[align=CENTER][table1="width:95%;background-color:black;border:1px solid green;"][cell="filter:;"][align=center]
أنا آسف على حبك ,,,
,,,,,,,,,,,, لأن مثل الحجر قلبك
,,,,,,, سكن في قليبي وتربى ,,,,,,,,,,,,
وكبر وقطع شراييني ,,,,,,,,,
آسف آسف آسف بديت أكره هالكلمه يا شينها شينااااه
يصدمك عند الإشاره ويسب ويشتم وبينك وبينه الزجاج ما تقدر تسمع شتايمه
وينزل يقول سلامات سلامات أنا آسف !!
وين آسف يا أبو الشباب ؟؟
آسف لأنك في هالحر الشديد بتخليني أروح للصناعية وأتمرمط وأدفع الي باقى من
راتبي الي الحمد لله والشكر من يوم يخرج من الصرافه وله 40 حلق ديون وإيجارات
وأقساط وهايبر بانده والعثيم كل شي بعشره وأنا مالقيت بعشره الا علاج الروماتيزم
من كثرت الفراره في أسياب المنتجات
كلمتك آسف تجيب لي رفرف سيارة أو صدام خلفي
أكيد بتهز رأسك وتقول لا
أجل هات حق الصدمه لا أفقع وجهك
تدخل ولدك المستشفى علشان عنده زكام وشوي يحقنونه بأبره وينشل أبنك شلل
رباعي وسداسي بعد الله يكفي أبناء المسلمين ,,
ويطلع لك الدكتور بكل برود يقول \\ أنا آسف >>>>
يا شين وجهك يا دكتور مادري بيطري مادري مسلك بلاعات أكرم الله المسلمين
تجرحني في فلذة كبدي وتقول آسف هي هالكلمة بتشفى ولدي
أكيد بتسوي فيها وتقول الشافي هو الله وأنا عارف ومؤمن ,,
بس عارف إني راح أكسر رجولك وأشلك شلل كلي ,,
زوجتك ترفع ضغطك وأنت جاي من الدوام تبي ريق حلو وشي يبعد عنك هم
الدوام وتلقاها قدامك ريحة بصل وثوم ورابطه راسها بخرقة تمسح بها القدور
وتقابل عند الباب وبدل ما تقول ( هلا حبيبي ) ,,
تقول وين المويه وين الفاكهه وين الـ ....... ألخ
ثم من القهر تطير في حلقها وتسبها وتسب أهلها وتشتم ولا يستبعد تكفخها بعد
وبعد ما تصير مشكله كبيره تجيك بدلع كنت تتمناه قبل المشكله وتقول أنا آسفه ,
طيب يا بنت الناس وينها من بدري ,,
هي كلمتك آسفه بتجيب نتجية الحين >> لا والله تبطين
هيا روحي هاتي الغداء لاأروح أجيب لك صك طلاق سفري
وهنا آسف من نوع آخر
عاق ,, فاجر ,, أبوه وأمه مضيعهم وناسي فضلهم عليه بعد الله
وبعد ما يموتون ويصيرون في القبور تلاقيه توه صحي ضميره ورايح عن قبورهم
يبكي \\ يبه سامحني يمه سامحيني أنا آسف سويت فيكم كذا ..
ما راح تنفعك آسف جهنم وبئس المصير إلا أن يرحمك الله .
****************
أنا عن نفسي كرهت كلمة آسف مره مره مره
ما رأيكم أنتم بعد الجروح والبهاذيل من شخص
تعزونه وتحبونه وما تتوقعون منه الخطأ
وبعد ما يخطي يجيك وبكل برود يقول آسف ؟
هل تقبلونها وتأخذون قائلها بالأحضان .؟
هل لها معيار للقبول عندكم ..؟
تهرجوا معي في السالفة الله يهبلكم حظ :مزون:
[/align][/cell][/table1][/align]