المشاركة الأصلية كتبت بواسطة فايز ماجد
[align=center]السلام عليكم
صبحكم الله بالخير
يالربع
ودنا نعطيكم سالفة على هالصبح ونكسر الروتين شوي
<< لاعب بصحته من زمان الروتين توك تكسره :مزون:
يااخوان ذبحتكم الرسمية تكفون بشوف
هههههههههه <<< بقسم الشعر
يااخوان محتاجين تحسين صورة حرام عليكم
لازم نسوي حملة مضادة للاعتقاد الخاطئ وهالقضية المهمة والحساسة والمصيرية
في سبيل تحقيق السلام في منطقة الشرق الاوسط
<<<< كوفي عنان
انتم اقدع ناس واخف دم ناس
لازم نحارب حملات التشويه
السالفة
كتبت قصيدة قبل سنتين
وارسلتها برسالة جوال على ابوضاوي
ورد علي الرجال بوقتها بس خانني هههههههههههههههه وانا ماغير سبع بويتات
لو اني حاشره ومسندن له عشرين ااااه يالقهر ههههههههه
.......
السالفة ومافيها
<<< اخلص علينا طولتها وهي قصيرة
ان فيه مطعم على شارع الكهرباء لاصرت جوعان ومامعك شي
مر عليه وشم ريحة المشوي ابد تسنك تعشيت والله يعينك لاشفت الذبيحة معلقه
قدر الله علي واخذت اوصال فرن سفري هاك الليل قبل سنتين واروح للبيت
الوكاد يوم نزلت من السيارة
وشيل وحط بهالاغراض واحطها كلها بكيس العشاء اللي فيها الاوصال قبل انزل
<<< زول :مزون: مايبي يستخدم يده الثانيه
دخلت البيت وانزل الاغراض مستعجل بتعشى
وافقد جوالي دئلت قلت يمكن من الجوع مااشوف خلني اتعشى
واشوف الدرب
وبعدها ادوره والقاه
وافتح الاوصال والقى جوالي جوا تعشى الرجال وخلص وينقش سنونه
على فالك ياولد خاشرني
وانا
المليعين عاقبني على عشاي وآكله عني دئلت
طلعت الجوال وطفى وخرب وراح كل شي مكثر الاكل الله يصلحه :زعلان:
وقلت : -
[poem=font="simplified Arabic,4,black,normal,normal" Bkcolor="transparent" Bkimage="" Border="none,4,gray" Type=1 Line=0 Align=center Use=ex Num="0,black"]
يقطـع حيـاة العزوبيـة=تشقي ولا عمرها تـاوي
لاصـار ماحولـك بنيـة=تشرح لك الصدر واتداوي
محـروم محتـاج حنيـة=على العنا مانـي بقـاوي
وجوالي يالعن ابـو حيـه=خرب ليا راح بالهـاوي
يسبح بهالزيت من غيـه=ياكل من اكلي وانا خاوي
وقصايدن خطـت ايديـه=راحن وانا للشعر غـاوي
أبياتـي السبـع اخويـة=اسندتها لك يابوضـاوي [/poem]
تم ارسال الرسالة لمحمد ضاوي
رسالة جديدة من محمد ضاوي
[poem=font="simplified Arabic,4,black,normal,normal" Bkcolor="transparent" Bkimage="" Border="none,4,gray" Type=1 Line=0 Align=center Use=ex Num="0,black"]
ياللي تسب العزوبيه=جافل من العيش وحداوي
نفس العزوبي اتحاديه=وليا تأهل غدا اهلاوي
هذي نوادي السعوديه؟=شو بدها عندي تساوي؟
يمكن مباراة وديه=تلعب على ذمة الراوي
بخطةٍ جات وهميه=نتيجة اللعب متساوي
يقطعك يبليس وش ذيه=سهيت مانيب متغاوي
ذكرت لا ذي رديه=بين ابوماجد وابوضاوي
رديةٍ شبه مرثيه=تصور الوضع مأساوي
لي صاحبٍ يبكي عشيه=يقولي بطنه يصاوي
ويذم جواله بطيه=اكل عشاه وقعد خاوي
معذور لاتلحقه سيه=كريم والطبع بداوي
معزبٍ جاه طرقيه=رعيته غرها الشاوي
ويقول محتاج ماويه=رفيقي الظاهر مهاوي
حذرا تجاوب لجنيه=يقالك عقبها مخاوي
خلك على احلام ورديه=جو ٍ يفرفشك ويداوي
والبكره اللي غدت ليه=قعودها بمبركه ثاوي
الحب له في ماريه=ماني مجامل ولا مراوي
والبيض من عقب بدريه=مالي بهن لا ولاناوي
أجدد الوصل قطعيه=والقلب بيبانه تجاوي
كنت احلم بعش زوجيه=والحلم جاه القدر طاوي
إهئ إهئ وش فيه=أبكيه عله يجي ضاوي
عسى العوض بس حوريه=واني مع" محمد" مخاوي [/poem]
هههههههههه ومازال الوضع كما هو عندي وعنده :مزون: يجيب الله مطر :اوبس اوبس:
تحياتي للجميع [/align]