[align=center][/align]----------------------------------
(-(صلـ ـوا على الـ حبــ ـيـب)-)
----------------------------------
▒ ▒ ▒ ▒ ▒ ▒ ▒ ▒ ▒
.... كانت جالسه بطفش مازن من رجعوا من المزرعه من اسبوعيـــن مانطق معها كلمه وحده فكرت بجديه بكلام الدكتور
فجـــــــ ـــــــ ـــــــ ـأه
دق جوالها وردت
/الو
/هلا خالي
/هلا بك ياالغاليه مرت الغالي ام الغالي
/.....
/وشفيك
بملل /كارهه نفسي حرام
/ايه حرام
/.....
/حبيبي اللي انتي فيه ابتلا من ربك احتسبي هالتعب واحمدي ربك تراه بدا يتحسن وصار احسن من اول وانتي بعظمت لسانك قلتي بدأ يتقبلني
/بس ياخالي....
يقاطعها/ مازن يحبك ومنتي محتاجه احد يقولك وش كثر ولو مازن الاولي ماسمح لك تنزلين هالدموع بس ربي يشفيه والله يعينه
تنهدت/....
/وش رايك امرك ونطلع نتمشى
/وين؟
/مو شغلك؟
/لاجد وين بنروح؟
/لاتحاولين..
بسخريه /ماجاء مازن من بعيد
/هههههه طيب بنروح للمكان اللي تبين
/لا مقدر
/ليش؟
/احس مازن يتضايق لاقلت بطلع
/طيب بناخذه معنا
/لا خلاص هونت
/طيعيني
/لا مره ثانيه
/كيفك... ريمو
/لبيه
/مصره ماتقولين لي الكلام اللي قاله لك الدكتور
ضحكت/ ومصممه بعد
/تامرين على شي
/لا تسلم
سكرت ونزلت تدور مازن بس مالقته لاهو ولا ولده
قررت تفاتح سونالي
دخلت وجلست قدامها على الكرسي /سونالي
/نعم مدام
بتواضع /لاتقولين مدام قلتلك قولي ريماس انا اقول سونالي وانا وانتي نفس بعض كلنا مسلمين
سونالي باهتمام/تيب انت تعبان؟
تضحك بدون نفس /ليش؟
/ وجهك تعبان
/لاطيبه ....
بعد تردد/ انتي يعرف مستر مازن تعبان صح
/ايوه انا كل يوم بعد صلاه يدعي لمستر يصير كويس
ابتسمت/ الله يجزاك خير .... سونالي وانت موجود مستر مايكلم انا مايطلب من انا انتي بس يسوي اكله يكوي ملابسه يحط علاجه انا ولاشي
/وش يبغى مدام يسافر
/لا بوديك للمكتب تشتغلين عند ناس ثانيه وبعطيك راتبك هذا وراتب هديه لانك كويس مع معاذ ومستر
باندفاع/شوف مدام انا كان يبي قول كذا بس الهين فيه بيبي ومستر وبيت واكل ونظافه
/انا بسوي هذا كله مافيه خوف
/خلاص سوي اللي فيه راحه انتي
ابتسمت بامتنان مدت يدها ومسكت يد سونالي/ سونالي لاتزعلين مني
/لا مدام انتي كويس ومستر كويس ومعاذ حبي انا وماما كبير وبساير كله كويس انا مافيه يزعل
/خلاص بكره تروحي للمكتب
/طيب مدام يبغى رقم انتي عشان يسوي تليفون بعدين
/مشكوره سونالي
/مافيه شكر بعدين انا مايبغى فلوس زياده يكفي فلوس هذا شهر يبقى 17 يوم
/تستاهلين
تركتها ودقت لخالها ياخذ سمر تقضى لسونالي وتجيب ملابس وهدايا لعيالها (ولد وبنت)
الصباح ½9
....
