هم كلهم 6 انواع بشرح لكم بالتفصيل كل واحد وش تحتاجين له وشلون تسوينه
اول شي لهم كلهم تحتاجين سلايس برد وعجينه فولفون (السنبله) الباف بستري اللي صايره مضلعه
اول شي خبزي الفولفون خاليه في الفرن وشيلي التجويف الوسطي
غطيها بفوطه وخليها عشان ماتنشف
شيلي الاطراف و رقي السلايس
خلي مجموعه من اللي رقيتيهم على جنب وغطيهم بفوطه
الحين نجهز الحشوات ونشتغل
اسلقي ربيان وقطعي بصل صغير جدا وفلفل اخضر صغير جدا واحمسي وبهريه عشان ماتطلع ريحه الربيان
اخلطي الكاتشاب مع المايونيز
صفيه في صينيه التقديم وتعالي نجهز الثاني
صدور دجاج مسلوقه ومبهره ومقطعه
ضيفي عليها جبن شيدر مبشور وجبن كرفت قلاسات وملعقتين قشطه وشويه ملح وفلفل
خذي من قطع السلايس اللي قطعتيهم ارباع
ولفيها رول واضغي عليها شوي وانتي تلفين
حطيها باخر طرف شويه حليب (عشان تمسك)
وبعدين ارجعي قطعي اضعف شوي
اربطي اعواد البصل حول رول الدجاج وقصي الزايد
صفيهم في صينيه التقديم وتعالي كملي الثالث
امسكي قطعه دائريه من السلايس باللبنه
حطي على وجهه طماطم مقطع صغير وشيلي البذور منها عشان ماتطلع ماي مع فلفل اخضر وزيتزن اسود
صفيها في صينيه التقديم وتعالي جهزي الرابع
اخلطي جبنه فينتا مع نعناع
حطيها بقمع تزيين الكريما وحطيها فوق دائره السلايس
صفيها في الصينيه وتعالي نكمل الخامس
سلمون تقطعينه شرايح بالطول .....بالعرض ماراح يتقطع معك لانه فيه انسجه
حطي قطعه من السلمون ملفوفه على قطعه السلايس
تيركي او دجاج او مرتديلا او اللي تحبينه من اللحوم البارده
خذي قطعه من السلايس اللي ماتقطعت اللي بس فردناها وتركناها يعني القطعه الكبيره
حطي اوراق الخس بعد ماتقطعينها وتشيلين منها القطعه الجامده
جمعي كل سندويشاتج وصفيها بصينيه التقديم وقدميه لضيوفج وانتي رافعه راسج
_
وبالعافيه
منقوووووووووووووول
مع الشكر لصاحب او صاحبة الموضوع الأصلي