[align=center]صباح الخير جميعاً
اعود اليكم اليوم وبعد الغياب .. بهذه المتواضعه التي اتمنى ان تنال استحسانكم ..[/align]
[poem=font="Simplified Arabic,4,darkred,bold,normal" bkcolor="transparent" bkimage="backgrounds/11.gif" border="double,4,burlywood" type=2 line=0 align=center use=ex num="0,black"]
حبيبي يابعد عمري فداك الشّعر والشّعار=فداك اللي كتب حرفه ولعيونك يجاريها
ألا يامااكثر اشواقي لشوفك والغلا جبار=على قلبي نقش رسمه وبجفوني مواريها
أنا مشتاقه أحكي لك عن أول وآخر الأخبار=عن أيامٍ بلا صوتك تغيب أحلى معانيها
أموت ان قلت وشلونك؟تجاوبني تقول (بخار)=يالبّا كلمتك دايم بنبراتك تحليها
أنا مشتاقه لبسمة شفاهك يوم أجي زوّار=تلحّن لي تراحيبك (هلا بك ) لي تغنيها
أنا وشلون أبوصف لك غرامٍ فيه أنا محتار=أبكتب وادعي المولى حروفي لك يقدّيها
أحاسيس الغلا مثل الحديقة كلها أزهار=وانا باقطف لك من أجمل ورود الحب جوريها
أحبّك كثر مادنّت رعود وكثر طيرٍ طار=كثر مالاحت بروق الحيا والخير قافيها
أحبّك كثر ماهاضت هجوسك بأعذب الأشعار=كثر ماخطّت أقلامي تعبّر عن خوافيها
كثر مابيني وبينك من رمال وحصى واشجار=كثر ماسارت اقدام البشر واحفت خطاويها
أحبّك حب لو حسه خفوقك في غرامي صار=رهين الشوق واللّهفة لاجل عيني وراعيها
وانا مابيك تجرحني وصرحك بالهوى ينهار =أبي من لمسة يدينك جروح القلب تشفيها
أبي تعرف بإن الحب ماله فالبلد سمسار=إذا بعت بهواك قلوب تركض له وتشريها
أبيك تقدّر إحساسي تصون وتحفظ الأسرار=طقوس الحب في روحك تعلمني مباديها
أبي أضما غرامك لو يجيني كنه الأنهار=الين أسمع (أحبّك ) من شفاهك وارتوي فيها
أبي ضمّة غلا منها أهيم وأنتشي واختار=وجودي في حياتك واهجر العالم واجافيها
أبي تشعر بنبضاتي بلا اشعّة ولا منظار=عيوني في عيونك تسرد القصّة وتحكيها
وأبي حبّة جبين اللّي ليامنّه وعد مابار=يصون عهوده بروحه ولايمكن يخليها
وأبيك الفرحة بعمري مدام ان الفلك دوار=سرق من عيني البسمة يكحّلها ويعميها
ياليتك حولي قريّب لو إنّك ياحبيبي جار=لاجل عيني بشوفك ياحبيب الرّوح أبرضيها
أنا بامشي في حبّي لك ولو طوّل بي المشوار=وعد منّي مشاوير الغلا لاجلك ابمشيها
أحبّك إيه أحبّك ثمّ أحبّك زيدها تكرار=أبي يطرب لها سمعك وتطرب بك قوافيها
كتبت حروفي أوصف لك ولكن خلها تذكار=مدامي ماأشوف اني وصفت اللّي أبي فيها [/poem]