دخل حاتم معه شنطه كبيره فتحتها ريماس كانت ملابس لسونالي ولعيالها واللعاب وهدايا وعطورات وسجاده وجلال وصوره لمكه والمدينه ومصحف
سكرتها ودخلت لها كانت في المطبخ تسوي فطور لحاتم وريماس وهي لابسه عبايتها عطتها بوك فيه3000 ريال وسلسله ذهب
شافته سونالي وبكت وجلست عند رجلين ريماس/هدا كتير يامدام
/لامو كثير
قومتها وطلعوا خذت شناطها وطلعوا للحوش وقبل ماتطلع صافحت ريماس بحراره وباست خدها ضحكت ريماس وودعتها ،،،،،،،،،،،،،
◘◘◘◘◘ □□□□□□
◘ (سبحان الله وبحمده) □
◘◘◘◘◘ □□□□□□
* عدد خلقه
و* زنت عرشه
و* رضا نفسه
و* مداد كلماته
◘◘◘◘◘◘ □□□□□□□
_______________
الساعــــ ½ 9ــــه
____ ¤REMAS¤ ____
_______________________
... هذي انا جالســــه الــــبس بعد شــور حمسنـــي لمواجهه مـــازن لاعرف اني ســـفرت سونـــالي
بس الاكيـــد ماراح اقولــــه على طــول انها سافـــرت بـصرفه هاليوميـــن وبعـــدين بقوـوـوـوـوله !!....
... لبست برموده اسود و تيشيرت احمر حفر وتركت شعرها مفتوح (مايحتاج استشوار)
وحطت ميك أب صباحي هادي مره
وطلعت من الدريسنج روم ورجعت تلبس جزمه شافت معاذ للحين نايم
مشت بتطلع شافت عطر مازن على التسريحه (إللي بغرفه النوم)
خذته وغرقت نفسها منه وطلعت ركض لان
الساعه صارت 10 تخاف مازن صحى مرت غرفته شافته يتسنن وانسحبت للمطبخ حطت نواشف على السريع لان خالها جايب خبز من ½ ساعه
وعلى ماخلصت نزلت بريق الشاهي من على الفرن وطلعت تجيب معاذ صحته وبدلت ملابسه
نزلت سمعت مازن ينادي لسونالي من غرفته ابتسمت
ودخلت المطبخ وشالت الصينيه وطلعت لصاله حطتها
ورجعت تجيب معاذ
شالته وطلعت شافت مازن معطيها ظهره و جالس قدام الفطور على باله سونالي مسويته جت من وراه وحطت معاذ بحضنه مسكه وصد لها اندهش في بجاحه هالبنت ضحكت يوم شافت الصدمه بعيونه جت من قدامه باست راسه / صباحك فل وياسمين
تفاجأ من لبسها وحركتها جلست جنبه
وش جاها البنت وش هالجرأه انهبلت وإلا ايش
انحرج من كثر ما تمقل فيها ونزل راسه لولده
شالته من حضنه وسدحته وراها
قدمت وصبت له بياله شاهي وفتحت كيس الخبز وطلعت وحده قسمتها نصفين نصف حطته على الكيس ونصف مدته له خذاه ونزله على الكيس توقعت ماراح ياكل وهي موجوده قامت على اساس مشغوله
بس هذي تصريفه عشان تتركه وحده دخلت المطبخ
وزفرت بطفش وش استفدنا يامازن كن سونالي فيه !!!...
(( كنك يابو زيد ماغزيت ))
بس بعدي هاليوم لك دورت شي تسويه مالقت سونالي نظفت كل شي وغسلت حتى الحوش كانسته
راحت لمجلس الرجال
وشغلت التلفزيون ولفت بالقنوات تدور شي تفرج عليه يقطع وقتها لقت مسلسل بــــزه
(شريب بزه)
حطت خداديات و انسدحت على الزوليه قدام شاشه البلازما مرت نصف ساعه ماحست فيها إلا لما دخل مازن
شافها واستغرب هذي صايره غير اليوم عكس دايم رسميه ومتحفظه احيانا
/ وين سونالي؟
/ عند امك
طلع وتركها رتبت المكان وطفت التلفزيون ودخلت الصاله شافته منسدح وولده على بطنه يناغيه شالت الفطور وجلست تفطر لحالها
تذكرت سونالي احيانا تاكل هي وياها سوا
يوم خلصت غسلت المواعين ومسحت يدينها وطلعت عندهم
جلست بس مازن ماعطاها وجه قامت وجلست قريب منه
/مازن
/ .....
/حبيبي
تمنى يقوم ويدوس في بطنها ويطلع حرة هالبس الحين
/.....
