[align=center]السلام عليكم ورحمة الله وبركاته
صباحي ورد يشبه نقاء قلوبكم
قصيدة أتمنى ان ترتقى إلى ذائقتكم[/align]
[poem=font="Simplified Arabic,4,black,normal,normal" bkcolor="transparent" bkimage="backgrounds/11.gif" border="none,4,gray" type=1 line=0 align=center use=ex num="0,black"]
لاياروان السالفة ماهي اعجاب =توك صغيرة وش تبين بغرامي
انا لو افتح للهوى كل الابواب=كان اصبح الخفاق صفحة أسامي
حتى ولو حسنك سحر كل الالباب -------والله ما اغيّر ياروان ابكلامي
يابنت مالي في هوى تلع الارقاب =لو فيهن اللي تستحق اهتمامي
لا نيب لا غاوي ولانيب كذاب =وانتي وغيرك كاسبين احترامي
لاصار جرحي من هاك اليوم ماطاب=مااظن مثلي بالمحبة يلامي
من راحت اللي مابها شي ينعاب=وانا ثلاث سنين مدري علامي
أضحك وصدري ممتلي حزن واتعاب =حتى السهر مرات عني ينامي
والله لو اعشق من عقب موتها تراب =اني فلا انسى لو هي تمحى عظامي
تبقى بعيني لابسة أجمل ثياب=وتزورني لانام كل الانامي
وتقرا قصيدن جامعه داخل كتاب =واتقول ياهو من دموعك عدامي
وتضمني ضمة وفا بين الاحباب= وتلمني من عقب ماني حطامي
وتشيلني عن واقعي وسط الاهداب = وتحيطني بالنور عقب الظلامي
واشكي لها دمعي وحزني والاسباب =واتجاوب انسى ياهواي ومرامي
ابقى لها وافي ولو عارضي شاب= اللي عليها كل يوماً سلامي
لا مااتحمل لا حكت لحظة عتاب= معقول تنسى بعد موتي غرامي؟![/poem]
[align=center]تحياتي للجميع
فايز الحربي[/align]