[align=center][/align]
الـمـــغـربـ
.... بغرفه ميهاف
بعد ماصلوا جلسوا يسولفون وصل مسج لجوال بشاير فتحته بسرعه كان من احمد من جواله الاول
( متى نملك )
ريناد/ من؟
ارتبكت بشاير وتصنعت الثقه /وحده من صديقاتي تسأل إذا الوسائط شغاله عندي
طنشت احمد ورجعوا يكملون سوالف وجاها مسج ثاني
( بتحددين وإلا احدد انا )
اشغلها وحطته على السايلنت خافت يدق قدام البنات وتتورط انقهر منها ليش ماترد ماطالبها تدق كلها مسج واللي قهره زياده ان تقرير التسليم يوصله بسرعه دليل انها قرت رسايله وطنشت هين يابشور ماتجين إلا بالعناد اوريك
... فجأه شافت نور الجوال كان مسج جديد ترددت تفتحه وقوت نفسها وفتحته ...../
(الحين بس أقدر آخذ قراري
اللي محيرني من العام لليوم
بعدك ونكرانك ورد اعتباري
ثلاث حاجات بها القلب مهموم)قبضها قلبها خافت من رده فعله اصلا ماتدري إذا جاد بتهديده او يمزح استاذنت وطلعت على اساس بتدق لصديقتها دخلت غرفتها وفتحت المسج وقرته بتمعن تضايقت وقفلت الجوال انسدحت بضيق
وطفش تذكرت وهم صغار ياه كانت تكرهه بشكل !!دايم تغار من خوفه وحرصه على سمر واهتمامه بريماس بما انها اخته بعد وهي كانت على الرف بالنسبه له ماكان يعيرها ادنى اهتمام لكذا صارت تناديه ابو البنات وماتلعب مع ريماس وسمر وهو موجود وتحاول بقدر المستطاع تحرجه وتطنز عليه إلى ان كبرت شوي ودخلت المتوسط
اكتشفت انها تميل له تحب تكون شغله الشاغل حاولت تلفت انتباهه باسلوبها معه ودلعها قدامه حتى كانت تكشخ بس احمد ماصد لها ولا اهتم لمشاعرها يمكن كونه صغير على حركات الحب كبرت وتغطت وهي تشتاق له تمنت انه يسأل عنها او يهتم لها بيوم بس خابت ضنونها كذا مره لمحت عند سمر إذا هو يتذكرها او يسأل عنها بس الاجابه دايم تخنقها وتضيق عليها دخلت الثانويه وحبها بين يزيد وينقص نفسها تعرف شعوره ناحيتها بس كيف السبيل . . . . . . . . . . .
إلى ان تخرجت من ثالث ثانوي بنسبه مشرفه 95 %
تذكرت حفلها نجاحها هي وسمر إللي سواها لهم خالها في بيته كان ذاك اليوم احلى ايام عمرها الكل شاركها فرحتها ووزعوا قاتوه النجاح والعصير وفتتحوا بوفيه مسوينه اخوانها لها ورقصوا واستهبلوا واستانست بالعرض والطول
وبعد الحفله قررت تنام عند سمر وبعد مامشى الكل طلعت مع سمر فوق على اساس تبدل وتلبس بجامه من بجامات سمر لانها تضايقت من لبسها طمرت سمر فجأه وتوجهت للباب تركض/اشرطت احمد اللي شلحت (خذتهابدون علمه)
نسيت ارجعها
ونزلت ركض
لحقتها ووقفت تطالعها على الدرج وسمعت هند تناديها عشان تجيب معها مواعين الرجال من المجلس رجعت لغرفه سمر تبدل بس من شافت غرفه احمد قررت تقتحم عالمه خصوصا انه طلع مع الشباب بعد العشا دخلت بهدؤ ولعت النور وسكرت الباب راحت سيده لمكتبه شافت ملفات واوراق تبع لصالته وصوره له خذتها تتأمله آه بس لو تحس فيني باست صورته كان لابس شماغ وثوب حضنتها بتملك احمد صح مو وسيم مره بس عيونه الناعسه مسويه شغل شافت صوره لحاتم وصوره لسمر وريمو وهم صغار فتحت الدروج كانت حوسه شافت البوم بس ماكملته لانها صور له مع اصدقائه