/ابغى اروح لسوق ابي مـ
قاطعها/ دقي لاحمد ولا روحي انتي و بشاير مع السواق
تقهره/ اتوقع انت زوجي
لا احمد ولا السواق بتوديني انت والحين
جلس ونزل ولده ومر من عندها مسكت يده ووقفت قدامه/ابغى ملابس لمعاذ واغراض للمطبخ
/ زين العصر
بعصبيه /بس مع غيرك ماني برايحه
مارد ودخل غرفته استغرب من نفسه كيف وافق على طول وهي قاهرته بس جد انصدم فيها اليوم كانت روعه على غير العاده صح دايم كشيخه بس اليوم بزياده لكذا ماقدر يرفض طلبها
دخلت شافته منسدح يقرأ رسايل جواله سدحت معاذ جنبه وطلعت تسوي الغدا
احتارت وش تسوي كبسه وإلا مكرونه قررت تسوي مكرونه بالباشميل لانه يموت فيها
قبل اذان الظهر بــ ¼ ساعه
دخلت غرفه مازن تشوف لايكون معاذ مزعجه بس شافت ولدها نايم ومازن توقعت يتروش من صوت المويه انسدحت جنب معاذ وضمته على خفيف وباسته جلست إلا ان طلع من دوره المياه( وانتوا بكرامه)
صدت له وقامت تطالعه انصدم توقعها بتستحي وتطلع على الاقل تنزل راسها
بس بعض الناس ماتستحي
فجـــــــــــــــــــــــ ـأه
++++++++++++++++++++++++++
فكر يدخل ويقفل على نفسه لما شافها جايه له ومرسوم على وجهها ابتسامه خبث
وقفت قدامه تطالع صدره المكشوف/ اجهز ملابسك؟
بنفاذ صبر/ لا اطلعي
ابتسمت قربت منه باست صدره وطلعت ياحليلك يامازن تلاقونه يلعن ام الجرأه اللي فيني
ههههههه
اما عند مازن كان يتحمد هذي آخر الدنيا صار الولد يستحي والبنت عادي
لبس ملابسه الداخليه بس مالقى قمصانه وثيابه وسونالي عادتها تغسل وتكوي بنتظام بحيث مايفضى دولابه
نادى لها بصوت عالي بس ماجته نادي بصوت اعلى إلا وريماس تدخل
لاحول الله هذي اليوم ناويه على شر
شافها وطنشها/ سونا ا ا ا ا لي
بابتسامه/نعم
بقهر / غيروا اسمك
تضحك/ لا بس حبيت اعرض خدماتي
/مشكورين
/على العموم سونالي مابعد رجعت
طلعت وتركته تمنى سونالي فيه ماكانت استفردت به هالبنت
على قوله
نزلت من فوق في يدها ثوب له طلع من المطبخ وشافها مدت له ثوبه وخذاه
لبسه وطلع يصلي
اما هي بعد ماصلت دخلت غرفته ترتبها
بعد وقت سمعت الثابث يدق وردت/ الو
/....
صرخت/الـــــــــــــــــــــــ ـــو
انقهر/ بنت لاترفعين صوتك
تضحك/ طيب ياولد
/بتغدا برا
بدهشه/ لاتكفى تعال
بتوسل/مازن لاتردني
/معزوم
(يبي الفكه منها)
/ عشاني
ابو الثقه
/لا مقدر
سكر بوجهها
رمت السماعه بقهر في الارض
وطلعت فوق مغتاضه من مازن متأكده انه قاصد حركته
انسدحت بطفش شافت جوالها خذته شافت مكالمه مازن وابتسمت
فتحت انشاء رساله وكتبت/
( الغدا جهز بنتظرك 5 دقايق لو ماجيت مااعرفك بعد اليوم ولا تعرفني)
نزلت تجهزه مع انها متأكده بيطنشها قصت قطعتين من الباشميل لها ولمازن ودقت على بشاير ترسل ريمان تاخذ الصينه
حطت الصحنين بصينيه وحطت معهم علبتين بيبسي وسلطه
وشوكتين
طلعت لصاله شافته جالس ابتسمت بفرح ونزلت الصينه قدامه خذت صحنها وبيبسيها وجلست بعيد عنه
استغرب حركتها وطنشها خذا الشوكه واكل المكرونه كان يراقبها وهي صاده بوجهها لتلفزيون وجالسه تاكل بعد ماانتهى خذا السلطه وطلع للحديقه
خلصت وشالت الصحون وطلعت لمازن كان واقف قدام المسبح سرحان
جتها فكره وقررت تسويها قدمت بهدؤ ودفته بقوه وطاح في المسبح
بس ابطى في المويه حست برعشه وخوف بس قالت اكيد قاصد يبغى يهبل بي نفس الاستراحه تذكرت انه ناسي كل شي وشافت فوقعات تطلع فوق من دون شعور طبت وغطست له شافته جالس في القاع وطار عقلها مسكت يده على اساس بتطلع لسطح الماء بس فاجئها لما سحبها وخنقها بقوه دفته ضربت صدره سحبت يديه بس مافيه فايده ثواني وفقــــــــــــــــــــــ ــــــــــــــــــــــــد ت!!!!!!!!!!!!!!!................................. . .................................................. .................................................. ..................................
