.
.
.
أسعد الله أوقاتكم بكل خير. . . .
قصيده قديمه لكن بناءا على طلب الاخ فايز بن ماجد,,,
حبيت إني أشارككم بها اليوم وانشالله انها تنال اعجابكم
.
.
.
.
[poem=font="Simplified Arabic,5,black,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black"]
بسم الله ابدا ماسيكتب على إين=والشطر الاخر من كتابي على آني
بسم الله المبدا وبه رب راضين=وحده ولاشريك لله ثاني
رب ٍ خلقنا طين ونعوّد لطين=ولو بينهن لذات فالعمر فاني
رحماك ياربي ترانا مساكين=ضعوف نسألك العفو والاماني
واثني بصلاتي ومن سمع قال آمين=على الرسول المصطفى بالمثاني
رسول رحمه دعوته للثقلين=يالله تجمعنا معه في الجناني
ثمّن أوجه ماكتب بالمضامين=يم الرفيق اللي معي مانساني
سلام يابدر ٍ سطع في الميادين =نوره فعوله عند قاصي وداني
بدر رفيقي ساعة العسر واللين=سنايدي لامن وقتي جفاني
رجال في الدنيا ورجال في الدين=رجال موقف مثل حد السناني
وشلون مايمدح حفيد العزيزين=وابوه عبدالهادي الصيرماني
من روس قومن يرجحون الموازين= عز الرفيق وللمعادي هواني
وعقب السلام اللي ذكر بالعناوين=عسى توفي للكتاب المعاني
أما بعد : .................................=................ ..............................
............ إني من الربع الادنين =رفيق وابن عم مانيب عاني
مدري منين أبدا بموضوعي منين=والعلم فاق العلم والوضع شاني
موضوع حله مايقسم على اثنين=الحل واحد لايطول امتحاني
ماجيتك اشكي من قسى جور الاقصين=الله يكافينا بلاوي الزماني
ولا اشكي من الفاقه ولااشكي من الدين=عسى الغني يغنيني ابْـه وكفاني
اشكي من الفرقا ومن قسوة البين=فراق من اخذني ولا عطاني
لاهو بسددني ولا قال بعدين=ولاهو تعذر لو مجامل عشاني
عذره إلي باي باي بالله على وين= كذا يخليني كسير بمكاني
عقب مخذ قلبي يجافيني ألحين=عقب نزل يشب باقصى المحاني
عقب كتبني في سجل المجانين=عشقه جنوني واكثر العشق جاني
(((مره وانا اهوجس هجوس المحبين=ولادريت الا اللي يضحك وزاني
يقول حبك من طرف واحد إمْـهين=نوعن من الحب آخـْـرَتـْه الجناني
قلت آه لو هو من جميع الطرفين=إن كان ما أخشاه ماكان كاني
وانا ما حبه من طرف أو طرفين=أنا لكل اطرافه محب حاني)))
حسبي عليك الله ياكامل الزين =راح وجرحني في بعاده كواني
مشكلتي إني ماطلبته مزكين=ولاشهود ولاكتابن ضماني
وثقت به وانا احسب الناس وافين=وفيت له يوم احسبنه هواني
وشلون ماثقبه وهو بحلف ويمين =يقول حبك بحر ماله مواني
غرقان في حبك وبموت به لين=يحيني وصالك وتحيي حناني
محمد احبك قالها منوة العين=ولاقلت اعدها طالبك قال ماني
غالي ويتغلا وانا له على الدين=مطيع له فيما ومرني ونهاني
صدقت ماقاله وجيته دواوين=مستنفرن كل المشاعر أغاني
عشته أمل في صبره ايامي سنين=والحب بلوى واشهدنه بلاني
اقول في نفسي الا يالله تعين=واقوله ياربي اشكثر اعاني
ماغير اجاوب كل ماقال لي سين=ادري بيسأل لا تلعثم لساني
درى بكل علومي الزين والشين=بيحت له سدي وسده خفاني
ألا اختفى بنفسه وهو بالشرايين=عيا يفارق خافقي لو ثواني
ياليت يرجع بس ويشوفني زين=تشوف عينه كيف حبه طواني
لو شاف حالي مايدور براهين=دليل عن حبن يرى بالعياني
لكن وينه سيد كل المزايين=اللي هدمني من بعد مابناني
يابدر تكفى يازبون المخلين=يرضيك حقي يروح عند الاناني؟
يرضيك انا ينقال لي تبع مقفين؟=تكفى يابن عمي تراني تراني
يابدر تكفى مانبا العلم علمين=جيبوه لي ولا ترى العلم جاني
يابدر شف لي حل عن قول تكفين=واللي كناه القلب باحه لساني
فنكان حبه له سلاحن بحدين=فانته سلاحي ياللبيب الحصاني
واقبل سلامي ياعشير الكريمين=سلام مني إليك ناصيك عاني
كتبت لك يابدر بالضبط خمسين=تكمل بردك ولـْـك كل امتناني[/poem]
اسف عالاطاله,,,, وسلامتكم
رد مع اقتباس
[/align]
