من الايميل طبعا
كالعادة ولا اعرف قائلها ..
[poem=font="Arial,5,blue,bold,normal" bkcolor="transparent" bkimage="" border="none,4," type=2 line=1 align=center use=ex num="0,black""]
مانـي متابع للسيـاسة والأخبــار=ولا همـني أوباما ولافوز ماكـيـن
ولا همني وش قال حسني وبشار=وما همني لو زادوا الهند والصين
وما همني لو سوق الأموال منهار=ماهمني لو كان خسروا ملايـين
ماهمني الا راتبي ذا الشهر طــار=كله صرفته يوم خمسة وعشرين
بعثرت مدخولي على يمين ويسـار=وقعدت وعيالـي نصفّـق بـكفــين
1300 عـلى طول إيجار=و400 مصروف جوال في زين
و 1150 في شــركـــة إعـــمــار=قرض ٍ أخذته وشفطـوه الشياطين
و1100 تجديد وأتعـاب سـمــسار=عندي استمارة طوفت حول عامين
و400 فــاتــورة المــاء والأنـوار=حـتـى ولـو كـنّـا للأنــوار مـطـفـيـن
وأمــا 800 بـســوي بها الــكــار=سـيارة ٍ جـربـا ثــلاث وثــمـانـيــن
لا شـمّـت الراتـب يجـيها كـما الزار=تنـفض مكيـنتها كما نـفض بوكليـــن
وام العيال تـصـيح يا زوجي البار=هذا الشهر عندي بها القصر عرسين
احتاج انا فستان من عشرة امتـار=وأفصـله يا فـالح الـراي بـألفـيـــن
وآخر 100 بتروح في جيب كومار=لحارس الهندي عسى فـاله الشـيـن
ويقـول ما تـكفـيـه للفـلفـل الحــار=زعلان يبغى فوقها زود خـمســـيـن
وزادت معانـاتـي مع زيادة أسـعار=أصبح مثل ما قيل طاق ٍ بطاقـيــن
أزمة مسـويها مــداهن وتــجـــــار=وراحوا ضحيتها الضعوف المساكين
منـحاش من نـار ٍ وطـبيـت في نار=ويا ويل حـظ اللي وقــع بيـن نـاريـن
ترى الجمل دايم على الهم صبّار=وان طاح تكثر في جنوبه سكاكـين
أبديت ما بالصدر من هم واسرار=أقولها واخلي الخافي يــبـيــــن
يا شيوخنا لا لا تغضون الأبصار=صار المواطن يشكي العسر والدين
وانتم به ادرى ياطويلين الأعمار=بالله عليكم شوفوا الوضع بالعين[/poem]