بسم الله والصلاه والسلام على افضل خلق الله
اعزائي واحبائي هذه القصيده قلتها عندما نشرت صور كاركتير مسيئه لرسول الهدى عليه
الصلاه والسلام في المره الاولى قبل فتره والان نرى الامر يتكرر والصمت يتكرر وردة الفعل لم
تتغير ..
مايبعث الاطمئنان في النفس اننا لازلنا نستطيع محاولة تغيير المنكر باللسان بعد ان فقدنا
امكانية تغييره باليد واخشى ان نصل الى درجة ان لانملك سوى امكانية التغيير في القلب ..
وين غيرتنا وشيمتنا
[poem=font="Simplified Arabic,5,black,bold,normal" bkcolor="transparent" bkimage="" border="double,4,black" type=2 line=0 align=center use=ex num="0,black"]
انكشف وجه الحقيقه وانفضح حقد الضمير = من يصدق في صداقة مسلم وكافر غبي
الصداقه واختلافات العقايد ماتصير = ليا متى وانته تجاوز ياشعبنا اليعربي
رفقة قلوب الخباثه تتعب القلب الكبير = لا تعديه الملام ولاينول اللي يبي
المصالح لو تجمّعنا يفرّقنا المصير = من زمان اول صداقتنا صبي ينطح صبي
والعلاقه بينا يحكم بها السيف الشطير = والتفاهم من قدايم بالسلاح المغربي
واختلف عنوانها المفهوم بالوقت الاخير= ظاهر العلم المحبه لكن العلم معبي
لين وصلت عند تالي الوقت للمنحى الخطير = الشباهي ماعلينا والمعرب ينتبي
لدينه وعرضه وماله منهج المسلم يغير = ومن يساوم بالثلاثه يارجاجيل يهبي
راس خلي من الحميه لو كبر مافيه خير = الحميه والشهامه شيمة الحر الابي
وين غيرتنا وشيمتنا وواقعنا المرير = على مرآى العين منا يسخرون من النبي
كيف بالله في رسول الله يسوى كاركتير = استفيقي ياقلوب يا عقول استوعبي
الرسول المصطفى محمد الهادي البشير= اجتباه الله يوم اراد منا يجتبي
في جبين امتنا وصمة عار يقراها الضرير = وان سكتنا نجمنا بادي مع الوقت يخبي
كل موقف يتخذ محفوظ والخيّر يشير = ياتواريخ احفظيه وياسجلات اكتبي
كيف نرجيه الشفاعه لاغدى الموقف عسير= لا سألنا وش عملتوا في حقير(ن)ضحك بي ؟؟[/poem]
وسلااااااااامتكم