[poem=font=",6,darkred,bold,normal" bkcolor="transparent" bkimage="" border="double,4,darkred" type=2 line=0 align=center use=ex num="0,black""]
الدروب طوال والعالم غريب = قالها الي ماعرف قرب البشر
واصعب اللحظات هي فرقى حبيب = وابلغ الدمعات دمعات القهر
والله ان الذنب هو قطع النصيب = والله ان الصدق منجاة ونصر
والله ان الخوف من طعن الصحيب = والله ان الموت طعنات الظهر
لا رأيت الشمس تقرب للمغيب = اعرف ان الشمس يتبعها القمر
ولا لقيت الرجل يمدحه الغريب = اعرف ان الرجل مصيون القدر
لا بغيت الحظ يسمحلك تصيب = ارفع اليدين في وقت السحر
واطلب الله كل حسنا ماتخيب = مكرم الداعين كشاف الضرر
راس الفتى آيل الى حال المشيب = لكن ذكره ما يشيب به عمر
اكبر جروح الزمن لازم تطيب = كود جرح الاب يبقابك دهر
والخطيب يقول في وقت الخطيب = والعباد سكوت تسمع للذكر
ولا سمعت الرجل من اصلِ عريب = اعرف ان الرجل ذباح النحر
والبداوه يامعاير ماتعيب = ذكر طيب لا كتبته بالسطر
يازمان البؤس والوجه الشحيب = والله ان الضحك في وسط القبر
لا رايت الريح فاحت منك طيب = اعرف انك فايزِ يوم الحشر
والدروب قصار والعالم رهيب = قالها الي قد عرف حب البشر
[/poem]
رد مع اقتباس
المشاركة الأصلية كتبت بواسطة فروحه الطائف