¤ّ,¸¸¤؛°`°؛¤,¸¸ّ¤؛°`°؛¤ّ,¸¸� �
¤ بيـــــتــ معتـــــــز ¤
¤¤¤
بصوت عالي /هيوووف
من المطبخ/ نعم
/ترا مازن دق يقول ماهوب جاي
وقفت على باب المطبخ/كنت حاسه
/ندوشه وين؟
/عند امي
بقهر /احلفي
/والله
صدت ودخلت
ماحست إلا بيدها مسفوطه وراها
صرخت بخوف/ اني اكذب
/ هنا؟
/ايه نايمه بس لاتصحيها فيها العظيم وماصدقت نامت
فكها وطلع/ معتز في ذمتك ماتطلع فوق
يصرف/ ببدل ملابسي
/بجيبلك انا
جلس /طيب وين غداك؟
/ثواني ويكون عندك
دخلت وجابته وجلسوا يتغدون/معتز وش اخباره مازن
مافهم قصدها
/اقصد ماتحس ان نفسيته احسن من قبل
/ إلا احسن بكثير تصدقين اني اشوفه مع الكل مازن الطبيعي يسولف ويضحك وينكت ويستهبل بس لما اشوفه مع ريماس احس انه مو هو!!
تنهدت /الله يشفيه
/آمين ... طيب يراجع دكتوره
/المفروض بس تخيلي من طلع ماجاه إلا مرتين هذا والدكتور محرصه يجي كل 15 يوم
/يمكن يبي احد يروح معه
/مااتوقع لان خالي ناشب له في العظم بس هو يرفض
/حبيبي عندك شي العصر
/ لا ليش؟
تذكر/ إلا عندي معزوم
/لاجد
/اي والله عازمني بدر . . . . . . . .
. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
استغفر الله
ولاإله إلا الله
ولاحول ولاقوه إلابالله
استغفر الله
ولاإله إلا الله
ولاحول ولاقوه إلابالله
استغفر الله
ولاإله إلا الله
ولاحول ولاقوه إلابالله
◘◘◘◘◘□□□□□□
احمــــــــــد
دق جواله بمسج كان جالس عند جدته بغرفتها
قبل العصر فتحه كان من/
¤ عزيزه نفس ¤
(( اجنا بكره تغدا عندنا ))
اول شي ماصدق ومن فتح تفاصيل الرساله وتأكد من رقمها استا ا ا ا ا ا ا نس شكل التطنيش جاب نتيجه معها
تنهد اخيرا حنيتي اخير قررتي ترحميني
حب يشتغل عليها وارسل/...
(( فيه شي غير الغدا لاني مسوي رجيم))
ضحكت وارسلت/....
(( بتلاقي إللي يسرك ))
(( طيب توصين على شي ))
(( ايه اطلع من دوامك بدري))
ابتسم وسوا رد برساله نصيه وكتب
(( وش رايك اجي من الحين ))
((وش مستعجل عليه))
(( عليك ... بشور خلي العزيمه بعد يومين عندي شغل ))
(( وش معنى ))
(( مشغول والله وإلا من يفوت هالعرض))
الجده/ انت وش قاعد تسوي
انتبه لنفسه/ واحد من الربع يسأل إذا بجيهم الليله
/وشفيك ماانتب رايح
/إلا بس امس قلتها مزحه وشكله صدق
دق جواله إعلان بوصول مسج جديد
فتحه بسرعه
قاطعته الجده/ اكتب له انك بتجي
ضحك/ ابشري
باس راسها وطلع / وين يابوي؟
/باخذ شور..
طلع يبي يروق لبشاير وقرأ رسالتها/ ...