سكرته وقامت لسرير انسدحت بالعرض تنفست براحه وهي تشم عطره بكل مكان فتحت وقربت تفتش بدروج الكومدينا حصلت عدسات ونظاره شمسيه وكريمات وحصلت صوره له مع مازن ومعتز ومهند كانت تقطع القلب ضحك من شكلهم كانوا طالعين من المسبح بملابسهم الرياضيه تقول عرابجه احمد لابس سروال ابو سنه وكأن احد هابله (مخوفه) شعره موقف ومهند لابس تشيرت رياضه لونه ازرق وسرواله اصفر ومسوي حركه الاثنين باصابعه ومعتز لابس فانيله علاقي وشورت اسود وشكله روعه مره اما مازن لابس ثوب ابيض مدخله من قدام في سرواله وطبعا قالب اصفر من الوسخ
ماتت ضحك وهي تشوفهم فكرت تاخذها توريها مازن وميهاف وفعلا خذتها وسكرت الدرج وراحت للمرايه شافت عليها قرابه14 عطر وفرشه
وكريمات وعلبه مليانه ساعات كشخه اعجبتها وحده سيورها قماش زيتي وخذتها ماراح يفقدها بين هالكم من الساعات لبستها في يدها اليسار وطالعت نفسها بالمرايه شافت على جنب المرايه قبوع اسود عليه حرف aابيض
لبسته وصدت لسيديات و شغلت المسجل بتشوف لمن يسمع طلعت احلام "ناويلك على نيه"
وهزت عليها شوي
>> ماسمحت من الرقص وهي لها ساعه تردح تحت
هههههههههههه
كل هذا وماانتبهت للي دخل من ثواني
بنت بغرفته ولابسه قبوعه وترقص قدامه والاكيد ماهيب سمر لانه شافها تحت وبعدين هذي اطول من سمر
اوفففف ياحلو جسمها ولا عارضه ازياء يارب شسوي اتكلم وإلا اتركها لحد ماتخلص بس شكلها مطوله
وانا تعبان وذابحني النوم اي نوم انا اشهد ان النوم طا ا ا ا ا ر
فجأه طفت المسجل وهي تدندن على نفس اللحن ولفت بتكمل تفتيش
>> ماخذه راحتها البنت لاحسيب ولا رقيب
طاحت الصوره من يده وطمنت تاخذها حست انها شافت شي غلط بس توقعت سمر فقدتها وجت تدور عليها فقالت /ماتقولين انتي وينك ...
رفعت راسها بعد ماخذت الصوره/ تركتيني لحالـــ
شافته واقف وساند ظهره على الباب ومفهي
حست برجفه بجسمها
احمر اخضر اصفر ازرق ......................
اللوان الطيف كلها ظهرت في وجهها انشل لسانها وتلاشت القوه بصوتها حست بدموعها ماتدري فرح لشوفته او خوف من رده فعله
وقفوا فتره يتأملون بعض
انتبهت ياويلي ويلاه وش قاعده اسوي وش جابه هنا وش جلسني عندهم ياويلي لو شافني احد انتبهت لنفسها وانها بلبس الحفله الفاسخ
(بنطلون خصر واطي سمائي و بادي حفر لونه احمر وعلى خصرها حزام فضي عريض
وشعرها رافعته بعد الحفل بمساكه فضيه وشكلها طفولي مره واللي اعجبه اكثر الحلق اللي مرتبط بسلسله مع زمام خشمها
بشاير نســــــــــــــــت المسروقات >> يمديكم على المسروقات
واخيرا وصلت الاوامر من المخ بان تتحرك للباب وصلته بس هو ماتحرك انحرجت ومدت يدها لمسكت الباب بس يده اقرب ومسك يدها طيرت عقلها حركته كان ودها تصرخ تبكي بس ماقدرت تسوي شي بهيبه حضوره تنفست بقوه يوم قرب لها ارتبكت ورجعت ورا ماتدري وش تسوي ولا كيف تتصرف
صرخت بس ماتدري إذا سمعها او صوتها ماطلع اصلا
وبتوسل نطقت/ افتح البـ اب
لـ و ســ مــ حــــ تـ
تنهد و ابتسم وهو يتأمل وجهها الملائكي وشعرها اللي انعم من الحرير حب يحرجها /انتي بشاير
لك حق ماتعرفني /.......
