[align=center][/align]
ثم جابوا الورد من الفريز وحطوه بطريقه حلوه جنب كل كاس عصير
.... قفلت ريماس الباب ورتبوا سله ورق العنب والحلويات في الصاله مع القهوه والشاهي
ميهاف /تعالي ماجبت هديه لبشور
بتواضع/ مايحتاج الهدايا كثيره وبعدين مجرد ماتعرف إن احنا اللي مسوين الحفله سوا بتتأكد ان الهدايا منا الثنتين
/ طيب وين البخاخات وقنابل الورق؟
/دخلتهم داخل وولعت الشموع
/ كويس اجل بطلع اناديهم وانتي ريحي نفسك إذا جينا بنطلع بدق لك
/اوكيه
طلعت ميهاف وريماس طلعت فوق ولبست عبايه كتف عشان هيثم بيكون موجود وفستانها شوي عاري وضيق وحطت ميك اب ناعم ورفعت شعرها بمشبك ونزلت إلا تشوف مازن يطلع الدرج صفر تصفيره طويله ضحكت ونزلت عنده باس خدها بنعومه ودفن انفه بشعرها يحب يشم ريحته لانها تحرص على العنايه به وتدخنه
مسكت يده ونزلوا
/تعال شوف ترتيبات الحفله قبل ماتجي بشاير
دخلوا شاف الشموع على روائح العطور على الجو البارد/ وش هالشاعريه
قبضت يده/ حلو
قرب شاف الترته والحلويات والهدايا والعصير /بصراحه شي خيالي
دق الجوال بيدها وشهقت/ اطلع اطلع بشور وصلت
طلعوا وقفلت الباب/ توقع بشور كاشخه؟
/ هي دايم كاشخه بحياتي ماشفتها بجلابيه
/لا اقصد مكياج
/يمديها طيب
/ لامايمدي لان ماراح نقول شي قبل ماندخلها وبكذا بيبدأ التصوير
/ صور وإلا فديو؟
/كلها صور وفديوا
/من اللي بيشيل كمره الفديوا؟
/انا طالبه من المشغل مصورتين وهم اللي بيصورون
/طيب ا .....
بلهجه صعيديه /السلام عليكوا
مازن يضحك/ وعليكوا السلام ياماحبا ازيك ياحسنين
/بنشكر ربنا
انتبهت ريماس للبس بشاير كان بنطلون ابيض برموده وبلوزه صفرا من دون اكمام طويله لحد نصف الفخذ وتحتها بلوزه بيضا باكمام جبنيز وطبعا حزام ابيض ومافيه مكياج مافيه غير قلوس وردي لامع وكحل ومسكره
وشعرها رافعته نفس ريماس بطريقه عشوائيه وخصل طايحه على وجهها من النعومه
ابتسمت ريماس للحوار المطول بين بشاير ومازن باللهجه المصريه وقاطعتهم/ بشاير وين ميهاف وخالتي ورنود
/جايين بس انا من سمعت بالعزيمه جيت طايره ماصدقت اني بطلع ...
جلسوا في الصاله إلا ويسمعون البنات و هيثم وابوه وامه
ربطت ريماس برقعها
وغطت عيونها وقامت تصافحهم عدا هيثم هو إللي اللقا السلام وسأل عن اخبارها جلسوا وصبت ميهاف القهوه
بشاير/ يبه
/ لبيه
قامت وسحبت تركي وجلست مكانه جنب ابوها /يصير اهون
/تهونين عن وشهو؟
/عن العرس
شهقوا الكل بدهشه وضربها هيثم على راسها/ خبله انتي!!
بدلع/ بابا شوفه
ابو هيثم/ خل بنتي بحالها لمصع اذان بنتك
ضحكت بفرح ابوها يحب مزحها مهما كان نوعه باست خده/ الله يخليك لي
مازن /قولي لنا مو لي
بابتسامه/ ماعلي كل واحد يدعي لنفسه
ضحكت امها وقالت ميهاف/ بشور بكره هالحزه وش انتي فيه
تنهدت /ترا جايه انسى لاتذكريني
هيثم /تركي هات نوف ولاتطرحها.
مازن خذاها من حضن امه قبل لايجي تركي ونادى / هيثم
رفعها بيرميها له وصرخوا كلهم لان الارض رخام وهم بعيدين عن بعض
ابو هيثم/ مزون البنت ماجت ببلاش عشان تزقفها متى مابغيت
هيثم/ كانك صادق ارم ولدك
ضحك/ تبيه يموت
بدهشه /وانا بنتي تموت عادي
/انت عندك غيرها بس انا ماعندي احد
الكل/ ههههههههههههه
ميهاف /ابو تركي لاتشره عليه
صد يطالعها بحاجب مرفوع شاف بنتها توه بيقوم ياخذها نزلت ترمس القوه وحضنتها
ضحكت امه على تصرفاتهم
صد لريماس كانت هاديه ومعاذ منسدح جنبها يرضع
مسك يدها وسحبها لحضنه وشبك اصابعه باصابعها
امه/ وراك ماعزمت خالك؟
صد لريماس/ العزيمه خاصه
ماصدق خلص شارب بيالته وقف / كثر الله خيركم
وقف معه مازن وراح له/ وين وين؟ بدري مسك يده وجلس وجلسه لسا بدري
همس/ ياخي شكلي غلط احس اني كاتم نفس مرتك
بنفس الصوت/ اقول اسكت بس وراني ماقلت هالكلام ومرتك ساكته طول الوقت
/يااخي ....