(( إلا ليش قطعت الفتره اللي فاتت))
(( مشغول وانتي))
((ماحبيت ازعجك))
((عذر الكسلان مسح السبوره))
((طيب امي تناديني ))
(( يصير اطلبك قبل ماتروحين ))
(( آمر ))
(( البسي فستان الملكه ))
(( مافصلت ))
(( ليش ))
(( مامداني ))
(( طيب فصلتي لزواج ))
(( مو شغلك ))
ضحك من قلبه اولا فرحان انها تعدلت وبدت تسولف وثانيا عازمته !! ...
تذكر سالفه رقمه واصر يعرف ليش طلبته لانها الغبيه مرسله الرساله لجواله هو !!!
اما بشايــــــــــــر
اسعد منه صح امها غصبتها على شوفه احمد من فتره بس هي كذا كذا شايفته قررت تشوفه برضاها وتشيك له مهما كان هذا احمد الغالي وفوق هذا ماله ذنب تجرح مشاعره كل مره لكذا قلبت الوضع براسها وشافت من مصلحتها انها هي اللي تعزمه ...
ويبقى تقول لامها تبلغ اخوانها بجيه احمد بعد يومين عشان يحضرون الغدا معه
----------------------------------
(-(صلـ ـوا على الـ حبــ ـيـب)-)
----------------------------------
----------------------------------
(-(صلـ ـوا على الـ حبــ ـيـب)-)
----------------------------------
.... فتحت وهو ما انتبه كان رافع راسه بياخذ نفس ويرجع يعطيها تنفس صناعي
شافها وتعدل بجلسته بهدؤ / كيفك الحين؟
تنفست بعمق وابتسمت/ كنت بتذبحني
ابتسم وهمس/ محد يموت ناقص عمر
وقف بيدخل / مازن
/نعم
/ساعدني ادخل
حس انها تكذب وطمن ومسك يديها وسحبها بقوه ووقفها صرخت
/آ آ آ هـ يادفش
ضحك ومشى/مازن
صد /خير
/إذا تقدر شلني
فهم تحديها الغير مباشر شالها ودخلوا كانت لافه يدها ورا رقبته بتأمل/ مازن تذكر يوم كنا صغار وضربوني عيال الحاره وانت تشيلني
/......
مطنشها
/طيب تذكر اول ماتزوجنا سهرنا في استراحه وسبحنا سوا وغرقتني في المسبح ولعبنا كوره
/ ......
/طيب تذكر امممم .. يوم كنا ندرس برا لما كنا نحب بعض
/....
شافته متجه لدرج يرقى وصدت له باعتراض/ ودني لغرفتك بشيل معاذ
دخل عند ولده ورماها على السرير
انسدحت قاصده تنرفزه صرخ / روحي بدلي ملابسك
/مابي
/قومي مليتي فراشي بالمويه
طنشته وصدت لمعاذ سحبها وطرحها من على السرير
ماتت ضحك وقامت وطلعت فوق
انسدح على الكنب يفكر في كلام ريماس والذكريات اللي قالتها له اهم شي سالفه يحبها يوم كانوا يدرسون كثير تجي بنت في باله يذكر انه كان متعلق فيها وتركته ويذكر اسمها عنود .. العنود شي من هالقبيل بس ياترى هل هي نفسها ريماس
تذكر سالفتها يوم تقول مغرقها في الاستراحه وضحك نفسه يتذكر ماضيه نفسه يعرف هالانسانه اللي مثل الخيال مايعرف ملامحها ولا حتى شكلها بس اسمها وانها كانت غاليه عليه
جا بدر في باله ودق
عليه
/هلا حبيبي
/هلا بك
/طلعت وإلا في الشركه
/وين الدوام منتهي من نصف ساعه
/طيب بدر تذكر يوم كنا في الجامعه انا وانت وحمدان
/ايه
/كان في دفعتنا بنات نعرفهم صح
/ايه
/منهم ؟
/ميشو وغدي و
كان بيقول ريماس بس قال/ وعنود الريم
بدهشه/ عنود الريم .. اسمها كذا؟
/لا اسمها ريماس
تنهد براحه/ طيب تجيني العصر
/انت مضيع!!
/ليش؟
/احمد ماهوب عازمنا في المزرعه
/ وين عقب المغرب عزيمته
/بتجي؟
/ مدري
/إلا بتجي غصب عنك
/طيب باي
/مع السلامه
... دخلت عليه فجأه وارتبك مايدري ليش!!
