السلام عليكم ورحمة الله وبركاته
قبل شوي وأنا أتسدح وأتطبح قدام الـ TV
وأتصفح على جهازي المحمول << بيعلمكم صار عنده جهاز محمول
جاني شاب كويتي معي في الماسن وقال أقلب يا بندر على قناة صوت الشباب الكويتيه
فيها برنامج من البرامج الي يحبها قلبك ,,
أنا دورتها القناة حتى لقيتها
لقيت ولدين وبنت
في برنامج يومي لهم عن الشباب ومشاكله ..
وكلهم قد شفتهم في مسلسلات كويتيه يعني تربية تماثيل
الأول \\ علي ^_^
يا حليلك يا علي شورت وفانيله والشعر شعره داقة أشاره يمين والثانيه يسار
والباقي داق ريوس وكأني شفت شعره صافقة رصيف
الثاني \\ خالد أبو زيران
الأسمر الي شعره ناعم
مادري كيف صار شعره ناعم هو شكله كل يوم بفرادة العجين حتى تسلك شعره
وبرضوه جينز وحركات وحاط كيلو طحين على وجهه ..
الثالثه \\ غالية
الشحم الشحم شوفوها يا بنات السعوديه بنسوي ريجيم بنسوي ريجيم
روحوا طالعوا الشحم ..
ومالقت في السوق شي يجي مقاسها مره علشان تتستر ,,
وعنوان موضوع البرنامج (( الحرية الشخصيه ))
يعني عادي العيال يطولون شعرهم
وعادي يصبغون شعرهم بالألوان
وعادي يلبسون طيحني
لأنها حرية شخصيه
البنت تقاحرهم تقول لا لا مايصير أنتم ريجيل مايصير ,,
يرجعون عليها يقولون ليه أنتي في موقع الفيس بوك
(( موقع تعارف بالصوت والصوره ))
قالت عادي مع ريفيجاتي !!!
المشكله مو هنا \\\
المشكلة شبابنا الي قاعدين يطالعون هالأشياء ويتفرجونها وأخص منهم في سن
المراهقه وفي السن الخطير ,,
واجهة البرنامج واجهه خطيره على مجتمعنا الخليجي ككل .
بالله عليكم تربية التماثيل يرفعون بصوتهم صوت شبابنا ؟؟!!!!!
يا ناس يا عالم وين الرقابة الإعلامية عنهم وين الي يخافون الله في شباب الخليج ..
صوت الشباب يجب أن يكون فيه شباب يخاف الله ويتقيه ويكون خير مثال
حتى يقتدى به ويوصل صوت الشباب بالحق وليس تدليس فقط ليربحوا من وراء
برامجهم المال الوفير ,,
أعجبتني فيهم متصله أسمها أم محمد
ولعت في حريقة ونقدتهم وتكلمت معهم وقالت يا حلو الثياب عليكم يا علي وخالد
والشماغ وأنتي يا المذيعة غاليه ليتك تضبطين نفسك شوي ..
هذا الي جعلني أقول لسا الدنيا بخير ,,
أخواني
هنا أريد صوت الشباب الحقيقي
صوت شباب الإسلام
وكلن يبدي رأيه حول هذا الإعلام الهابط
حتى تصل أصواتنا وأنكارنا لهم
ودمتم بود
</I>
أخوكم
بندر النايف