يقاطعه بهمس /اسمع بصراحه مسوين حفله لبشور بس ننتظر المصوره تتأكد من الاناره عشان التصوير
/دق جوال مازن وطلعه شاف رساله وفتحها
(( قم معي للمصوره تبغاني و استحي اقوم لحالي))
رفع راسه لها وابتسم قام وقامت معه دخلوا عند المصورات السوريات شاف مازن بناطيلهم ضيقه قرب لريماس وهمس/ ريمو قولي لهم يلبسون عباياتهم ان شافتهم امي حطتنا بسين وجيم غير كذا بيرفض ابوي يدخل
/طيب خلاص رح دخلهم انا بتفاهم معها
طلع /احم احم بشور ريمو تناديك
قامت بتدخل ومسكها مازن ونادى لهيثم ويوم وقف جنبهم غمز له وطمنوا بوقت واحد ماحست بنفسها إلا تطالعهم من تحتها صرخت بخوف بس مانزلوها كان كل واحد شايلها من ساق ورافعها دخلوا المجلس وصرخت بفرح لما شافت صوره كبيره لها مبروزه ومجلسه على الارض وسانده على طاوله الترته شافت تجهيزاتهم والهدايا إللي بركن والورد المنثور والشموع
نزلت دموعها ونزلوها حضنت مازن وبكت مسح على شعرها وظهرها وهمس/ مبروك مقدما
زادت ضمه سحبها هيثم من صدر اخوه يوم شاف امه تمسح دموعها لما شافت دموع بنتها وفرحتها مسحت دموعها وطالعتهم وضحكت
قدمت لريماس وحضنتها قدامهم وباست راسها/ مشكوره يااحلى اخت
صدت لهم واشرت لطاوله /حياكم على شرفي
ضحكوا وقدموا توها بتاخذ السكين الخاصه بالترته إلا والمصوره توقف الفديوا وتنادي /لحظه ياالبي لحظه
قالت لصاحبتها تطلع على الكنب وتصور من فوق اما هي اكتفت انهم يتركون مساحه مفتوحه عشان الفديوا يشملهم كلهم ولما ظبطت الاماكن / لما بأول تلاته بفتح التصوير بدكن تحيوها وتسأفوا كمان افتحوا الالعاب
خذ مازن قنبله وميهاف وريناد 0000وهيثم خذا بخاخ ابيض وريماس وردي/ 1 2 3
مدت يدها برعشه /بسم الله وغطستها بوسط الترته عشان تقصها
/ وا ا ا ا ا ا ا ا ا ا و
وقاموا يصرخون ويصفرون وفكوا القنابل وتناثر الورق فوق روسهم ورشوا البخاخات فوق وصارت كنها غيوم
تركت السكين وحضنت ابوها وبكت من جديد كل هذا والتصوير بنوعيه لازال مستمر
خذا مازن عصير وعطاه امه وخذا ثاني وسحب بشاير من صدر ابوه بيسراه ومد الكاس لابوه بيمناه
مسحت دموعها وباركوا لها
مازن/ هالحفله ياقلبي عشانك بكره بتودعين ايام العزوبيه
ضحكوا وصفوا جنبها وصوروا هيثم معه نوف ومازن شايل معاذ وابوهم بالوسط لاف يدينه على خصر بشاير إللي واقفه قدامه على جنب ومعطيها ظهرها لهيثم بعدها انضمت ميهاف وامها وتركي وندى بس هالمره جالسين امهم وابوهم على الكنب وابوهم حاط يده على كتوف امهم وجنب امهم هيثم وجنب ابوهم ميهاف وتحت بالارض جالس مازن القرفصا وولده بحضن جدته ونوف بحضن جدها وبشاير جالسه جنب مازن وبينهم تركي وندى
صورا كذا صوره وبكذا حركه واخيرا صورت بشاير مع كل واحد لحاله وصوره مع ندى ومعاذ بحضنها وجنبها نوف من جهه وتركي من الجهه الثانيه
جلسوا يصورون لمده ساعه بعدها انسحب مازن مع ريماس لصاله عشان يعطون ريناد فرصه تصور مع زوجها والبنات وعمها بعدها طلعوا ودخل مازن مع ريماس وصورت مع مازن وولدها وخالتها والبنات
رد مع اقتباس