جت وجلست جنبه لاصقه فيه مسكت يده بتملك ويدها الثانيه حطتها على خده/ حبيبي ليش تسأل وانا موجوده
زادت دقات قلبه كان خايف تكون سمعته وطلعت سامعه كل شي
بضيق وصوت مخنوق ودموع على وشك النزول /ازعجتك الذكريات إللي قلتلك
تركت وجهه وحطت راسها على كتفه/ حبيبي انا عنودك ... عنود الريم ... حبيبتك
بكت رفع يده ومسح راسها من دون شعور
قام وطلع ترك لها البيت ومااخذ معه سوا ذكريات اسرته وعذبته
كانت جالسه في الصاله بعد ماصلت العصر
جاها مسج فتحته
كان من
¤ آخر حدود دنياي ¤
( هيوف عند امي روحي لهم لا تنتظريني معزوم )
استغربت اول مره يخبرها بخط سيره
ضحكت هذي اول خيرات سفرك ياسونالي
طلعت ولبست جلابيه ملونه
وحطت كحل وقلوس نزلت وشالت معاذ وطلعوا لخالتها
بعد ساعه رجع مازن اصلا ماكان معزوم ولا حاجه بس كان وده تطلع تغير جو
دخل مكتبه وشاف الاوراق والملفات وختم باسمه مدير عام الشركه
تنهد معقوله اكون راعي هالخير وبدر وناس كثير تحت ادارتي فتح الخزانه شاف فلوس قرابه50 الف واوراق كثيره مختومه بختمه وصور لها وظروف عقود وبطاقات إئتمانيه ومصرفيه
سكره وفتح دولاب المكتبه شاف كتب كثيره لشعراء توقعها لريماس كونها حساسه ورومانسيه شاف اشرطه فديوا قرابه 14 شاف ستكاراتها كانت حفلات ومزرعه وبر والثمامه و الجناريه ...... إلى ان شاف ((حفل تخرج مازن))
استغرب اي حفل هذا خذاه ونزل لسرداب
وشغله من شافه تذكره على طول تذكر كل شي فيه بالتفصيل وناسه الشباب فيه ورقص مهند بعد الحفله لما كانوا في مجلس الرجال وهدايا اخوانه
تذكر تعليقه مع مهند
((( ابو ثــامر /مبروك يامازن وعقبال الفرحه الكبيــره..
مهــند دقه بيده /قل ان شاءالله..
صد له وضحك/ان شاءالله والعاروسه المزيونه!!
وجلسوا يضحكون... )))
معقوله كنت اقصد عنود الريم ...اكون اقصد ريماس بنت خالتي ماغيرها
اكيد كل الشواهد تقول ايه
هي زوجتي وام ولدي وتقول انها عنود واشوفها متعلقه فيني بس باقي اسأل يامعتز ياهيوف واحلفهم إذا ريماس هي عنودي من جد...
بس ماتوقع انها بتكذب مالها صالح .. .. .. ..
•.¸¸.•°°`•.¸¸.•°°`•.¸¸.••. ¸¸.•°°`•.¸¸.•°°`•.¸¸.••. ¸¸.•°°`•.¸¸.•°°`•.¸¸.••.¸¸ .•°°`•.¸¸.•°°`•.¸¸.•
----------------------------------
(-(صلـ ـوا على الـ حبــ ـيـب)-)
----------------------------------
ºººººººº ;& ordm;ººº
بالكـوفـي شــوب
ºººººººº ;& ordm;ºººººº
بدر بضيق / وهذي السالفه كلها ...قولوا لي كيف اتصرف ؟
فهد زفر بصدمه/ يالله ليش يصير معه كذا!!
معتز/ ........
بدر بأسف طالع معتز اللي من شكله باين انه يحاول يسيطر على نفسه قدامهم ......
