إهـــــــــــــــــــداء
إلى كل من حب ( وتنيل بستين نيله )
بصراحه مدري كيف كتبتها
أو مدري كيف تجرّيت وكتبتها
بس أنا من عادتي عنيف إذا عصبت ...... يمكن هذا الشي اللي خلاني أكتبها
عالعموم هذي القصيده ::
[poem=font="Simplified Arabic,5,darkred,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
فرقى ولا حب ٍ يجيب المذله=يذل رجال ٍ على العز رابي
عفنا هذاك الحب عفناه كله=يقطعك ياحب الوهم والسرابي
الحب لهل الحب مذهب ومله=ونا بليت بكافر ٍ به وصابي
أحد ٍ على عمياه واحد ٍ حصل له=نفس الذي بدرب الهوى قد جرابي
خانه خليله عقب ماكان خله=مثّل عليه الحب وامسى مصابي
ونا على قولة بعضهم على الله=صدقت ماقاله ولو به عذابي
التجربه أولى وقلبي مولّه=ومشيت درب الحب مدري مشابي
جته المشاعر صادقه مسفهلّه=والحب في قلبي تمكّن وذابي
له منصب ٍ بالقلب محد ٍ وصلّه=وليته امر القلب دون انتخابي
ايوالله اني بالغلا منصح ٍ له=غلا من الله حل في ولجابي
سنين راحت مخلص ٍ وافي ٍ له=وفيت به حبي وضاع الوفا بي
ويوم ٍ عرفني صرت له مثل ظله=قام يتمادى فالخطا مايهابي
ونا اتبعه وارجيه عل ولعله=مر ٍ بجاه الحب ومر ٍ عتابي
واثر الغدر في دمه الا جبلّه=جبلّة ٍ ماجابت الا الخرابي
سطا على قلبي بسيف ٍ يسله=وعقب انكسر قلبي وقف وانتخابي
يقول خله يامحمد وخله=يذوق من كاسه ويشرب شرابي
قلت ابشر ولبيه ياقلب قله=محكوم بالاعدام حكم ٍ غيابي
خله يموت وينتهي في محله=من لا حسب لي عندي ماله حسابي
من له يصونه عقب ماقفيت من له=والله ماتلقى لقولي جوابي
دوري على من يعشقك يالمضله=انشهدنه درب حبك غدابي
وانشهدنه صدق قول ٍ أجلّه=ما يملا عين ابن آدم الا الترابي
واليوم دمعي من عيوني أهلّه=ماهوب ضعف ٍ لكن ابكي شبابي
لا واشباب ٍ ضاع محد ٍفطن له=راعيه عميان ٍ به العقل غابي
مار احمد اللي رد قلبي ودله=يالله ترد الضال يم الصوابي [/poem]