وانتوا بكرامه في الزباله وخذوا لهم Taxi
/وين بنروح؟
/ بنروح لساحتنا امس
/اي وحده
/ساحه كاتالونيا
Plaza de Catalunya
والعصر بنروح لكازا ميلا
Casa Mila
/وش هذي؟
/ههههه بيوت مصممه باشكال هندسيه بس خيال
/شقق
/لا اتوقع تحولت مدارس معماريه
تضحك/ احمد بنروح للحي اللي تقول امس
يضحك/ حي القوطي
/ايه مع اني احس انك تكذب
بتعجب/ في وشهو؟
/اسمه
يضحك/ قسم بالله هذا اسمه بس ليش سمي كذا الله اعلم اللي اعرفه انه اقدم احيا برشلونه وعن طريقه تتعرفين على تاريخها وحضارتها
/يمكن عشانه قديم سموه كذا
/جايز
/طيب فيه اسواق ؟
/لا الاسواق بنروح لها الحين
/الساحه اللي امس فيها اسواق؟
/ ايه اتوقع اسمه الكورت انجليس اشهر اسواقهم
/ متشوقه للقوطي وش رايك نروح له الحين والسوق العصر؟
/لا العصر بوريك البيوت بكازا ميلا اللي صممها الفنان انطونيو غاودي وبطلعك لسطحها بتستخفين على اشكال الفلل والبيوت تحته
وإلا طلعنا بوديك للقوطي فيه متحف روعه
/زين
/وبعد فيه كنيسه
/بندخلها؟
/ وشهي؟
/الكنيسه
/لا
/ليش؟
/انتي مذهبك مايل بلا كنيسه
شهقت باعتراض وضربته على كتفه/ قالوا لك مسيحيه على غفله
اشر لسواق براسه واشر بيده على رقبتها بمعنى بيذبحك على هالسبه
طنشته وطلعت لسانها لسواق
ضحك على هبالها
/تعال صدق مارحنا لملاهي هنا.
/ بوديك بكره لارجعنا لمدريد
/ ياوش معلقين على هالمدريد لانش ومتحف وملاهي
يضحك/ عشانك بس وإلا مالي خلق ادور
نزلوا
صرخت بفرح / يا ا ا ا ي ياحلو الجو
/احسن من البارح
/البارح بزود كان موت٠٠٠٠٠٠٠
♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦
*ــــــــــ*ــــــــــ*ـــ� �ــــــ*
.... نزله بدر عند بيته
صد/ ابو ناصر اشوفك الليله
باستهبال /وين؟
/ في المزرعه
/ بشوف يابدق عليك يابمرك
/خلاص
/يالله باي
مازن /انتبه لنفسك
/ابشر يابوي هههههه
يطالعه بطفش/......
بدر بمرح/ ياخي روق إذا على السفر ازهله بروح انا ماوراي لامره ولاشغل ولامشغله بس ريح بالك كنت بتروح نفسك بسبب غبائك
تنهد/ يصير تقلب وجهك
/هههههه تامر حبيبي
،،، دخل واصل حده جوع وتعب وطفش وضيقه صدر
سمع صوت معاذ في المطبخ تنهد يوم تذكر موقف ريماس طلع فوق ياخذ شور
دق الثابت وطلعت ترد عليه
شافت رقم بيت خالتها
/ الو
/السلام عليكم
بصوت واطي/ وعليكم السلام
/ كيف الحال ياام معاذ؟
/بخير الله يسلمك
/عطيني مازن
بشك/ دقايق
نزلته وقامت تشوف إذا فوق متأكده انه مابعد جا اصلا باقي ½ وينتهي دوامه بس حبت تتأكد فتحت الغرفه شافتها ظلام توها بتسكر الباب إلا وتنتبه للمكيف يشتغل ولعت النور شافته متلحف كله دخلت بخوف ورفعت اللحاف عن راسه شافت وجهه متجعد شكل فيه شي هامه ومكدر خاطره تنهدت وباست خده برقه ونزلت
/ الو
/هلا
/ ماعليش ابو تركي مازن نايم
/ تعبان هو؟
بقلق/ ا ا ا لا
/ طيب لاصحى خليه يدق علي وإلا يمرني
/ان شاء الله
.... تعبان إلا اكيد تعبان مهيب عادته يجي بدري وينام ماشفته
خذت جوالها ودقت لمعتز
/ الو
/هلا بهالصوت تصدقين احيانا انسى انك اختي
/هههه مشاغل
/الله يعين هاه شخبارك؟
/تمام وانت؟
/الحمد لله شخبار المزيون؟
/نايم بس داقه اقولك تدق لبدر اسأله عنه هيثم يقول تعبان وخاف اقومه ويزفني
/ شكله تعبان؟
/يعني
/طيب بدق لبدر
نزلت جوالها ونادت بصوت شوي عالي/ معا ا ا ا ذ
طل من المطبخ معه سيارته بيده/ تعال
رجع وطنشها تأخر ونادته بس مارد قامت لقته منسدح جنب العابه على الفراش اللي بزاويه المطبخ ابتسمت على هدوئه طمنت وشالته وطلعوا لصاله دق معتز وردت/ الو
/هلا ريمو شوفي يقول .....
تقاطعه / لحظه ابو ندى
عيب يابابا...هلا معك
/ وش عندك!!
/معاذ ازعجني يبي الجوال
/طيب يقول بدر له فتره طفشان وشكله من السفر
/اي سفر
بدهشه /ماقالك بيسافر لسويد عنده اجتماع هناك
/ا ا ا إلا قالي ...
/ فيه حاجه ثانيه بس إذا ماصدقتيني صحيه واسأليه
بخوف/ خير
/ صادم من ساعه بس ماجاه شي و
بدهشه /صا ا ا ا ا دم
/قلتلك سالم مافيه شي
بعجله/ زين باي
/وين؟
/بروح اشوفه
/ريمو لاتصحينه لو فيه شي ماجابه بدر للبيت
/خلاص باي
سكرت ودقت لريمان تجي تجلس عند معاذ لانها اكيد جالسه ماعندها شغل لان الكل نايم
طلعت له جلست جنبه بعد ماولعت الابجوره مسحت وجهه وشعره وقامت تأمل وجهه الكئيب سحبت يده وانسدحت بحضنه مررت اصبعها على خده وحواجبه وخشمه / فديت قلبك جعل التعب فيني ولا فيك
اكيد هامك السفر واكبر منه زعلي ...
غمضت تحرك وحضنها بقوه لصدره ودفن وجهه بشعرها ابتسمت لو كان صاحي ماسوا كذا لان له يومين مطنشها .. .. .. .. .. .. .. .. .. .. .. .. .. .. .. .. .. .. .. .. .. .. .. .. .. .. .. .. .. .. .. .. .. .. .. .. .. .. .. ..
رد مع اقتباس
