1كفرت بطاغـوت وبـراج الافـلاك=وامنت بالـرازق مغيـث الهلاكـا
2يالادمي صورك واعطاك واغنـاك=ومن الجهل تصرف الغيره دُعاكـا
3بسطت سبعٍ بالوطى جلت أسمـاك=و رفعت سبـع محكمـات سماكـا
4تخضع لك ارقاب الاكابر والامـلاك=انـت العظيـم ولاعظيـم سواكـا
5ياربنا نطلبـك عفـوك وحسنـاك=عفوك شمـل زلات عبـدٍ عصاكـا
6نطلبك وفقنـا لطاعتـك ورضـاك=وممشاً على السنه ومنهج هداكـا
7ياجاهل بالوقـت حـذراك حـذراك=لك ساعـةٍ يكتـب بهـا منتهاكـا
8اللي يصيبك لو تقيت مـا اخطـاك=وان ماكتب يخطيك لوهـو رماكـا
9لله در اللي مـن اعصـور غنـاك=وانا على المعنـى بغنـي معاكـا
10لابد ماتعـرف طريقـك وممشـاك=وتشكر كريماً بالفضايـل عطاكـا
11بدايتك من تربـة الطيـن سـواك=ومن حلة التبجيـل ربـك كساكـا
12وان كان كل الناس من تحت ماطاك=فعرف ترى كـلاً برجلـه وطاكـا
13وتعيش في دنيـاك تايـه بعميـاك=تجني فلس كبـرك وهـذا خطاكـا
14ومرافق الخايب علـى الـذم وداك=في ناتج المحصول صرتم شراكـا
15ونجاء لزومك صد عنـك وخـلاك=في ساعة الضيقة عميلـك نساكـا
16عليـك باللـي لشرابيـك فـكـاك =يفـرح بمندوبـك وطـاري نباكـا
17يضحك احجاجه في مجيك وجمعاك=من عين راع الطيب تلقى عشاكـا
18الفرق واضح بيـن هـذا وهـذاك=وعمل لما تفـرح بذكـره وراكـا
رد مع اقتباس
المشاركة الأصلية كتبت بواسطة محمد سالم الهاجري