فهد نزل راسه على يدينه إللي كانت على الطاوله/ رحمتك يارب
معتز تنهد/ لاحول ولا قوه إلا بالله ... (يطالع بدر) يعني السالفه لها اسبوعين؟
/لا 3 ويمكن اكثر
فهد/ الحين لازم نراجع المستشفى و نتأكد من حامل المرض دام الورق مو واضح
بدر بحزن/ كنت براجعه من جيت من السفر بس ماعندي قلب يتحمل لو قالوا مازن مابي اخسر الاخو الوحيد ...الصاحب الغالي (بضيق) دنياي خذت مني كثير وحرمتني من كل شي احبه بس حسنتها الوحيده عطتني اخو مثل مازن
...نزل راسه على الطاوله وبكى
مسك كتفه فهد / تعوذ من بليس وانا اخوك هذا قضاء ربي
معتز انسحب بهدؤ دموع بدر فجرت مشاعر من جلس حاول جاهد يسيطر عليها
ركب سيارته ومشى للمجهول مازن او ريماس اسماء انغرست بقلبه واحد منهم بيضيع بين مستشفيات ومواعيد وكيماوي وحميات
من سمع الخبر توقع ريماس لان امها ماتت بهالمرض بس يشيل الفكره من باله بسرعه ويدعي من قلبه انه لاهي ولاهو ...............
ضرب الدركسون بقهر مو مستعد يخسر احد فيهم هذا اخوه وهذي اخته هذا تعذب كثير وهذي تعذبت اكثر هذا يكفيه إللي فيه وهذي مو ناقصه حمل زياده
بكى طاحت دموعه وبللت ملابسه بكى بضعف بحزن بضيق مافي يده شي كل شي بيد الله
اللهــــمـ لااعتـــراض
اللهـــــــمـ لا اعتـــراض
اللهــمـ لا اعـــــتراض
♣♣♣♣♣♣♣♣♣♣♣♣♣♣♣♣♣♣♣♣♣♣♣♣♣♣♣♣♣♣♣♣♣♣♣♣♣♣♣♣♣♣♣♣♣ ♣♣♣
.... طفأ شاشه العرض وطلع فوق يحس بضيق محتاج لاحد يجاوبه على تسائلات كثيره بس غير بدر
(يستحي يتكلم عن اهله قدامه
... مسكين مايدري بهم بدر ) ...
طلع للحديقه حس بطفش فكر يدق لميهاف وتراجع همه بيزول لاجته ذيك البنت اللي من يشوفها ينزاح همه وينشرح صدره
بس قال اتركها ترفه عن نفسها كافي دايم محبوسه عشاني
دخل الجوال بجيبه دخل و انسدح في غرفته بتعب راسه يعوره من هالافكار
كان من دقايق عند دكتوره وقاله ان ذاكرته بدت تنشط وقريب بتسترجع وضعها الطبيعي صح فرح مره بس مامنعت فرحته ضيقه ضلت في صدره زفر وجلس شاف على الكوميدينه ظرف احمر
خذاه وفتحه كان مكتوب جواه كلمات من قراها طاحت دمعته
سكر الظرف وقام مختنق طلع للحديقه وجلس على الدرج بكى مايدري من الضيق وإلا من وشهو؟
وش جاب هالظرف عندها معقوله تكون صادقه وتطلع هي عنود الريم
اللي كتبه لها
(الحب ليس مجرد أن تقول لشخص ما انا احبك الحب هو الحب وان لم تقل ....)
زفر بضيق وطلع جواله ودق
بفرح/ الو
/.....
بصوت هادى/ حبيبي
سكر الخط فجأه
ارسل/....
( انتظرك )
3 دقايق وجلست باقل منه درجه بين رجلينه ويدينها على ركبه
بابتسامه وبحب وشوق ولهفه/ لبيه يامنادي
جلسوا قرابه20 دقيقه قدام بعض إلى ان قطع حبل افكارهم صوت الحق
((( اذان المغرب )))
انسحبت بعد ماسالت دموعها قدامه
حط راسه على رجلينه وردد الاذان قام بنشاطتوضا وطلع يصلي برا ا ا ا ا ا حه غريبه افتقدها من زمـــــــان
__________________________________________________ __________________________________________________ __________________________________________________ ___
___________
...العصــ ـــ ـــ ـر
. . . . . .
... نزلت بنشاط لامها فرحانه ومستانسه ومشاعر كثيره تخالج نفسها
امها/خير يمه قايمين بدري!!!
/ابد دقيت لبيت خالي ورد احمد و و و و و و
/وايش؟
/انحرجت و و و و و عزمته للغدا
ضحكت امها/ الحمد لله اثمر فيك الكلام
/بس قال بعد يومين
صدت لها شافتها مبتسمه وسرحانه/ فرحانه
انتبهت/ ها ا ا ا ه ؟؟
/من قال هاه سمع قومي جيبيلي نوف.