ضيق عليها اكثر /لهالدرجه مشتاقه لي وجايه تدوريني
فهمت قصده وفضلت السكوت/......
/كل هالزين لي
سحبت يدها من يده بخوف دعت على سمر من قلبها ولعنت حظها مليون مره /
اتركـنـيـ
بوله جامح/ احلويتي
ولع وجهها من اطرائه انتفضت يدها بيده وسحبتها بقوه صرخت/بعد عن طريقي
بعد عن الباب بس قرب لها بعدت عن طريقه توقعت بيمر بس احمد سحبها له بقوه صدمت فيه كانت بتسحب نفسها بس وين بتغلب صاحب لياقه بدنيه
>>الصاله مسويه شغلها
توقعها بتعصب بس هي ذابت في عطرها تنهدت سمعت دقات قلبه اللي ياما حلمت تنبض لها
فاجئها لما خذا القبوع من راسها ورماه على سريره رفع يدها الثانيه يبي يعرف وش الصوره اللي معجبتها شافها وابتسم رماها تحتهم ورفع يدها يفك ساعته بس تراجع في الحظه الاخيره وتركها بيدها صايره احلى عليها
رفع يدها لفمه وباسها رفع راسها له بس انصدم بدموعها ارتبك صحى لنفسه من دخل وهو ماخذ راحته احضان وتبويس نزلت راسها بعد مانزلت دمعتها على خدها ترك يدها وصد عنها وبأسى وخجل وندم /انا اسـف
طلعت ركض طارت تحت لغرفه جدتها وعدت سمر يسهرون سهره صباحيه بس احمد انهى كل شي وخرب تخطيطهم كانت ذيك آخر مره نامت في بيت جدتها تنهدت لهالذكرى الحلوه المره حست بدموعها ابتسمت وامسحتهم ..
--------------------
------------------------
الا ليت الزمان يرجع ورى والليالي تدور..ويرجع وقتنا الاول وننعم في بساطتنا..
زمان اول احس إنه زمان صادق فيه شعور..نحب ونخلص النية وتجمعنا محبتنا..
زمان مافيه لاغيبة ولاحتى خيانة ونفاق وزور ياليته بس يرجع ونسترتجع طفولتـــــنا
صغار وقلوبنا بيضاء..ونعيش بعالم محضور ولانعرف ابد اغراب ما غير عيال حارتنا
صحيح صغار بالتفكير ولكن ما علينا قصور
نخطط نكسر اللعبة وتسعدنا شقاوتنا..نحب الضحك والهيصة
نحب انط فوق السور..
نفرفش ليه ما نفرفش ما دام الضحك عادتنا ولكن دارت الايأم وبان الخافي المستور
وصار الهم متعلي على قمة سعادتنا كبرنا وصارت الدنيا تصف احزاننا بالدور..
وتهدينا الالم والهم غصب عن عين رغبتنا تعبنا من بلاوينا احد ضايق واحد مقهور..
وكلن غارق بهمه وفي الاخر تشتتناوأنا ماقول غير الاياليت ان الزمان يدور..
ويرجع للورى فترة نعدل وضع عيشتنا..
------------------------
--------------------
قامت وفتحت دولابها ومن بين ملابسها طلعت ساعته وصورته
تنهدت... تحبه واكثر من اي شي ومن فتره اعترف بحبه لها بس فيه شي يقلق راحتها ......