المشاركة الأصلية كتبت بواسطة شاعرة نجد
[poem=font=",6,darkblue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
ماهوب ذنب الحمامه لو يزيد اللهيـب=ياسامعيـن الحمامـه لاتلومونـهـا
سجع الحمامه مع البكره وقبل المغيب=وقتين فيها تهيض وتسجـع لْحونهـا
وأنا حمامة سلام وحس سجعي غريب=سحرٍ لكـل المشاعـر لـو يكنونهـا
تثيرني نسمة النسناس وابْدع واجيب=من صادق الروح مايشعـل بغليونهـا
وأثير من يسمع لْسجعي بعيد وُقريـب=والله عطانـي صفـاتٍ ماتعرفونـهـا
فيني من الحزن مايذهل وربي حسيب=وفيني بعد من هوى ليلى ومجنونهـا
لاصار جرحي أنا مافاد فيـه الطبيـب=وشلون أراعي جْروح الناس وشْجونها
الله عطاني من الابدااع فـنٍ عجيـب=ولي نغمةٍ يذهل العشـاق مضمونهـا [/poem]
رد مع اقتباس