طمرت بفرح/ ابشـــــــري
... ابتسمت امها لفرحتها وحمدت ربي انه هداها بقى مازن يارب اسعدني فيه متشافـــــــي متعافـــــــي ...
اليــــــومـ الثانـــــــيــ
الصبـــــــــــــــاح...صح� � مازن وطلع لصاله ماسمع صوت احد بالعاده يسمع صوت السديس تشغل عند سونالي في المطبخ بس اليوم ماله صوت قام للمطبخ شافه مهجور والفرن فاضي استغرب طلع للحديقه ماشافها
رجع مو عادتها توقع تعبانه فكر ينزل لسرداب يدق بابها بس تراجع مايحب تطيح الميانه بينهم طلع فوق بحجه يجيب له ملابس دخل شاف ريماس نايمه بقميص نوم قصير وصدرها مع ظهرها مكشوف وشعرها متناثر على وسادتها وجنبها ولدها جلس قدامها بهدؤ طمن وباس خد ولده
رفع راسه لها ورفع الخصل من وجهها
فتحت وشافته
سحب اللحاف/ قومي
(يصرررف)
طنشته ونامت على جنبها الثاني/ بنـــــــــت
/.....
سحب خشمها ودفت يده
خذا الخداديه وضربها تأففت منه خذا ثانيه ناوي يرميها بها شاف صورهم ابتسم بخبث شي تحرك جواه قام قفل الباب وطفى النور .... ،،،، '''
☼☼☼☼☼☼☼☼☼☼☼☼☼☼☼☼☼☼☼☼☼☼☼☼☼☼☼☼☼☼☼☼☼☼☼☼☼☼☼☼
بعد ساعتين...
طلعت ماخذه شور شافته منسدح يتأمل ولده ابتسمت فرحانه جرائت مازن معها تثبت ان حالته في تقدم...
مستحيل يطالب بحقوقه إلا إذا تأكد او على الاقل صدق
انها زوجته
دخلت ولبست فستان فضي قصير تحت الركبه فيه شريط بني تربطه على الخصر
ولبست جزمه فضيه فيها ورد كرستال
لبست عقد ملكتها وطلعت
كان منسدح يطالع التلفزيون شافها بلم ابتسمت ذكرها بهباله اول لاشافها كاشخه بس الفرق الحين جاد طنشته وتقدمت لتسريحه تعطرت من عطره وراحت له وجلست جنبه وهو منسدح /ليش ماتروشت للحين؟
/ ريماس لا تعطرين من هالعطر مره ثانيه
/ليش؟
/بس
قام بياخذ شور تذكر وصد لها/ سونالي مالقيتها تحت..
/وش تبي فيها؟
ببرأه/ بفطر
دخلت اصابعها بشعره /انا إللي بفطرك من اليوم وطالع وبغديك وبعشيك
استغرب وسكت
سحبت يده ودفته من جهت دوره المياه ومشت صدت له/ انتبه لمعاذ اذا صحى
نزلت تجهز الفطور ...
دق جوال مازن كذا مره طلعت لصاله تشوف من كان
¤ الصاحب الغالي ¤
تنهدت ونزلته ورجعت للمطبخ ودقت لصاحب البقاله جنبهم وجاب خبز خذته وطلعت الفطور بنزله مازن حطته وصدت له /صباحك ورد
ابتسم/ هلا
جلست وتذكرت قاعده حفظتها من تعب مازن
مستحيـــــــل ياكل وهي موجوده قامت ومسك يدها كانه قرا افكارها/ وين؟
/ ا ا ا ا مشغوله شوي
/بعد الفطور كملي شغلك جلست وافطروا سوا وطبعا مثل العاده من دون نقاش
بعد ماانتهوا شالته وراحت للمطبخ ترتبه جلست قرابه ساعتين قام حصلها تمسح ارضيه المطبخ استغرب/ ريمو
صدت له وابتسمت اعجبها اسمها معه/ سم ياقلب ريمو
/وش تسوين؟
/انظف ليش؟
/وين سونالي؟
/ تعبانه
اقرب عذر جا في بالها قالته ومن حسن حظها ان مازن كان شاك بتعب سونالي
اذن الظهر صلت ورجعت معها معاذ حطته في الملاهي حقته
رد مع اقتباس
